لخّصلي

الخروف: انا نفسى افهم ايه اللى مفرحكم كده بتهيصوا وتغنوا وكانكم عايشين احلى عيشه الخروف: انا فعلا مفيش حاجه عجبانى بس ده لانه فعلا مفيش حاجه تعجب عيشه كلها خنقه ف خنقه هاتلى كده حاجه واحده تخلينى افرح وانبسط الحمار : يا ابنى ده كل حاجه فى المزرعه دى تفرح كفايه انى لينا راعى همام بيعيشنا فى سلام الحمار : شوف يا خروف يا حبيبى انا عمرى ما اتعب من الحاجات اللى انا باشيلها ده شغلى اللى بيكلفنى بيه راعينا وانا سعيد عشان بنفذ كل اللى بيقولى عليه الراعى الخروف : يا عم انا مش عايز يبقالى لا قيمه ولا سيما انا مبسوط كده ثم انى مبحبش اخد اوامر من حد حتى لو كان الراعى نفسه الحمار : اه انت كده دايما ناكر للخير عمرك ما تشكر ابدا اى حاجه كويسه يعملها معاك الراعى تبقى عشان مصلحته اى حاجه حلوه يعملهالك تشوفها صغيره واى حاجه انتا تعملهالوه تبقى كبيره ولما يوصيك بحاجه عشان مصلحتك تقول عليها اوامر الخروف : كل ده كلام فاضى انا نفسى اطلع بره المزرعه واروح الغابه العب واتنطط انا خلاص قررت انى هطلع بره المزرعه من بكره هلم حاجاتى واروح الغابه الحمار : انا خلاص تعبت من الكلام معاك انت حر براحتك بس خليك فاكر ان انت هتتحمل نتيجة اختيارك تدخل البطه بطوطه ف الدنيا مفيش مثالى قوليلى يا مرايتى فى حد اجمل متنى بتقولى ايه طبعا مفيش ما انا عارفه ايه رايكم يا جماعه فى فستانى الجديد ولا تسرحية شعرى ولا الطاقيه الحلوه دى بذمتكم مش استاهل ابقى ملكة جمال البط الحمار: اه انتى كده يا ست بطوطه ممعاكيش غير انك تهتمى بشكلك وبس ولا يهمك اى حاجه تانى كل وقتك مضيعاه قدام المرايه دماغك دى فاضيه معندكش اى اهتمامات غير بالشكل وباللبس لكن من جوه فاضيه الحمار: بتتريقى على يا ست بطوطه معلش ربنا يسامحك صحيح انا شكلى مش جميل لكن لى فوايد كتير كفايه انى اكتر واحد باشتغل فى المزرعه دى البقره: ايه مالكم بتتخانقوا ليه انتوا كده على طول ممعاكمش غير الخناق انا مش قلت ميت مره انا محبش الصوت العالى الخروف: الست متكبره هانم وصلت الخروف: لا ولا حاجه انا اقدر اتكلم البقره: اه باحسب يعنى انتو عارفين انا عارفه ان انتوا بتقولوا عليا متكبره بس انا مش متكبره ولا حاجه انا بس عارفه قدرلتى كويس وواثقه من نفسى انتوا عارفين انا لو موجوده فى اى مكان غير المزرعه دى كنت زمانى بقيت ملكه متوجه كفايه ثقافتى ومعلوماتى دا انا لو سبتكم ومشيت مش هتعرفوا تعملوا اى حاجه وهتلوصوا بس انا بقول فى نفسى حرام اسيبكم وامشى تصدقوا انا زهقت منكم كلكم زهقت منك يا حمار وانت ممعاكش غير المواعظ وبس ولا انتى يا ست بطوطه ممعاكيش غير انك تهتمى بشكلك وبس وكله ولا الست بقره هانم اللى فاكره انها احسن منا كلنا انتوا فالحين بس تغنوا وتقولوا فرحانين بحياتنا وبنحب مزرعتنا كل ده كلام فى كلام لكن فى الحقيقه ان كل واحد فيكم فرحان بنفسه وبس كل واحد فيكم مهتم بنفسه وبس لكن ولا واحد فيكم بيحب التانى ولا بيهتم بالتانى عشان كده انا خلاص زهقت وقررت انى هامشى واسيبكم انا داخل الم حاجاتى وماشى

الفـــــــــــــــــــــصل الاول) المشــــــــــــــــــــهد الثانى) الاسد : انا انا انا انا انا غضبان انا انا انا انا انا زعلان من الراعى ف المزرعه انا خلاص هيجينى جنان
الحيوانات : هدوه هدوه لياكلنا يا هو هدوه هدوه لياكلنا يا هو
الحيوانات : هدوه هدوه لياكلنا يا هو هدوه هدوه لياكلنا يا هو
الاسد: شوف شوف انت وهو الموضوع عايز قوه لو مش كنتم هتساعدونى يبقى هكلكم يا عيونى الاسد : انا خلاص قربت اتجنن الراعى اللى فى المزرعه اللى هناك هيجننى كل لما احاول اهجم على المزرعه عشان اكل اللى فيها يطلع لى هو فجاه وفى يده العصايه العجيبه اللى معاه واول ما اشوف العصايه العجيبه دى احس كانى رجلى مش شايلينى واهرب زى القطه معقوله انا انا الاسد ملك الغابه مقدرشى على حتة راعى انا هتجنن خلاص الحيوانات : هدوه هدوه لياكلنا يا هو هدوه هدوه لياكلنا يا هو
الدب :ىوكله كوم والمره الاخيره دى كوم تانى فاكر فاكر يا ملك الغابه لما اخدتنا معاك اخر مره وقلت اهنا هنروح كلنا نهجم على المزرعه يمكن لما الراعى يشوفنا كلنا هاجمين يقوم يخاف فاكر فاكر عمل فينا ايه يوميها اول ماطلععلينا بعصايته العجيبه كل واحد فينا قعد يترعش ولا كاننا حيوانات مفترسه دا احنا كنا عاملين زى شوية فيران ورجعنا الغابه واحنا جارين ورانا اذيال الخيبه الفيل : اهدى يا مولانا الملك اهدى دا انت ملك الغابه الاسد: متقولش تانى ملك الغابه قول دلدول الغابه قول فار الغابه شوفوا انا عمرى ما حاحس انى ملك الغابه غير لما انتصر على الراعى ده وانتوا انتوا لازم تساعدونى فى انى انتصر على الراعى ده ولا بس تفلحوا لما اصيد حاجه واجى اكل تقعدوا تاكلوا معايا شوفوا ان مكنتوش هتساعدونى فى انى انتصر على الراعى ده انا هاكلكم انتوا فاهمين هاكلكم انتوا الاسد: دلوقتى مبقيش ينفعنهجم على اى مزرعه تانيه وخلاص الموضوع بقى حكاية كرامه وعند الموضوع بقى تحدى انا دلوقتى مبقيش يهمنى انى اكل الحيوانات اللى فى المزرعه بتاعت الراعى انا اهم حاجه عندى دلوقتى انى ازل الراعى ده واهزمه الموضوع بقى تحدى فاهمين يا اما انا يا اما الراعى الحيوانات : هدوه هدوه لياكلنا يا هو هدوه هدوه لياكلنا يا هو
