لخّصلي

مساء الخير أنا ميار وهبة هو طويل شوي بس فيو كل اشي عملته جد لكل مادة دين جبت دوسية الاوائل عشان مخططة ومحلول كل نشاطات( مع تصنيف ) عربي اكثر مادة درستها لاني شوي ضعيفة فيها درست الي اخدته بالمدرسة و دوسية الفراس و دوسية عمر معالي و وراق بنت 2005 و بنك الامتحان و اسئلة التصنيف و تجريبيات سابقة و مراجعات اي اشي بالفيس يعني و عدته شي سبع مرات رياضيات وراق استاذي اشرف عوايصة و الكتاب و اسئلة الكامل كلها و في دوسية الدليل صفرة صغيرة و اي اشي بلاقيه ع الفيس ( بدون التصنيف؛ الكامل كافية) + تابعوا جروب مجموعة رياضيات فلسطينية إنجليزي الكتاب و اسئلة سنوات سابقة و اهم اشي سنوات سابقة و كمان فقرات خارجية مهم تدرب على النمط (مع تصنيف) احياء أوراق عمل معلمتي و دوسية عاصم فياض (تصنيف مهم مهم)

مساء الخير أنا ميار وهبة هو طويل شوي بس فيو كل اشي عملته جد
مصادر دراستي:
لكل مادة
دين جبت دوسية الاوائل عشان مخططة ومحلول كل نشاطات( مع تصنيف )
عربي اكثر مادة درستها لاني شوي ضعيفة فيها
درست الي اخدته بالمدرسة و دوسية الفراس و دوسية عمر معالي و وراق بنت 2005 و بنك الامتحان و اسئلة التصنيف و تجريبيات سابقة و مراجعات اي اشي بالفيس يعني و عدته شي سبع مرات

رياضيات وراق استاذي اشرف عوايصة و الكتاب و اسئلة الكامل كلها و في دوسية الدليل صفرة صغيرة و اي اشي بلاقيه ع الفيس ( بدون التصنيف؛ الكامل كافية) + تابعوا جروب مجموعة رياضيات فلسطينية

إنجليزي الكتاب و اسئلة سنوات سابقة
و اهم اشي سنوات سابقة و كمان فقرات خارجية مهم تدرب على النمط (مع تصنيف)

احياء أوراق عمل معلمتي و دوسية عاصم فياض (تصنيف مهم مهم)

تكنولوجيا دوسية حازم قرعاوي و الكتاب و نشاطاته مهمين جدا خصوصا وحدة ثالثة (مع التصنيف)

فيزياء استاذي بالمدرسة راني البرغوثي منيح جدا و إذا بتحلوا كل اسئلته وراق عمله بتفللوا امتحانا اجا زي نمط امتحاناته + و جبت دوسية المحترف حليت اسئلة اثرائية + تابعوا لجنة مبحث الفيزياء- مديرية رام الله و البيرة بنزلوا اسئلة حلوة (تصنيف مهم)

كيمياء صراحة كل اعتمادي ع ابو ادام استاذي بالمدرسة و دفتره و الكتاب + ممكن تحلوا من استاذ محمد دبابش اسئلته حلوة( تصنيف مهم و تجريبات و وزاريات سابقة مهم)

كيف درست:
صراحة ما اخدت دورات اعتمادي كان على المدرسة
اوك هلاء فيزياء و رياضيات الي كانوا اول باول وقت دوام المدرسة اما الباقي وقت الامتحان كنت ادرسهم
بس عطلنا قبل التجريبي حطيت جدول ختمت فيو كل المواد منيح كثير كثير عدت كل المصادر لاخر مرة
إلا الاحياء و تكنولوجيا ما لحقت ادرسهم
اخدت التجريبي بشكل جدي و كأنو وزاري و هاد الإشي ساعدني بالوزاري و قلل توتري و كنت اروح حتى لو ما لحقت المادة
بعد التجريبي قبل الوزاري حطيت برنامج بناسبني لختم المواد كمان مرة و بس حليت الاسئلة الي افكارهم قوية يعني مواد اخدت يومين زي الانجليزي و مواد اخدت ٥ زي رياضيات جلستين
حاولوا حلوا الاسئلة الي بتشوفوا فيها فكرة و حطوها بدفتر ع جنب و ضلكم راجعوا الافكار هاي لانو مش معقول اضلكم تحلوا التصنيف الف مرة
بالوزاري المفروض بس الكتاب بس ما كنت صراحة احس بارتياح فكنت اركز على الكتاب و اقرء الدفتر و الاسئلة الي محددتهم أراجعهم عشان افكارهم
احل نموذج او ٢ وزاري و تجريبي غزة و بس
وقت ما تحسوا انو بدكم راحة ارتاحوا و اطلعوا و قبل آخر شهر ثلاث ما تحشروا حالكم
حشرت حالي بعد ٢٩/٥ و كنت ليالي ما انام عشان اختم و في ٣ امتحانات وزارية رحت مش نايمة (هو اشي سيء و غلط)
+اهم اشي علاقتكم مع ربكم و صلاواتكم و صلاة قضاء الحاجة سورة يس و البقرة و الأنبياء و يوم الجمعة سورة الكهف و ربنا معكم و بختار الأحسن ل الكم و ما بضيع تعب حد ان شاء الله🩵