لخّصلي

بمناسبة مولد سيدي العريان اللي شغال في الجونة حالياً واللي فيه كمية عري واسفاف وابتذال تخليك عايز تجيب اللي في بطنك فالناس دي لو كلمتهم بحلال وحرام هتلاقيهم ابجح من البجاحة وبيزعقوا فيك بكام جملة حفظوهم من عينة دع الملك للمالك ويمكن عند ربنا احسن منك وملكش دعوة يا داعـــشي يا متزمت فخلينا نتكلم عن جانب مهم كمان بتدعي الطبقة دي زوراً إنها كدة بتحرر المرأة وبتترتقي بيها وهما ميعرفوش ومنساقين بتصرفاتهم دي لتسليع وتشيء المرأة وتحويلها نفسها وجسدها ومفاتنها لسلعة مجانية وترسيخ ده في اذهان المتلقين خاصة من الرجال واللي بيساعد في زيادة معدلات التحرش واحتقار المرأة والتعامل معاها كأداة امتاع جسدية للرجل.

بمناسبة مولد سيدي العريان اللي شغال في الجونة حالياً واللي فيه كمية عري واسفاف وابتذال تخليك عايز تجيب اللي في بطنك فالناس دي لو كلمتهم بحلال وحرام هتلاقيهم ابجح من البجاحة وبيزعقوا فيك بكام جملة حفظوهم من عينة دع الملك للمالك ويمكن عند ربنا احسن منك وملكش دعوة يا داعـــشي يا متزمت فخلينا نتكلم عن جانب مهم كمان بتدعي الطبقة دي زوراً إنها كدة بتحرر المرأة وبتترتقي بيها وهما ميعرفوش ومنساقين بتصرفاتهم دي لتسليع وتشيء المرأة وتحويلها نفسها وجسدها ومفاتنها لسلعة مجانية وترسيخ ده في اذهان المتلقين خاصة من الرجال واللي بيساعد في زيادة معدلات التحرش واحتقار المرأة والتعامل معاها كأداة امتاع جسدية للرجل. تسليع المرأة بتدعي اغلب النسويات زوراً إنها ضده لكن على ارض الواقع هي بتشجع عليه وبتهاجم اللي بيعارضه فقط لأن الدين بيعارضه برضو فاللي هو لا مستحيل نتفق احنا والدين سوا وخلونا نبدأ نفهم القصة الملعبكة دي.

في المقال ده هنناقش الظاهرة دي أسبابها وأشكالها ونتايجها اللي للأسف دمرت المرأة الحالية وهي مش واخدة بالها وحولتها لسلعة ومسخ وأي بنت هتقرا المقال ده هتلاقي نفسها اتاثرت بشكل او بأخر بالظاهرة دي وللأسف تأثير سلبي زي ما هنشوف مع بعض.

كم مرة وأنت فاتح الفيس او يوتيوب او التلفزيون وظهرلك إعلان عادي وكان الإعلان عن عربية  أو عطر أو شيكولاتة، وتتفاجئ إن الكاميرا بتركز على شفايف أو جسم أو جزء من جسم البنت  اللي بتظهر في الإعلان وأنت مش فاهم إيه علاقة جسمها ولبسها بأني اشتري عربية مثلا ؟

في مسلسل فرنسي بيناقش الظاهرة دي بنت رايحة تقدم في شركة إعلانات فلقيتهم ببصوروا إعلان عادي عبارة عن بنت ماشية بلبس فاضح في الشارع وسط رجالة كتير كلهم مركزين عليها وبيحاولوا يقربوا منها.

البنت مفهمتش ده إعلان إيه بالظبط عشان تتفاجئ أنه إعلان عطر!

طب إيه علاقة البنت المثيرة بالعطر حضرتك؟

يمكن  الأمر ده  مكرر بالنسبة لك للدرجة اللي تخليك متعود عليه، وممكن كمان تعتبره  أمر طبيعي "غير مُستنكر".