الاسد : انت بتقول ايه التعلب: اهدى اهدى يا مولاى يا ملك الغابه الموضوع مش موضوع قوه انا شايف انك علشان تقدر تهزم الراعى محتاج مكر ودهاء مش قوه وحرب ما انت جربت القوه قبل كده وكانت النتيجه انك اتهزمت انت وكل الحيوانات اللى معك يبقى لازم تهدى وتسمع كلا التعلب المكار ابو الافكار التعلب: شوف يا ملك الغابه انا من يوم ما الراعى هزمكم كلكم ومقدرتوش عليه وانا بافكر ازاى نقدر نهزم الراعى وفهمت ان احنا مش هنقدر نهزم الراعى بالقوه لازم نهزمه بالكر والدهاء وعشان كده قعدت كل يوم اروح عند المزرعه من بره واتصنت على الحيوانات اللى فى المزرعه لحد ما وصلت لطريقه هتخلينا نقدر ناكل كل الحيوانات اللى فى المزرعه الاسد: شوف يا تعلب انا مبقيش يهمنى انى اكل الحيوانات اللى فى المزرعه الموضوع دلوقتى بقى تحدى بينى وبين الراعى انا اهم حاجه عندى انى انتصر على الراعى واذله الاسد: طب وهتعمل ايه مع البطه التعلب : انت شكلك حلو ومسمسم وتقدر توقع اى حد فى حبك وانا هاحفظك كام كلمه حلوين تقدر تضحك بيهم على عقل البطه البطوطه الاسد: مبقاش فاضل غير الحمار هتعمل ايه معاه التعلب: ودى تيجى برضه انا قعدت اخطط وافكر لحد ما اتوصلت لعشب بيطلع فى الغابه العشب ده اى واحد ياكل منه يدمنه على طول الدب: طب وهو معقوله الحمار هيرضى ياكل عشب يخليه يدمن التعلب: ما انا حاوهمه ان العشب ده هيديله قوه ويخليه شديد يقدر يشتغل احسن ومره والتانيه بعد كده يدمن وطبعا اول ما يدمن هيبقى زى الخاتم ف صباعى وهيعمل اى حاجه عشان العشب ده الدب: واول ما يجوا نهجم عليهم وناكلهم التعلب: لا طبعا انت همك بس فى الاكل احنا اول ما نجيبهم هيجى دور السائل اللى فى القزازه دى الاسد: وطبعا هتشرب حيوانات المزرعه من السايل ده الاسد: كمل كمل كلام جميل جدا يا تعلب وبعدين هيحصل ايه التعلب: طبعا الراعى اول ما يلاقى الحيوانات مش موجوده فى المزرعه هيطلع على طول يدور عليهم واول ما يوصل هنا هيشوف الصدمه الكبيره هيشوف الحيوانات اللى اشتراهم باغلى تمن وتعب فى تربيتهم هيشوفهم عبيد عندك يا ملك الغابه اما بقى الصدمه اللى هتقضى عليه انه اول ما يحاول يرجعهم للمزرعه هيرفضوا انهم يروحوا معاه نتيجه للسايل السحرى اللى احنا شربناه ليهم ساعتها هينكسر الراعى وتروح قوته وبعدها الدب: طبعا نهجم عليه وناكله الاسد: لا الاول نعذبه ونذله وبعدين ناكل حيواناته قدامه عشان يشوف بعنيه حيواناته بتتاكل قدامه وف الاخر نتسلى بيه واحنا بناكله يا سلام اما ده هيكون احسن انتقام من الراعى بص يا تعلب عايزك من دلوقتى تبتدى تنفذ خطتك العظيمه دى وخد معاك النمر زى ما طلبت واى حاجه تحتاجها لتنفيذ الخطه انا حااوفرهالك بس المهم انك تجيبلى الراعى هنا ذليل ومكسور التعلب : تحت امرك يا مولاى ملك الغابه الفـــــــــــــــــــــصل الثانى) التعلب: ايه فى ايه مالك كده خايف ليه التعلب : برضه يا روفى يا حبيبى انا معقوله حاضحك عليك دا انا بحبك وبتمنالك الخير انت وكل اللى عايشين فى المزرعه شوف انت هتطلع من هنا وتمشى طوالى لحد الغابه اللى هناك دى واول ما توصل هناك هتلاقى مدينة العاب كبيره وجميله وهتلاقى كل اللى فى الغابه مستنينك وعاملينك حفله انما ايه مقولكش دول هيلاعبوك لعب زى ما كنت بتتمنى مش انت كنت بتتمنى انك تلعب وتهيص التعلب: لا انا ورايا شغل هنا لازم اخلصه الاول وبعدين احصلك على هناك الخروف: بس دول دماغهم ناشفه وصعب انهم يسمعوا كلامك التعلب: ملكشى دعوه انت بالموضوع ده ده كلام كبير عليك بس انت يلا بسرعه على طول روح عند الغابه عشان هما هناك مستينك ومجهزينلك حتة حفله انما ايه يلا بسرعه يلا الخروف : حاضر حاضر الحمار: معقوله الكلام اللى بتقوله ده التعلب : طبعا معقوله انا معايا العشب اللى هيخلى صحتك زى الفل شايف العشب ده العشب ده نادر جدا وصعب انك تلقاه على فكره انا مبديهوش غير للغاتلين عليا انت عارف اول ما هتاكل من العشب ده هتحس ان كل الامك راحت وانك فرحان وسعيد وطاير من الفرح وهتقدر تشتغل حتى لو سنه متواصله بدون متحس بالتعب التعلب : مقابل معقوله انا اخد منك مقابل ربنا يسامحك على فكره انا زعلت منك ده انا جيبهولك كادو هديه يعنى عشان انا بحبك وبحب اعمل الخير بدون اى مقابل وبصراحه انت صعبت عليا خالص وانا شايف مفيش غيرك اللى شغال فى المزرعه هنا وكل الشغل بتعمله لوحدك ويا ريت فى الاخر مقدرين تعبك يا مسكين الحمار: اه فعلا كلامك مظبوط انت باين عليك طيب خالص معقوله حد يدى حاجه بدون مقابل فى الزمن ده التعلب : طبعا طبعا اهل الخير كتير بس المهم بلاش كلام كتير وقوم كل العشب ده وريحلك شويه جوه عشان مفعول العشب يشتغل معاك ده انت تعبان خالص على مهلك يا حبيبى الحمار : يا سلام ده انت طيب خالص عن اذنك لما اروح عشان اخد العشب واريح جوه البقره : ايه ده انت ايه اللى دخلك جوه المزرعه ازاى دخلت هنا التعلب : مين معقوله انا مش مصدق نفسى معقوله انا واقف قدام مولاتى جلالة الملكه بذات نفسها لا لا اكيد انا بحلم البقره: ايه ده انت تعرفنى التعلب : وهل يخفى القمر يا مولاتى جلالة الملكه ده انتى اشهر من نار على علم مين فى الدنيا دى ميعرفشى جلالة الملكه البقره : معقوله الكلام ده البقره: اخيرا لقيت يقدر علمى وقدراتى بس انا لوسبت المجموعه اللى هنا فى المزرعه هيلوصوا من غيرى دى المزرعه تخرب لو سبتهم التعلب : يا مولاتى جلالة الملكه دول ناكرين للجميل ومش مقدرينك ولا مقدرين مواهبك دول دول بيقولوا عليكى متكبره سيبيهم يا مولاتى عشان يعرفوا قيمتك لما يلوصوا يا حلو يا مسمسم اظهر وبان عليك الامان النمر: ايه الاخبار التعلب: اوع تنسى الكلمتين اللى انا حفظتهوملك النمر: يا ربى ايه الجمال ده كله سبحان الخالق فيما ابدع سيبنى سيبنى يا تعلب خلينى اروح انتحر النمر: طبعا عشانك انتى يا قاسيه ياللى معندكيش قلب حقيقى انتى اجمل بطه فى الدنيا وشكلك عامل