‎الولد اللي كان بيقولوا عليه رخم دقولتي عمل كافيه عالمي في المهندسين. ‎الواد أبو كرش دقولتي بقي بطل كمال أجسام . ‎أوائل الثانوية العامة بيعيدوا السنة. ‎واللي اتأخر في الجواز خلف بسرعة. ‎واللي عايز ولد جت له بنت. ‎واللي عايز بنت جاله ولد. ‎واللي ما نفسوش في عيال ربنا بعتله توأم. ‎المجموع اللي جبته ودخلت أحسن كلية في مصر طلع فانكوش !
 ‎افتكرت انك اتعينت في مكان حلو طلع وحش !
 ‎امشي في حياتك لو قابلت بنت الحلال اللي عايزة تكمل معاك أهلا وسهلا !!
 ‎البنت اللي سابتك عشان شغلك مش عارف إيه كتر ألف خيرك ومع السلامة وما تزعلش . ‎مديرك طردك مع إنك احسن واحد بتشتغل ولا يهمك. ‎ارضي ربنا في الكام يوم الزيارة اللي انت قاعدهم هنا وما تتعبش نفسك عشان ما يجيش يوم وتقول ( يا ليتني قدمت لحياتي )