لخّصلي

في مجتمعنا كثير مايهمل الجانب النفسي وينظر للمشكلات النفسيه على انها شي بسيط. بس طيب كيف؟ هل ممكن مانقلق او مانفكر؟ مستحيل مانقلق او مانفكر. ونحتاجه يحركنا ويساعدنا اننا نكون منجزين. لكن اذا زاد عن الطبيعي هنا اصبح اضطراب ومشكله تحتاج حل. طيب وش القلق؟ مثل الخوف من الاختبارات بالرغم من مستواي الدراسي الممتاز ومذاكرتي لكن عندي توقع اني ماراح احل زين. وهل القلق هو نفسه الخوف؟ الاجابه: لا . القلق والخوف مختلفين لكن يرتبطون ببعض. صداع، صعوبه في النفس ، الام في المعده، الام وشد في العضلات. هل فيه قلق طبيعي وقلق غير طبيعي؟ اكيد. القلق الطبيعي هو اللي يحركنا ويساعدنا اننا نكون منجزين. يعني لو قلقت على الاختبار بروح ادرس ولو قلقت على مستقبلي الوظيفي بروح اتدرب على المقابله وبحاول اطلع بافضل صوره. لكن القلق الغير طبيعي والمرضي هو القلق اللي يخلينا مانتحرك وياثر على انجازاتنا. وغالبا هذا القلق الغير طبيعي مايكون له سبب محدد واضح وكثير يعتمد على تصوراتنا للمواقف. القلق المرضي يوقف حياه الشخص جزئيا او كليا لانه ياثر على جوانب حياه الفرد الشخصيه والعمليه والاجتماعيه او احدهما. لذلك مانقدر نلغي القلق تماما من حياتنا لكن نرجعه لوضعه الطبيعي. كيف اعرف ان عندي قلق؟ اذا كنت تمر ببعض هذي الاعراض وتستمر لفتره طويله وتاثر على احد جوانب حياتك اذا كنت تفكر كثير في المستقبل وعندك تصورات مضخمه ومخيفه عن المستقبل وبدات هذي الافكار والتصورات تاثر على تركيزك فتلاحظ انك اصبحت اقل تركيز او عندك صعوبه في التذكر او لاحظت انك بديت تنسحب من المجتمع او ماصرت تستمتع بالاشياء اللي تعودت انك تستمتع فيها.

في مجتمعنا كثير مايهمل الجانب النفسي وينظر للمشكلات النفسيه على انها شي بسيط. لذلك تسمع من اللي حولك لاتقلق، كله وهم، لاتفكر. بس طيب كيف؟ هل ممكن مانقلق او مانفكر؟
مستحيل مانقلق او مانفكر. القلق شعور طبيعي جداً يمر فيه الفرد لما يواجه مواقف او ظروف صعبه زي الانتقال او الاختبارات. ونحتاجه يحركنا ويساعدنا اننا نكون منجزين. لكن اذا زاد عن الطبيعي هنا اصبح اضطراب ومشكله تحتاج حل.
طيب وش القلق؟
القلق كعاطفه وشعور يعرف بانه شعور داخلي غير مريح يتميز بالخوف والرهبه من الاحداث المتوقعه لمثيرات طبيعيه مثل الخوف من الاختبارات بسبب توقعاتي انها ممكن تكون صعبه.
القلق كاضطراب هو خوف غامض نتيجه توقع تهديدات مستقبليه يكون مستمر ولا له سبب واضح. مثل الخوف من الاختبارات بالرغم من مستواي الدراسي الممتاز ومذاكرتي لكن عندي توقع اني ماراح احل زين.

وهل القلق هو نفسه الخوف؟
الاجابه: لا . القلق والخوف مختلفين لكن يرتبطون ببعض. الخوف يكون استجابه مباشره لمثير محدد وينتهي بانتهاء المثير مثل الخوف من حيوان مفترس امامك. اما القلق فهو الخوف الغير مباشر لمثيرات طبيعيه ويستمر لفتره اطول من الخوف مثل الخوف من صوره حيوان مفترس في مجله لانك تتصور وتتخيل انه بيضرك بالرغم من انه صوره.

ليه يستمر القلق فتره اطول؟لانه غالبا يرتبط بتصوراتنا للمواقف والمثيرات ولذلك يستمر تاثيره حتى بعد انتهاء المثير مثل لما نقلق من الاختبارات ممكن نخلص الاختبار لكن نضل قلقين من النتيجه. وغالبا يصاحب القلق اعراض جسديه نفس الاعراض اللي تجي وقت الخوف وهي الاستجابه الجسديه للتهديد عشان نصدر استجابه اما هجوم او هروب
الاعراض هذي تتمثل في خفقان، رجفه، تعرق، صداع، صعوبه في النفس ، الام في المعده، الام وشد في العضلات.
هل فيه قلق طبيعي وقلق غير طبيعي؟
اكيد. القلق الطبيعي هو اللي يحركنا ويساعدنا اننا نكون منجزين. يعني لو قلقت على الاختبار بروح ادرس ولو قلقت على مستقبلي الوظيفي بروح اتدرب على المقابله وبحاول اطلع بافضل صوره.
لكن القلق الغير طبيعي والمرضي هو القلق اللي يخلينا مانتحرك وياثر على انجازاتنا. وغالبا هذا القلق الغير طبيعي مايكون له سبب محدد واضح وكثير يعتمد على تصوراتنا للمواقف. مثلا يكون اقلق من الاختبار بالرغم اني ذاكرت واجتهدت لكن اتصور اني ماراح احل فاقلق لدرجه ممكن مااروح للاختبار او اروح بس مااحل زين.
القلق المرضي يوقف حياه الشخص جزئيا او كليا لانه ياثر على جوانب حياه الفرد الشخصيه والعمليه والاجتماعيه او احدهما.
لذلك مانقدر نلغي القلق تماما من حياتنا لكن نرجعه لوضعه الطبيعي.

كيف اعرف ان عندي قلق؟ اذا كنت تمر ببعض هذي الاعراض وتستمر لفتره طويله وتاثر على احد جوانب حياتك
اذا كنت تفكر كثير في المستقبل وعندك تصورات مضخمه ومخيفه عن المستقبل وبدات هذي الافكار والتصورات تاثر على تركيزك فتلاحظ انك اصبحت اقل تركيز او عندك صعوبه في التذكر او لاحظت انك بديت تنسحب من المجتمع او ماصرت تستمتع بالاشياء اللي تعودت انك تستمتع فيها. اذا حسيت انك دايم تعبان جسديا ومنهك وماعندك طاقه، بديت تصتصعب النوم ماتقدر تنام تجلس تفكر طول الليل او تصحى مرات كثير بدون سبب او بديت تشعر بشد والالام في العضلات بشكل مستمر بدون سبب، او شعرت بالالام في المعده مستمره بدون سبب وتزيد وقت الضغوط، ايضا لما تشعر برجفه ونبضات قلب عاليه او كتمه او تعرق بشكل مفاجيء ممكن تدل هذي الاعراض على وجود القلق.

طيب هل فيه علاج للقلق؟
اكيد القلق له علاج ومافيه مشكله مالها حل في الحياه. اذا شعرت انك قلق توجه لاقرب مختص للحصول على التقييم ثم وضع خطه العلاج.