زى الملايكه لكن قلبك قاسى البطه : ليه بس بتقول كده النمر: انتى عارفه انا من يوم ما شفتك وانا مبنمش الليل وعلى طول صورتك مش بتفارق خيالى خالص شكلك جسمك تسريحة شعرك ولا اناقتك وكله كوم وعنيكى دى كوم تانى اه من عنيكى دول عنيكى دول قادرين يسحروا اى حد ويوقعوه فى حبك البطه : انت كلامك حلو قوى معقوله انت شايفنى جميله بالشكل ده النمر : انا شايفك ملكة جمال الكون ده كله انتى بس اللى مش حاسه بجمالك انتى مدفونه هنا فى المزرعه دى انتى مكانك مش هنا انتى من المفروض تعيشى فى قصر كبير معززه مكرمه ويقى حواليكى الخدم والحشم دا انتى مفيش فى جمالك . النمر: يا حبيبتى الحب بيزيل كل الفوارق طالما انا وانتى بنحب بعض يبقى مفيش اى حاجه تقدر تمنع حبنا البطه: بس النمر: بس ايه شكلك مش موافقه انا خلاص هاروح انتحر ويبقى زنبى فى رقبتك البطه تعالى تعالى انا ميخلصنيش انك تنتحر ده انت كلامك حلو خالص وانا مفيش حد قلى الكلام الحلو ده قبل كده بس البطه : طب استنى لما اشاور الراعى بتاعنا قبل ما اروح معاك البطه: عندك حق انا خلاص هاقوم الم حاجاتى واجى معاك يا حبيبى البطه: ماشى يا حبيبى يلا بينا لكن تقولوا ايه فى العبط ودلوقت لما نشوف ايه اخبار الحمار اكيد عشب الادمان جاب مفعوله معاه الحمار: لا هو نفع انا اول ما خدته حسيت انى انا فرحان وسعيد ومش حاسس باى الام بس بعد شويه رجعت الام ضهرى اكتر من الاول ودلوقتى حاسس انى زى المشلول هو انا نسيت اقولك التعلب : اصل العشب ده ليه مده معينه يشتغل فيها وبعد كده مفعوله بينتهى ويبقى لازم تاخد تانى منه التعلب: من فين يا حبيبى العشب ده نادر جدا وبصراحه كمان تمنه غالى الحمار: بس انا مقدرشى اطلع من المزرعه واروح الغابه ده راعينا مكلفنى بحاجات كتير وانا لازم اعملها الحمار: استنى بس الكلام اخد وعطا طب انت مش ممكن تروح تدور عليه فى الغابه وتجيبهولى وانا هديك اللى تطلبه المشــــــــــــــــــــهد الثانى والاخير) الخروف: ازيكم يا اصحابى ايه عاملين اعرفكم بنفسى انا الخروف روفى الاسد: اهلا وسهلا حمد الله على السلامه انت شرفت الاسد: هاهاهاها لا احنا فعلا عاملينلك حفله كبيره خالص وعندنا هنا العاب كتيره دا احنا هنلاعبك لعب بس انت اختار اللعبه اللى انت عايزها شوف احنا عندينا زحليقه تخليك تتزحل لحد ما تنكسر رقبتك وعندنا مرجيحه تمرجحك لحد ما ينكسر عضمك ولا تحب ندخلك بيت الرعب هاهاهاها الاسد: اخيرا فهم المغفل هاهاهاها ودلوقتى طالما فهمت اخيرا انا هاديلك مكافاه خدوه على جوه ووضبوه لحد ما يجى بقية المغفلين هاهاهاها الاسد: ميه ميه يستاهل المغفل هو ده جزاء الغباء الاسد: اهلا حمد الله على السلامه البقره: التعلب فهمنى ازاى انتوا لايصين والدنيا ملخبطه معاكم بس متقلقوش انا بعلمى وحسن ادارتى هرتبلكم كل امور الغابه الاسد: طب مش تستنى لما نوضبلك حفله تليق بمقامك يا جلالة الملكه الاسد: هاهاهاه حاضر حاضر كلنا هنخضع ليكى بس الاول لازم نديكى التحيه اللى تليق بجلالة الملكه ادوها التحيه البقره: ايه ده ايه اللى انتوا بتعملوه ده الاسد: اما انتى مغفله بصحيح لغاية دلوقتى لسه مفهمتيش ان التعلب ضحك عليكى البقره : انت بتقول ايه التعلب ضحك عليا يعنى ايه انتوا مش عايزينى املك عليكم الاسد: هاهاهاها هو انتى عمرك شفتى بقره اليفه بتاكل عشب تملك على حيوانات مفترسه طب دى تيجى ازاى ازاى بقره غلبانه زيك تقدر تسيطر على حيوانات مفترسه زينا هاهاهاها وعملالى نفسك زكيه ومتعلمه هاهاها دا انتى طلعتى اغبى بقره فى الدنيا اللى بيحصلى دلوقتى ده زنب اخواتى الحيوانات االلى فى المزرعه اللى كنت بتكبر عليهم ياه دانا كنت باعاملهم معامله وحشه خالص ياه دانا كنت غبيه بشكل لكن للاسف عرفت كده متاخر عرفت بعد فوات الاوان الاسد: هاها ها فعلا بعد فوات الاوان ودلوقتى خدوا جلالة الملكه على السجن يلا خدوها الاسد: يا سلام الخطه ماشيه زى الفل الاسد: التعلب ده طلع فعلا مكار وابو الافكار قدر انه يضحك على البقره والخروف ويجبهم لحد هنا الاسد: انا واثق من كده طالما التعلب قدر يجيب الخروف والبقره يبقى هيقدر يجيب الباقيين كلها دقايق وتلاقى حد من المغفلين داخل علينا البطه: ايه اللى انت بتقوله ده يعنى كل كلام الحب اللى انت كنت بتقولهولى ده كان خداع فى خداع البطه: انا فعلا كنت عايشه فى وهم كبير اسمه الحب انا كنت اكبر مغفله لما سبت الراعى والمزرعه وصدقت انه ممكن نمر مفترس يحب بطه اليفه انا استاهل كل اللى يجراللى الاسد: بس انت برضه برافو عليك انا لازم اديلك مكافاه كبيره على انك عرفت تمثل على البطه وتجيبها لحد هنا النمر: احنا كلنا فى خدمتك يا ملك الغابه الحمار: اخيرا وصلنا الغابه يا جماعه يا جماعه متعرفوش نلاقى فين عشب القوه والشباب الاسد: حمد اللله على السلامه انت فعلا تستاهل انك تكون كبير الوزرا فى مملكتى يا تعلب انا كنت واثق انك هتقدر تضحك على كل الحيوانات اللى فى المزرعه وتجيبهم لحد هنا التعلب : طبعا يا حمار هو معقوله ملك الغابه يقول حاجه غلط

الخروف: انا نفسى افهم ايه اللى مفرحكم كده بتهيصوا وتغنوا وكانكم عايشين احلى عيشه
الحمار : ومنفرحشى ليه احنا فعلا عايشين احلى عيشه
الخروف : امال انا ليه مش حاسس بكده خالص حاسس انى مخنوق
الحمار: اه انتى دايما كده مش راضى باى حاجه على طول متذمر ولا فى اى حاجه عجباك
الخروف: انا فعلا مفيش حاجه عجبانى بس ده لانه فعلا مفيش حاجه تعجب عيشه كلها خنقه ف خنقه هاتلى كده حاجه واحده تخلينى افرح وانبسط
الحمار : يا ابنى ده كل حاجه فى المزرعه دى تفرح كفايه انى لينا راعى همام بيعيشنا فى سلام