لكن اللي متعرفوش ان دي ظاهرة عالمية سلبية جداً متعرفش المردود السلبي اللي  ممكن يرسخه إعلان زي ده  بيعامل المرأة وكأنها هي السلعة وبيساويها بالسيارة أو الشيكولاتة أو زجاجة برفيوم.

أول حاجة الظاهرة دي اسمها تسليع المرأة أو تشييء المرأة او  التشييء الجنسي للمرأة (The objectification of women)‏ وهو ببساطة رؤية ومعاملة النساء كشيء!

وده عن طريق استخدام جسد المرأة في الترويج والتسويق للمنتجات وزيادة الأرباح، واستخدام المرأة كأداة عرض جنسية في الإعلانات اللي بتسعى لتكوينِ صورةٍ ذهنيةٍ للمنتجِ ملتصقةً عند المتلقي  بصورِ الإغراء.

الظاهرة دي مش مقتصرة على الإعلانات بس كان الموضوع يبقى هين ده في وسائل الإعلام كمان.. كام فيديو كليب مثلاً معتمد على فكرة بنات عريانة وبترقص بس كوسيلة جذب؟

ده غير مثلاً تلاقي افتتاح حاجة زي ال أولمبياد مثلاً او اي بطولة رياضية تلاقي جايبين بنات عريانة وبترقص!

ده غير ظاهرة تقييم المرأة في الأحداث العامة بناء على المظهر الجسدي  زي اللي بيحصل في مسابقات ملكة الجمال، ومؤخرا ظاهرة الفاشونيستا على الانستجرام.. وحالياً مهرجان الجونة للعري والابتذال.

دي غير تطبيقات زي التيكتوك واللايكي وغيرها من برامج اللايف اللي أفرزت لنا ظاهرة مقززة أسمها " روتيني اليومي " هنتكلم عنها باستفاضة كمان شوية بس قبلا نفهم الظاهرة دي اكتر.

عملية تسليع المرأة بتتضمن تقديم المرأة كسلعة جنسية، ووضع معايير محددة للجمال اللي لازم تكون عليه أي ست عشان يتقال عليها جميلة وجذابة " شعر اشقر ناعم جذاب، شكل محدد لون بشرة معين بنية جسمانية معينة،"

واكتر ناس بتستفاد من الكلام ده شركات التجميل اللي بتطرح  في المقابل منتجات للتنحيف والتسمين، وتبييض البشرة وترطيبها، بتجني من خلالها أرباح هايلة.

طب ليه المعلنين عامة بيستخدموا المرأة بالشكل الجنسي البحت ده؟ هل عشان هما قلالات أدب وخلاص ولا الموضوع تجاري بحت؟ طب لو تجاري أزاي حاجة زي دي تجارية ؟

مبدأيا لازم تفهم إن الهدف الأساسي للمعلن بيتمثل في إقناع المستهلك وجذب انتباهه، وعشان يحقق الهدف ده، لازم يخلي المخ يتفاعل.

واكتر حاجة بتدغدغ مراكز العاطفة في المخ هي الجنس اللي  بيحطم المحرمات أو “التابوهات” وبيلمس الاحتياجات الأساسية عند الإنسان.

وفي ظل ازدحام الإنترنت والتليفزيون بالإعلانات، المنافسة بين المعلنين بقيت شرسة اكتر وده بيشجعهم على استخدام الجنس بشكل أكبر.. بالإضافة لكل ده، الإعلانات مبقيتش  بتهدف لبيع المنتجات بس لا دي بتروج لنمط حياة محدد، لبس معين شكل معين ميكاب معين جسم معين شعر معين وتأطير متعمد لشكل وهيئة  وجمال المرأة.

تمام؟ طب ليه في الغالب بيتم استخدام المرأة بالشكل ده اكتر من الراجل ليه مفيش العكس بيحصل غير بصورة أقل ؟
———