صنعوها الابالسة من الاخوان المسلمين حماس والجهاد والصهاينة وتمويل ايراني ودعم اعلامي من الجزيرة !!!!*،  مجموعة ابالسة حاربوا فلسطين متفقين مترابطين متكاتفين ، *فعلا انها مقاومة الجيل الخامس الخائنة . كانوا يحكوا عن مفاوضات منظمة التحرير انها مفاوضات عبثية،  ومفاوضات خيانية انهزامية منبطحة فرطت بالثوابت،  المفاوضات الي حررت غزة والضفة من ذل الاحتلال وقرف الانتفاضة،  المفاوضات الي رجعت مليون ونص فلسطيني من الشتات لفلسطين،  المفاوضات الي بنت النا مطار حقيقي ومعابر وممرات آمنة شبكت غزة بالضفة وعملت النا جواز سفر حقيقي،  المفاوضات الي بنت سلطة بوزارات ومؤسسات وقوانين وتشريعات ومحاكم كانت تعتبر نواة محترمة وبداية حتمية لبناء دولة حقيقية ذات سيادة،  المفاوضات الي عملت النا شرطة خاصة وزي عسكري وبريه وقايش ورتبة ومسدس على جنبه،  بدلة ميري فلسطينية مية في المية وأمن وطني ومباحث ومكافحة مخدرات وبحرية ومرور ونجدة،  المفاوضات الي فرغت سجون الاحتلال من تسعة وتسعين في المية من اسرانا البواسل،  لحد ما وصل العدد لبضع عشرات وكان الزن والضغط مستمر لتحريرهم،  المفاوضات الي انتزعت النا عضويتنا في كل المؤسسات الدولية،  مفاوضات حافظت على الهوية الوطنية الفلسطينية وخلقت منهاج تعليم فلسطيني بيزرع تاريخنا وحقوقنا واحلامنا واهدافنا في مخوخ اولادنا والاجيال الجاية زراعة،  مفاوضات خلت البساط الاحمر ينفرد قدام رئيسنا الي بيحمل اسم فلسطين في اكتر من ٢٠٠ دولة حول العالم،  وبيرتفع قدامه علم فلسطين على سارية زي اي دولة عظمى،  مفاوضات عملت النا وزراء وسفراء وعلاقات دبلوماسية بعد ما كنا بلا هوية،  مفاوضات اجت كنتيجة وخلاصة لكفاح مسلح ونضال شعبي استمر خمسين سنة،  مفاوضات حافظت في النهاية على الإنسان الفلسطيني،  مفاوضات نقلتنا بعيدا عن الملعب العسكري المسلح الي احنا مش قده،  هادا المربع القاسي والخشن علينا كشعب اعزل،  في ظل وجود فرق هائل في ميزان القوة بينا وبينهم،  بين الحجر والعصاية وبين حاملات الطائرات،  بين الموليتوف والمقلاع وبين الإف خمسة وعشرين والدبابات،  نفس الفرق الضخم الي بين الاحلام والطموحات والاوهام والخزعبلات وبين الواقع المر والحقيقة المحزنة والمؤلمة الي بتعيشها امتنا العربية النايمة،  احنا ضعاف مهما اوهمنا حالنا وخدعنا انفسنا بعكس ذلك،  كانوا ضد مفاوضات ما تنازلت عن ثوابتنا ابدا،  بل انتزعت النا حقوق ما كنا نحلم نستردها واحنا في الشتات،  وللاسف اشتغلوا بكل قوة ضدها وضد كل المشروع الوطني لغاية ما هدوه،  تخوين وتكفير وشيطنة وكذب وخداع واوهام والمصالح وتحالفات فارطة ورهانات معوقة ومغامرات مدمرة،  المفاوضات الي بتحصل الان والناس بتموت كل ساعة بالعشرات،  ومع كل ساعة مفاوضات يعني استمرار لاهانة وذل وقهر مئات الآلاف المرميين في الشوارع،  مفاوضات بتحكي منشان الله وقفوا القتل والتدمير،  وقفوا الحرب وخلينا نرجع زي ما كنا،  مفاوضات عشان يرجعوا المشردين لركام بيوتهم،  مفاوضات لوقف الحرب الي اخدت اكتر من ميتين الف انسان منا،  وهدت كل غزة على روس صحابها،  للاسف بيوهموا حالهم انهم طرف مفاوض،  والحقيقة مع الاسف الشديد انو الاحتلال ووراه طاغوت العالم امريكا ما بيتفاوضوا، المقاومة بغزة صانعة اول إنقلاب دموي اسود خائن حمساوي بغزة بفلسطين ،  بتمويل ايراني ودعم الجزيرة الإعلامي ( تذكروا يا ناس) ومن ثم صانعة  طوفان النكبة والدمار لشعب فلسطين وكيانهم بغزة ، وايا بتمويل ايراني ودعم الجزيرة الإعلامي ،   واليوم ابتدأت المقاومة الخائنة مع الصهاينة والجزيرة وبتمويل ايراني لصنع طوفان النكبة بالضفة ومع الصهاينة بكل تاكيد ، انها المقاومة الفلسطينية الخائنة ،  لعبة الجيل الخامس للمقاومة ،  وكله نعيشه ونشاهده  كل يوم  في قطاع غزة الفلسطيني المنكوب بفعل تلك المقاومة الخائنة .  وانتقل اليوم إلى الضفة وانتقلوا مع النكبة من القطاع إلى الضفة  السادة  المحللين العسكريين والسياسيين  للجزيرة  لتكتمل اركان صورة المؤامرة المكشوفة الواضحة التي كانت متوقعة للضفة  وقلناها وقالها الكثيرين ،