الخروف : بس كفايه كفايه غنا انا فعلا مستغرب عليكم وخصوصا انت يا حمار ده انت اكتر واحد بتتعب هنا ف المزرعه وطول اليوم بتشيل حاجات على ضهرك وبالرغم من كده دايما فرحان وسعيد
الحمار : شوف يا خروف يا حبيبى انا عمرى ما اتعب من الحاجات اللى انا باشيلها ده شغلى اللى بيكلفنى بيه راعينا وانا سعيد عشان بنفذ كل اللى بيقولى عليه الراعى
الخروف: انا اول مره فى حياتى اشوف واحد يبقى سعيد بالشغل والتعب يا ابنى ده مفيش احلى من الكسل ده الكسل احلى من العسل احلى حاجه لما الواحد يبقى فايق لاوراه شغل ولا تعب
الحمار : مين قال كده الواحد من غير شغل يبقى ملهوش لازمه لازم الواحد يشتغل عشان يشعر انه ليه قيمه فى الحياه
الخروف : يا عم انا مش عايز يبقالى لا قيمه ولا سيما انا مبسوط كده ثم انى مبحبش اخد اوامر من حد حتى لو كان الراعى نفسه
الحمار : مين قال ان الراعى بيدينا اوامر ده بيقولنا على الحاجات اللى فيها مصلحتنا بكل ود ومحبه من غير اوامر ولا نواهى واحنا عشان بنحبه بنسمع كلامه انت نسيت حبه ورعايته لينا نسيت لما انت وقعت على الارض واتكسرت رجلك
ازاى الراعى جبرلك رجلك وقعد سهران عليك لحد لما خفيت
الخروف: لا مش ناسى بس الراعى عمل كده عشان مصلحته هو مش عشان خايف على هو بيراعى لكل واحد فينا عشان المزرعه بتاعته تكبر وتنتج مش حبا فينا يعنى
الحمار : اه انت كده دايما ناكر للخير عمرك ما تشكر ابدا اى حاجه كويسه يعملها معاك الراعى تبقى عشان مصلحته اى حاجه حلوه يعملهالك تشوفها صغيره واى حاجه انتا تعملهالوه تبقى كبيره ولما يوصيك بحاجه عشان مصلحتك تقول عليها اوامر
الخروف: من الاخر كده انا زهقت من العيشه ف المزرعه حاسس ان اسوار المزرعه دى خانقانى حاسس ان الراعى عمل الاسوار ديا عشان يمنعنا من الخروج بره هو اكيد خايف لنطلع بره ونلاقى العيشه بره احلى ومنرجعش هنا تانى
الحمار: انت فاهم الامور غلط الاسوار ديا عشان تحمينا من الحيوانت المفترسه الى بره مش عشان تمنعنا من الخروج بره المزرعه على فكره الراعى عمره ما هيجبر حد فينا على انه يعيش فى المزرعه غصبا عنه هو عايزنا معاه فى مزرعته عشان بيحبنا لكن اى واحد مش عايز يعيش معاه هيسيبه براحته عشان كده عمل المتاريس على ابواب المزرعه من جوه عشان لو حد من جوه عايز يطلع براحته لكن مفيش حد من بره من الحيوانات المفترسه يقدر يدخل جوه المزرعه
الخروف : كل ده كلام فاضى انا نفسى اطلع بره المزرعه واروح الغابه العب واتنطط انا خلاص قررت انى هطلع بره المزرعه من بكره هلم حاجاتى واروح الغابه
الحمار : انا خلاص تعبت من الكلام معاك انت حر براحتك بس خليك فاكر ان انت هتتحمل نتيجة اختيارك
تدخل البطه بطوطه
بطوطه: انا بطه بطوطه ...... انا حلوه صغنطوطه ......يا حلاوتى يا جمالى..... ف الدنيا مفيش مثالى
قوليلى يا مرايتى فى حد اجمل متنى بتقولى ايه طبعا مفيش ما انا عارفه ايه رايكم يا جماعه فى فستانى الجديد ولا تسرحية شعرى ولا الطاقيه الحلوه دى بذمتكم مش استاهل ابقى ملكة جمال البط
الحمار: اه انتى كده يا ست بطوطه ممعاكيش غير انك تهتمى بشكلك وبس ولا يهمك اى حاجه تانى كل وقتك مضيعاه قدام المرايه دماغك دى فاضيه معندكش اى اهتمامات غير بالشكل وباللبس لكن من جوه فاضيه
بطوطه: هو فيه اهم من الجمال ده الجمال ده اهم حاجه فى الدنيا طبعا انت جميل من غير اى حاجه
الحمار: بتتريقى على يا ست بطوطه معلش ربنا يسامحك صحيح انا شكلى مش جميل لكن لى فوايد كتير كفايه انى اكتر واحد باشتغل فى المزرعه دى
البقره: ايه مالكم بتتخانقوا ليه انتوا كده على طول ممعاكمش غير الخناق انا مش قلت ميت مره انا محبش الصوت العالى
الخروف: الست متكبره هانم وصلت
البقره : بتقول حاجه يا عم الخروف
الخروف: لا ولا حاجه انا اقدر اتكلم
البقره: اه باحسب يعنى انتو عارفين انا عارفه ان انتوا بتقولوا عليا متكبره بس انا مش متكبره ولا حاجه انا بس عارفه قدرلتى كويس وواثقه من نفسى انتوا عارفين انا لو موجوده فى اى مكان غير المزرعه دى كنت زمانى بقيت ملكه متوجه كفايه ثقافتى ومعلوماتى دا انا لو سبتكم ومشيت مش هتعرفوا تعملوا اى حاجه وهتلوصوا بس انا بقول فى نفسى حرام اسيبكم وامشى
الخروف: اهو طول ما انتى حاسه ان انتى احسن مننا احنا عمرنا ما هنحبك ....تصدقوا انا زهقت منكم كلكم زهقت منك يا حمار وانت ممعاكش غير المواعظ وبس ولا انتى يا ست بطوطه ممعاكيش غير انك تهتمى بشكلك وبس وكله ولا الست بقره هانم اللى فاكره انها احسن منا كلنا انتوا فالحين بس تغنوا وتقولوا فرحانين بحياتنا وبنحب مزرعتنا كل ده كلام فى كلام لكن فى الحقيقه ان كل واحد فيكم فرحان بنفسه وبس كل واحد فيكم مهتم بنفسه وبس لكن ولا واحد فيكم بيحب التانى ولا بيهتم بالتانى عشان كده انا خلاص زهقت وقررت انى هامشى واسيبكم انا داخل الم حاجاتى وماشى
الحيونات : استنى بس استنى

(الفـــــــــــــــــــــصل الاول)
(المشــــــــــــــــــــهد الثانى)
الاسد : انا انا انا انا انا غضبان انا انا انا انا انا زعلان من الراعى ف المزرعه انا خلاص هيجينى جنان

الحيوانات : هدوه هدوه لياكلنا يا هو هدوه هدوه لياكلنا يا هو

الاسد: احنا من الراعى اتذلينا لما انتصر هو علينا لابد من الانتقام يلا بسرعه قوام قوام
الحيوانات : هدوه هدوه لياكلنا يا هو هدوه هدوه لياكلنا يا هو

الاسد: شوف شوف انت وهو الموضوع عايز قوه لو مش كنتم هتساعدونى يبقى هكلكم يا عيونى
الحيوانات : هدوه هدوه لياكلنا يا هو هدوه هدوه لياكلنا يا هو

