لخّصلي

صباح الخير يعطيكم العافية زملائي وزميلاتي أعضاء فريق ZOOM IN
اول اشي بحب أتشكركم فرداً فرداً على ما تقدمونه من خدمات ومساعدات ونصائح ومبادرات وغيرها الكثير مِن الإشياء الحلوة والمميزة يلي شفتها منكم

ثاني اشي انا زميلكم احمد النادي في جزء منك بعرفوني وتعاملو معي والجزء الثاني ما تعامل معي ويمكن بعرفني شكلياً او ما بعرفني بالمرة
بس الاشي يلي بدي احكيه موّجه للجميع وحاب إنكم تعرفوه
انا طالب طموح مثلي مثلكم واجهت كثير صعوبات وتحديات لحتى وصلت للمكان يلي انا فيه حالياً وبعد ما أصبحت رسمياً طالب بكلية الاعلام اجتهدت واشتغلت وتعبت على حالي لحتى أَوصل لحلمي
فكرة الترشح للإنتخابات ما كانت ببالي نهائياً لانه يلي بعرفه عن الانتخابات انه شغلة مقرفة وفيها مشاكل ووجع راس وما فيها ديموقراطية بالمرة بالعكس هي ماشية على أساس العنصرية والعشائرية و العزوة الأكبر
بس يلي صار انه من بداية اول فصل الي بالكلية وبعد تعب وجهد واجتهاد كبير تعلمت الأساسيات بالتخصص وكانو الطلاب يطلبو مني مساعدة ببعض اشياء " مشاريع وتصوير ومونتاج وكتابة وتلاخيص "
مع اني والله ما كنت اعرف حدا وولا حدا بعرفني بالكلية
وبعد اختلاطي بطلاب قسمي ومساعدتي الهم كان في ناس كويسة طلبت مني طلب كنت مستبعده عن تفكيري نهائياً وهو الترشح للقسم وتمثيله " الانتخابات "
وبعد كثير من التفكير وكثير من الدعم المقدم من كل شخص عرفته وساعدته وتعاملت معه وكمان كثير طلاب اقترحت علي انه أترشح للإنتخابات وكلت اموري لربنا ونويت على الترشح ودعيت " يا رب اذا فيها خير ونجاح الي انك تيسرها وَيَا رب اذا فيها شر ورسوب الي انها تتعركس الامور وما أترشح بالمرة "

وبعد هيك صار كثير قصص واشياء ومغامرات وبذلت جهد وتعب كبير جداً وتعاملت مع الناس بشخصيتي الحقيقية وما تصنعت نهائياً لكسب ثقتهم
ما بدي اطوّل عليكم اكثر من هيك وجد بتمنى اكون معكم وبينكم لحتى احكيلكم بعض الإشياء يلي صارت معي وخصيصاً بالدعاء يلي دعيته فوق واذا ما كنت بينكم بالحظة هاي بتمنى من ثابت يحكيلكم شو صار

على كل حال حاب اقدلمكم بعض الإشياء يلي كانت ببالي وفكرت فيها وشو رح اعمل قبل الانتخابات وبعدها وهي كانت بمثابة حجر الأساس للبرنامج الانتخابي

قبل الانتخابات
مساعدة الطلاب الضعيفين بالمونتاج والتصوير بمشاريعهم
ملخصات لأغلب المواد يل بدها حفظ
تعليم اساسيات التصوير والمونتاج لكل طالب حاب انه يتعلم ويستفيد
مساعدة الطلاب بالتسجيل للفصل الدراسي الجديد
حملة تبادل كتب مرتبة مش عشوائية وبنهاية الحملة ان شاء الله في جمعه صغيرة لطلاب قسمنا رح نوزع فيها حلو وعصير وورد بمناسبة بداية فصل دراسي جديد
سلسة فيديوهات تعريفية فكرتها سؤال بطرحه المقدم والمرشح بجاوب