الاسد : انا خلاص قربت اتجنن الراعى اللى فى المزرعه اللى هناك هيجننى كل لما احاول اهجم على المزرعه عشان اكل اللى فيها يطلع لى هو فجاه وفى يده العصايه العجيبه اللى معاه واول ما اشوف العصايه العجيبه دى احس كانى رجلى مش شايلينى واهرب زى القطه معقوله انا انا الاسد ملك الغابه مقدرشى على حتة راعى انا هتجنن خلاص
الحيوانات : هدوه هدوه لياكلنا يا هو هدوه هدوه لياكلنا يا هو

الدب :ىوكله كوم والمره الاخيره دى كوم تانى فاكر فاكر يا ملك الغابه لما اخدتنا معاك اخر مره وقلت اهنا هنروح كلنا نهجم على المزرعه يمكن لما الراعى يشوفنا كلنا هاجمين يقوم يخاف فاكر فاكر عمل فينا ايه يوميها اول ماطلععلينا بعصايته العجيبه كل واحد فينا قعد يترعش ولا كاننا حيوانات مفترسه دا احنا كنا عاملين زى شوية فيران ورجعنا الغابه واحنا جارين ورانا اذيال الخيبه
الاسد : متفكرنيش دا انا كل مافتكر الحكايه دى ببقى خلاص هاتجنن هاتجنن
الفيل : اهدى يا مولانا الملك اهدى دا انت ملك الغابه
الاسد: متقولش تانى ملك الغابه قول دلدول الغابه قول فار الغابه شوفوا انا عمرى ما حاحس انى ملك الغابه غير لما انتصر على الراعى ده وانتوا انتوا لازم تساعدونى فى انى انتصر على الراعى ده ولا بس تفلحوا لما اصيد حاجه واجى اكل تقعدوا تاكلوا معايا شوفوا ان مكنتوش هتساعدونى فى انى انتصر على الراعى ده انا هاكلكم انتوا فاهمين هاكلكم انتوا
الحيوانات : هدوه هدوه لياكلنا يا هو هدوه هدوه لياكلنا يا هو

النمر : يا مولانا الملك متسيبك من المزرعه دى طالما احنا مش قادرين على الراعى اللى فيها ونهجم على اى مزرعه تانيه
الاسد: دلوقتى مبقيش ينفعنهجم على اى مزرعه تانيه وخلاص الموضوع بقى حكاية كرامه وعند الموضوع بقى تحدى انا دلوقتى مبقيش يهمنى انى اكل الحيوانات اللى فى المزرعه بتاعت الراعى انا اهم حاجه عندى دلوقتى انى ازل الراعى ده واهزمه الموضوع بقى تحدى فاهمين يا اما انا يا اما الراعى
الحيوانات : هدوه هدوه لياكلنا يا هو هدوه هدوه لياكلنا يا هو

الاسد: عشان كده انا قررت انى هاجمع كل حيوانات الغابه اللى تحت سلطانى ونعمل حرب على الراعى وهنهزمه
ياللى من الشرق وم الغرب اتجمعوا اليوم للحرب اليوم على مزرعة الراعى راح نهجم يا اتباعى
الحيوانات : هدوه هدوه لياكلنا يا هو هدوه هدوه لياكلنا يا هو

التعلب: معلش يا مولاى انا شايف انك حتى لو جمعت كل حيوانات الغابه برده مش هتقدروا على الراعى
الاسد : انت بتقول ايه
التعلب: اهدى اهدى يا مولاى يا ملك الغابه الموضوع مش موضوع قوه انا شايف انك علشان تقدر تهزم الراعى محتاج مكر ودهاء مش قوه وحرب ما انت جربت القوه قبل كده وكانت النتيجه انك اتهزمت انت وكل الحيوانات اللى معك يبقى لازم تهدى وتسمع كلا التعلب المكار ابو الافكار
الاسد: فعلا كلامك مظبوط قول اللى عندك يا تعلب
التعلب: شوف يا ملك الغابه انا من يوم ما الراعى هزمكم كلكم ومقدرتوش عليه وانا بافكر ازاى نقدر نهزم الراعى وفهمت ان احنا مش هنقدر نهزم الراعى بالقوه لازم نهزمه بالكر والدهاء وعشان كده قعدت كل يوم اروح عند المزرعه من بره واتصنت على الحيوانات اللى فى المزرعه لحد ما وصلت لطريقه هتخلينا نقدر ناكل كل الحيوانات اللى فى المزرعه
الاسد: شوف يا تعلب انا مبقيش يهمنى انى اكل الحيوانات اللى فى المزرعه الموضوع دلوقتى بقى تحدى بينى وبين الراعى انا اهم حاجه عندى انى انتصر على الراعى واذله
التعلب : متقلقش يا ملك الغابه انا توصلت للطريقه اللى هتخلى الراعى يجى لحد عندك راكع ذليل ويعلن انتصارك عليه قبل ما تاكله هو وكل اللى فى مزرعته
الاسد: لو الكلام ده حصل فعلا انا هاخليك كبير الوزرا فى مملكتى يا تعلبلكن ايه هى الطريقه اللى توصلتلها يا تعلب
التعلب: شوف يا ملك الغابه انا عرفت من خلال تصنتىعلى الحيوانات اللى فى المزرعه عرفت انهم بيكرهوا بعض وطالما هما بيكرهوا بعض يبقى سهل الضحك عليهم وعرفت كمان ان كل واحد فيهم ليه نقطة ضعف انا ها ادخله منها
الاسد: ازاى يعنى وضحلى
التعلب : المزرعه دى فيها اربع حيوانات الخروف والبقره والبطه والحمار الخروف ده اسهل واحد فيهم هوه طبيعى كاره العيشه فى المزرعه وهو ده اللى هيسهلى الدخول جوه المزرعه انا اتفقت معاه انه هيدخلنى جوه المزرعه مقابل انى اساعده فى انه يلعب ويعيش فى الغابه اما البقره فدى متكبره والمتكبر خداعه سهل انا حاوهمها انها هتبقى ملكة الغابه وطبعا اول ما شهوة الملك تدخل قلبها هتعميها عن اى حاجه وهتمشى ورايا لحد هنا
الاسد: طب وهتعمل ايه مع البطه
التعلب : البطه دى حاسه انها اجمل بطه فى الدنيا وممعهاش غير انها تهتم بشكلها عشان كده لازم نجبلها حد يمدح فى جمالها ويوهمها انها اجمل بطه فى الدنيا وانه وقع فى حبها من اول نظره واول ما يخدعها بكلامه المعسول وتتعلق بيه هتبقى زى الخاتم فى صباعه ويقدر يجيبها لحد هنا والموضوع ده هنحتاج فيه النمر
النمر: اشمعنى انا يعنى
التعلب : انت شكلك حلو ومسمسم وتقدر توقع اى حد فى حبك وانا هاحفظك كام كلمه حلوين تقدر تضحك بيهم على عقل البطه البطوطه
الاسد: مبقاش فاضل غير الحمار هتعمل ايه معاه
التعلب: الحمار ده اصعب واحد فيهم ممعهوش غير الشغل وبس ملهوش اى اهتمامات
الفيل: يعنى ايه هتسيب الحمار
التعلب: ودى تيجى برضه انا قعدت اخطط وافكر لحد ما اتوصلت لعشب بيطلع فى الغابه العشب ده اى واحد ياكل منه يدمنه على طول
الدب: طب وهو معقوله الحمار هيرضى ياكل عشب يخليه يدمن
التعلب: ما انا حاوهمه ان العشب ده هيديله قوه ويخليه شديد يقدر يشتغل احسن ومره والتانيه بعد كده يدمن وطبعا اول ما يدمن هيبقى زى الخاتم ف صباعى وهيعمل اى حاجه عشان العشب ده
الاسد: اما انت فعلا اسم على مسمىالتعلب المكار
التعلب : عشان تعرفوا بس قيمتى
الاسد: طب وهتعمل ايه بعد كده
التعلب: طبعا بعد كده هجيبهم هنا
الدب: واول ما يجوا نهجم عليهم وناكلهم
التعلب: لا طبعا انت همك بس فى الاكل احنا اول ما نجيبهم هيجى دور السائل اللى فى القزازه دى
الفيل : وايه هو السائل ده
التعلب : السائل ده ادهولى الساحر اللى عايش فى اخر الغابه اول ما حد يشرب من السايل ده يبقى زى المسحور ويطيع اول امر يديهوله اللى شربه السايل ده
الاسد: وطبعا هتشرب حيوانات المزرعه من السايل ده
التعلب: طبعا اول ما يجوا هنشربهم من السايل ده وهامرهم انهم يبقوا عبيد عندك يا مولاى الملك
الاسد: كمل كمل كلام جميل جدا يا تعلب وبعدين هيحصل ايه
التعلب: طبعا الراعى اول ما يلاقى الحيوانات مش موجوده فى المزرعه هيطلع على طول يدور عليهم واول ما يوصل هنا هيشوف الصدمه الكبيره هيشوف الحيوانات اللى اشتراهم باغلى تمن وتعب فى تربيتهم هيشوفهم عبيد عندك يا ملك الغابه اما بقى الصدمه اللى هتقضى عليه انه اول ما يحاول يرجعهم للمزرعه هيرفضوا انهم يروحوا معاه نتيجه للسايل السحرى اللى احنا شربناه ليهم ساعتها هينكسر الراعى وتروح قوته وبعدها
الدب: طبعا نهجم عليه وناكله
الاسد: لا الاول نعذبه ونذله وبعدين ناكل حيواناته قدامه عشان يشوف بعنيه حيواناته بتتاكل قدامه وف الاخر نتسلى بيه واحنا بناكله يا سلام اما ده هيكون احسن انتقام من الراعى بص يا تعلب عايزك من دلوقتى تبتدى تنفذ خطتك العظيمه دى وخد معاك النمر زى ما طلبت واى حاجه تحتاجها لتنفيذ الخطه انا حااوفرهالك بس المهم انك تجيبلى الراعى هنا ذليل ومكسور
التعلب : تحت امرك يا مولاى ملك الغابه

(الفـــــــــــــــــــــصل الثانى)
(المشــــــــــــــــــــهد الاول)
التعلب: يا خروف يا روفى يا حبيبى
الخروف: ايوه ايوه انا جاى
التعلب: يلا بسرعه افتح افتح بسرعه
الخروف: ايوه حاضر بس وطى صوتك
التعلب: ايه فى ايه مالك كده خايف ليه
الخروف: بصراحه انا حاسس انى غلطان انى فتحتلك باب المزرعه وخايف لتكون غشاش وبتضحك عليا
التعلب : برضه يا روفى يا حبيبى انا معقوله حاضحك عليك دا انا بحبك وبتمنالك الخير انت وكل اللى عايشين فى المزرعه شوف انت هتطلع من هنا وتمشى طوالى لحد الغابه اللى هناك دى واول ما توصل هناك هتلاقى مدينة العاب كبيره وجميله وهتلاقى كل اللى فى الغابه مستنينك وعاملينك حفله انما ايه مقولكش دول هيلاعبوك لعب زى ما كنت بتتمنى مش انت كنت بتتمنى انك تلعب وتهيص
الخروف: طب وانت مش هتيجى معايا
التعلب: لا انا ورايا شغل هنا لازم اخلصه الاول وبعدين احصلك على هناك
الخروف: شغل ايه ده
التعلب: لازم اقنع كل اللى هنا انهم يسبوا المزرعه ويروحوا مدينة الالعاب اللى فى الغابه عشان هما كمان يلعبوا معاك
الخروف: بس دول دماغهم ناشفه وصعب انهم يسمعوا كلامك
التعلب: ملكشى دعوه انت بالموضوع ده ده كلام كبير عليك بس انت يلا بسرعه على طول روح عند الغابه عشان هما هناك مستينك ومجهزينلك حتة حفله انما ايه يلا بسرعه يلا
الخروف : حاضر حاضر
التعلب: هاهاهاه صدق المغفل ادى اول واحد ضحكنا عليه وقدرنا نوديه الغابه ده هيلعب هناك لعب ودلوقت بقه نبتدى الشغل اللى بجد انا حاستخبى هنا لحد ما يجى الحمار
الحمار: اه يا ابوى يا ضهرى الواحد حاسس ان جسمه متكسر مش عارف هاعمل ايه ىفى بقية الشغل اللى وراى دا انا حاسس انى مش قادر اتحرك باين على عجزت
التعلب: الف سلامه عليك يا حبيبى
الحمار : ايه ده انت دخلت هنا ازاى
التعلب : مش مهم دخلت ازاى المهم انى معايا الحاجه اللى هترجعك شباب وتخليك تخف من كل الالام اللى عندك وتخليك مهما تشتغل كتير متتعبش خالص
الحمار: معقوله الكلام اللى بتقوله ده
التعلب : طبعا معقوله انا معايا العشب اللى هيخلى صحتك زى الفل شايف العشب ده العشب ده نادر جدا وصعب انك تلقاه على فكره انا مبديهوش غير للغاتلين عليا انت عارف اول ما هتاكل من العشب ده هتحس ان كل الامك راحت وانك فرحان وسعيد وطاير من الفرح وهتقدر تشتغل حتى لو سنه متواصله بدون متحس بالتعب
الحمار: طب وانت هتدينى العشب ده مقابل ايه
التعلب : مقابل معقوله انا اخد منك مقابل ربنا يسامحك على فكره انا زعلت منك ده انا جيبهولك كادو هديه يعنى عشان انا بحبك وبحب اعمل الخير بدون اى مقابل وبصراحه انت صعبت عليا خالص وانا شايف مفيش غيرك اللى شغال فى المزرعه هنا وكل الشغل بتعمله لوحدك ويا ريت فى الاخر مقدرين تعبك يا مسكين
الحمار: اه فعلا كلامك مظبوط انت باين عليك طيب خالص معقوله حد يدى حاجه بدون مقابل فى الزمن ده
التعلب : طبعا طبعا اهل الخير كتير بس المهم بلاش كلام كتير وقوم كل العشب ده وريحلك شويه جوه عشان مفعول العشب يشتغل معاك ده انت تعبان خالص على مهلك يا حبيبى
الحمار: حاضر حاضر انا متشكر خالص ربنا يكتر من امثالك
التعلب : متشكرنيش انا محبش الشكر والمديح عشان ميضيعش اجرى عند ربنا
الحمار : يا سلام ده انت طيب خالص عن اذنك لما اروح عشان اخد العشب واريح جوه
التعلب : مع الف سلامه يا حبيبى.......هاهاها وادى اكتر واحد كنت خايف منه طلع مغفل هو كمان وصدق كلامى دلوقت ياكل من العشب ويبتدى المفعول يشتغل وبعد كده هيحينى راكع عشان اديلع عشب تانى وساعتها هينفذ كل اللى هامره بيه ...هانت هانت مبقاش فاضل غير البقره والبطه لما اشوف مين فيهم هتدخل الاول عشان ننضحك عليها
البقره : ايه ده انت ايه اللى دخلك جوه المزرعه ازاى دخلت هنا
التعلب : مين معقوله انا مش مصدق نفسى معقوله انا واقف قدام مولاتى جلالة الملكه بذات نفسها لا لا اكيد انا بحلم