ما بعد الانتخابات اذا ربنا كان كاتبلي تمثيل القسم
الجانب الاول : تعزيز المهارات الإعلامية

• دورات تقدمها قناة الجزيرة " الصوت والإلقاء "
  -محاضرات في جميع مجالات الاعلام
  -استقطاب مختصين لتعليم الطلاب كيفية عمل C.V
  -دورات في المجال الاداري والتنمية البشرية
  -دورات وورشات تدريبية لتعليم اكبر كم من الطلاب أساسيات التخصص من مونتاج وتصوير وتحرير

٢-الجانب الدراسي

• دعم الطلاب على الاجتهاد في موادهم وتحفيزهم وذلك من خلال عمل مسابقات وتقديم جوائز للطلاب اصحاب اعلى العلامات في الامتحان الاول والثاني


• دعم الطلاب على عمل الملخصات المجانية وتقديمها ونشرها لكل طالب بحاجتها
  -التنسيق للمواد الإجبارية والاستدراكية وعمل محاضرات مراجعة داخل الكلية لكل هذه المساقات

٣-جانب الخدمات

• تجهيز فريق طلابي بالمعدات اللازمة من اجهزة كمبيوتر ومساعدة كل طالب يريد تسجيل المواد وتفعيل دوّر ممثل القسم برفع سقف الشعب وطرح شعب جديدة حسب حاجة طلاب القسم


• تجهيز فريق تطوعي لتزيين مداخل ومخارج الكلية "الدهان . سلة المهملات . تحديد مكان مخصص للطلبة المدخنين وتجهيزه بحيث ان لا تؤثر رائحة السجائر على باقي الطلاب "


• عمل فريق تطوعي مهمته مساعدة الطلاب غير القادرين على تعلم اساسيات التخصص بعمل مشاريعهم


• عمل فريق تطوعي مهمته ارشاد الطلاب الجدد واستقبالهم ومساعدتهم بالتعرف على تخصصهم وكليتهم
  ٤- جانب الأنشطة


• عمل رحلات طلابية لبعض القنوات الإذاعية والتلفزيونية


• عمل المسابقات الترفيهية


• عمل طاولة لتبادل القصص والكتب والروايات هدفها زيادة الوعي الثقافي لدى طلبة كلية الاعلام


• إحياء المناسبات الوطنية والدينية وذلك عبر عمل بعض النشاطات داخل الكلية


• استضافة أُناس اصحاب شأن في مجال الاعلام من مخرجين ومذيعين ومتقدمين
  -فطور جماعي لطلاب القسم


• مسابقة فكرتها عمل فيديو يهدف الى فكرة معينة " التدخين . رمي القمامة . وافكار اخرى "

واهم آشي واهم نقطة : حلقة وصل ما بين الطلاب والهيئة التدريسية والإدارية

وكمان في اشي مهم حاب اعمله وهالاشي انا نفسي عانيت منه كثير والله : المعدات والكاميرات لازم تنتقل من الفنون لكليتنا

التواصل مع الهيئة الإدارية بالكلية ونشر كل ما يخص المؤتمرات والزيارات الرسمية وإعطاء الحق لجميع الطلاب في المشاركة فيها

اذا عندكم اي ملاحظات أو اي تعديل او اضافة او حابين تناقشوني بنقطة معينة انا جاهز بأي وقت ومن حقكم إنكم تسألو

بالنهاية حاب احكيلكم انتو طلاب بالقسم ومن حقكم تختارو الشخص المناسب لحتى يمثلكم خيّر تمثيل امام ربنا وامام الجميع واذا شايفين انه احمد النادي فيه الصفات يلي لازم يتحلى فيها ممثل القسم من حكمة وقوة شخصية وشخص متحدث وصاحب مبدأ ونيته صافية صوتوله وادعموه وانتو مطمئنين .

اخوكم وزميلكم الأقل علماً ومعرفة إِحمد النادي ♥️✌🏻