البقره: ايه ده انت تعرفنى
التعلب : وهل يخفى القمر يا مولاتى جلالة الملكه ده انتى اشهر من نار على علم مين فى الدنيا دى ميعرفشى جلالة الملكه
البقره : تصدق انت باين عليك بتفهم يا ريتك تقول الكلام ده للموجودين فى المزرعه هنا دول مش مقدرين مواهبى خالص وبيقولوا عليا متكبره
التعلب: قطع لسان اللى يقول على جلالة الملكه كده دا انتى صيتك وصل لغاية عندنا فى الغابه تصدقى يا مولاتى احنا فى الغابه لايصين ومش لاقين حد يقودنا وبنتمنى نلاقى حد فى ذكائك وحسن ادارتك عشان يقودنا ويمسك مملكة الغابه
البقره : معقوله الكلام ده
التعلب : انتى عارفه يا مولاتى كل اللى فى الغابه لما سمعوا عنك وعن مواهبك وعلمك وحسن ادارتك بعتونى هنا عشان اترجاكى انك تيجى عندنا الغابه عشان تدبرى لينا امور الغابه ونخليكى ملكه على كل الغابه
البقره: اخيرا لقيت يقدر علمى وقدراتى بس انا لوسبت المجموعه اللى هنا فى المزرعه هيلوصوا من غيرى دى المزرعه تخرب لو سبتهم
التعلب : يا مولاتى جلالة الملكه دول ناكرين للجميل ومش مقدرينك ولا مقدرين مواهبك دول دول بيقولوا عليكى متكبره سيبيهم يا مولاتى عشان يعرفوا قيمتك لما يلوصوا
البقره: فعلا معاك حق انا هاروح الم حاجاتى واجى معاك عشان ابقى ملكة الغابه
التعلب : يلا بسرعه يا مولاتى كل اللى فى الغابه مستنينك على نار وعملين حفله عظيمه بمناسبة توليكى حكم مملكة الغابه وانا هحاول انى اقنع بقية اللى فى المزرعه بقدراتك عشان يجوا معانا فى الغابه ويخضعوا ليكى يا ملكة الغابه
البقره: على طول حالم حاجاتى واجيلك على طول
التعلب : وادى المغفله التالته وقعت فى الفخ العبيطه صدقت انها ممكن تبقى ملكة الغابه شهوة الملك وكبرياء قلب ملكوا عليها وخلوها تصدق انها ممكن تكون ملكه للغابه هاهاها مولاتى جلالة الملكه البقره هاهاهاها تصدقوا حتى الجمله مش راكبه عل بعضيها لكن تقول ايه اه المغفله صدقت نفسها ودلوقتى مفاضلش معانا غير البطه بطوطه لما اقوم اجيب النمر عشان نضحك عليها....... يا حلو يا مسمسم اظهر وبان عليك الامان
النمر: ايه الاخبار
التعلب : كله تمام المهم انت عارف هتعمل ايه
النمر: ايوه متقلقش
التعلب: اوع تنسى الكلمتين اللى انا حفظتهوملك
النمر: متقلقش خالص اسهل حاجه انك توقع حد فى حبك دى لعبتى
البطه بطوطه : ايه ده انتوا ازاى دخلتوا هنا
النمر: يا ربى ايه الجمال ده كله سبحان الخالق فيما ابدع سيبنى سيبنى يا تعلب خلينى اروح انتحر
التعلب: حرام عليكى يا شيخه زنب النمر اللى عايز ينتحر ده فى رقبتك ايه ده انى معندكيش قلب
البطه بطوطه: انا مش فاهمه حاجه خالص
الثعلب: انا افهمك انا وماشى جنب المزرعه لقيت النمر ده عايز يولع فى نفسه وينتحر فلما سالته ليه عايز ينتحر عرفت انه شافك فى مره من بعيد ومن يومها وهو بقى اسير لجمالك ولما مقدرشى يوصلك قرر انه ينتحر
البطه: النمر كان عايز ينتحر عشانى انا
النمر: طبعا عشانك انتى يا قاسيه ياللى معندكيش قلب حقيقى انتى اجمل بطه فى الدنيا وشكلك عامل زى الملايكه لكن قلبك قاسى
البطه : ليه بس بتقول كده
التعلب : طب انا هسيبكم مع بعض شويه
النمر: انتى عارفه انا من يوم ما شفتك وانا مبنمش الليل وعلى طول صورتك مش بتفارق خيالى خالص شكلك جسمك
تسريحة شعرك ولا اناقتك وكله كوم وعنيكى دى كوم تانى اه من عنيكى دول عنيكى دول قادرين يسحروا اى حد ويوقعوه فى حبك
البطه : انت كلامك حلو قوى معقوله انت شايفنى جميله بالشكل ده
النمر : انا شايفك ملكة جمال الكون ده كله انتى بس اللى مش حاسه بجمالك انتى مدفونه هنا فى المزرعه دى انتى مكانك مش هنا انتى من المفروض تعيشى فى قصر كبير معززه مكرمه ويقى حواليكى الخدم والحشم دا انتى مفيش فى جمالك .........انتى عارفه فيه ناس معندهومش نص امكانياتك ولا جمالك وعايشين فى فلل وقصور انتى عارفه لو وافقتى على ان احنا نتجوز انا هعيشك ملكه فى اعظم قصر فى الغابه
البطه : نتجوز
النمر : اه طبعا نتجوز انا من يوم ما شفتك وكل املى ان احنا نتجوز ويجمعنا قصر واحد نعيش فيه مع بعض
البطه: بس ازاى ينفع ان احنا نتجوز ده فيه اختلافات كتيره بينا انت نمر مفترس وانا بطه اليفه ازاى دى تيجى
النمر: يا حبيبتى الحب بيزيل كل الفوارق طالما انا وانتى بنحب بعض يبقى مفيش اى حاجه تقدر تمنع حبنا
البطه: بس
النمر: بس ايه شكلك مش موافقه انا خلاص هاروح انتحر ويبقى زنبى فى رقبتك
البطه تعالى تعالى انا ميخلصنيش انك تنتحر ده انت كلامك حلو خالص وانا مفيش حد قلى الكلام الحلو ده قبل كده بس
النمر : مفيش بس يلا بينا دلوقتى على طول على الغابه دا انا هعملك فرح ما حصلشى فى التاريخ وهعيشك فى اعظم قصر فى الغابه
البطه : طب استنى لما اشاور الراعى بتاعنا قبل ما اروح معاك
النمر: يا حبيبتى انتى مبقتيش صغيره عشان تشاورى حد انتى خلاص كبرتى ومينفعش انه حد يتحكم فيكى وبعدين الراعى بتاعكم اكيد مش هيوافق عشان مش حاسس بحبنا حبنا ده ملكنا احنا الاتنين وبس يبقى ايه لزمة اك تقولى لراعيكم
البطه: عندك حق انا خلاص هاقوم الم حاجاتى واجى معاك يا حبيبى
النمر: انا مش عايز اى حاجه منك انا عايزك كده بفستانك اللى عليكى يلا يا حبيبتى يلا وانا هجيبلك كل اللى انتى محتاجاه لما نروح الغابه
البطه: ماشى يا حبيبى يلا بينا
التعلب: ماشى يا حبيبى : اما مغفله بصحيح هاهاها صدقت انه نمر مفترس ممكن يقع فى حب بطه اليفه بس هما الجنس اللطيف كده اول ما الواحد يقولهم كلمتين حب وغرام على طول يقعوا فى حبه واول ما يقعوا فى حبه عنيهم تعمى وميبقوش شايفين الفوارق اللى بنهم وبين اللى بيضحك عليهم بقى بذمتكم ينفع نمر مفترس يتجوز بطه اليفه .........لكن تقولوا ايه فى العبط ودلوقت لما نشوف ايه اخبار الحمار اكيد عشب الادمان جاب مفعوله معاه
الحمار: اه يا بوى يا ضهرى ضهرى هيموتنى انا حاسس انى اتشليت
التعلب: الف سلامه عليك يا حبيبى ايه هو العشب اللى انا اديتهولك منفعشى معاك
الحمار: لا هو نفع انا اول ما خدته حسيت انى انا فرحان وسعيد ومش حاسس باى الام بس بعد شويه رجعت الام ضهرى اكتر من الاول ودلوقتى حاسس انى زى المشلول
التعلب: اه يبقى مفعول العشب انتهى .........هو انا نسيت اقولك
الحمار: نسيت تقولى ايه
التعلب : اصل العشب ده ليه مده معينه يشتغل فيها وبعد كده مفعوله بينتهى ويبقى لازم تاخد تانى منه
الحمار: طب انتى ممعاكشى منه تانى
التعلب: من فين يا حبيبى العشب ده نادر جدا وبصراحه كمان تمنه غالى
الحمار: طب هنعمل ايه انا حاسس انى هموت ابوس على ايدك ادينى من العشب ده تانى
التعلب: كان على عينى يا حبة عينى هاجيبلك تانى من فين ..بس استنى هو فى حل
الحمار: ابوس على رجلك قولى ايه الحل
التعلب : الحل الوحيد انك تيجى معايا الغابه وندور يمكن نلاقى من العشب ده تانى
الحمار: بس انا مقدرشى اطلع من المزرعه واروح الغابه ده راعينا مكلفنى بحاجات كتير وانا لازم اعملها
التعلب: خلاص براحتك انت حر بعد اذنك
الحمار: استنى بس الكلام اخد وعطا طب انت مش ممكن تروح تدور عليه فى الغابه وتجيبهولى وانا هديك اللى تطلبه
التعلب : ليه هو انا خدام عندك شوف ان كنت عايزنى اساعدك فى انك تلاقى العشب اللى فى الغابه لازم تيجى معايا دلوقتى وعموما براحتك يا حبيبى
الحمار: امرى لله هاعمل ايه انا جاى معاك
التعلب: احبك لما تسنع الكلام اه انا كده احبك يلا بينا على الغابه

(الفـــــــــــــــــــــصل الثانى)
(المشــــــــــــــــــــهد الثانى والاخير)
الخروف: ازيكم يا اصحابى ايه عاملين اعرفكم بنفسى انا الخروف روفى
الاسد: اهلا وسهلا حمد الله على السلامه انت شرفت
الخروف: انتوا باين عليكم طيبين خالص قولولى متعرفوش مدينة الالعاب اللى موجوده هنا فى الغابه
الاسد: هاهاها مدينة الالعاب اهى قدامك اهيه هاهاها
الخروف: امال انا مش شايف العاب ولا حاجه ده التعلب قلى انه فيه فى الغابه مدينة العاب كبيره وفيها العاب كتيره
وقلى كمان ان انتوا عاملينلى حفله كبيره هو التعلب كان بيضحك عليا
الاسد: هاهاهاها لا احنا فعلا عاملينلك حفله كبيره خالص وعندنا هنا العاب كتيره دا احنا هنلاعبك لعب بس انت اختار اللعبه اللى انت عايزها شوف احنا عندينا زحليقه تخليك تتزحل لحد ما تنكسر رقبتك وعندنا مرجيحه تمرجحك لحد ما ينكسر عضمك ولا تحب ندخلك بيت الرعب هاهاهاها
الخروف: ايه الكلام اللى انت بتقوله ده
الاسد: ايه يا ننوس عين ماما انت لسه مفهمتش طب انا هفهمك بالطريقه العمليه ركبوه المرجيحه
الخروف : ايه اللى انتوا بتعملوه فيا ده خلاص كفايه كفايه حرمت دلوقتى بس انا فهمتانى كنت اكبر مغفل لما صدقت كلام التعلب وطلعت من المزرعه يا ريت رجلى كانت انكسرت ولا كنت طلعت من المزرعه دا انا كنت عايش فى المزرعه احسن عيشه والراعى كان بيهتم بيا اهه اللى بيحصل فيا ده ذنب الرعى اللى انا اتذمرت على العيشه معاه ياه دا انا كنت مغفل بشكل
الاسد: اخيرا فهم المغفل هاهاهاها ودلوقتى طالما فهمت اخيرا انا هاديلك مكافاه خدوه على جوه ووضبوه لحد ما يجى بقية المغفلين هاهاهاها
الخروف: ااااه كفايه ارحمونى حرام عليكم
الاسد: اما التعلب ده طلع فعلا مكار بجد عرف يضحك على الخروف ويجيبه لحد هنا لكن يا ترى هيقدر يضحك على كل الحيوانات اللى فى المزرعه يلا دلوقتى نشوف
الفيل: كله تمام يا ملك الغابه الخروف خد حتة علقه انما ايه معتبره
الدب: وبعد كده رميناه فى السجن
الاسد: ميه ميه يستاهل المغفل هو ده جزاء الغباء
البقره: ازيكم يا جماعه انا جيت اهو زى ما طلبتوا انا جلالة الملكه البقره
الاسد: اهلا حمد الله على السلامه
البقره: التعلب فهمنى ازاى انتوا لايصين والدنيا ملخبطه معاكم بس متقلقوش انا بعلمى وحسن ادارتى هرتبلكم كل امور الغابه
الاسد: طب مش تستنى لما نوضبلك حفله تليق بمقامك يا جلالة الملكه
البقره: لالا انا مبحبش المظاهر الكدابه دى مش لازم الحفلات والكلام الفاضى ده انا اهم حاجه عندى انكم كلكم تعترفوا بانى ملكة الغابه عشان لما كلكم تعترفوا بانى ملكتكم وتخضعوا ليا انا اعرف ادبر لكم كل اموركم
الاسد: هاهاهاه حاضر حاضر كلنا هنخضع ليكى بس الاول لازم نديكى التحيه اللى تليق بجلالة الملكه ادوها التحيه
البقره: ايه ده ايه اللى انتوا بتعملوه ده
الاسد: اما انتى مغفله بصحيح لغاية دلوقتى لسه مفهمتيش ان التعلب ضحك عليكى
البقره : انت بتقول ايه التعلب ضحك عليا يعنى ايه انتوا مش عايزينى املك عليكم
الاسد: هاهاهاها هو انتى عمرك شفتى بقره اليفه بتاكل عشب تملك على حيوانات مفترسه طب دى تيجى ازاى ازاى بقره غلبانه زيك تقدر تسيطر على حيوانات مفترسه زينا هاهاهاها وعملالى نفسك زكيه ومتعلمه هاهاها دا انتى طلعتى اغبى بقره فى الدنيا
البقره: فعلا معاك حق انا اغبى بقره فى الدنيا انا دلوقتى بس عنيا فتحت وفهمت الحقيقه انا الكبرياء وشهوة الملك عموا عنيا عن حاجات كتير وخلونى اعمل حاجات وحشه كتير.....اللى بيحصلى دلوقتى ده زنب اخواتى الحيوانات االلى فى المزرعه اللى كنت بتكبر عليهم ياه دانا كنت باعاملهم معامله وحشه خالص ياه دانا كنت غبيه بشكل لكن للاسف عرفت كده متاخر عرفت بعد فوات الاوان
الاسد: هاها ها فعلا بعد فوات الاوان ودلوقتى خدوا جلالة الملكه على السجن يلا خدوها
الاسد: يا سلام الخطه ماشيه زى الفل
الفيل : كله تمام يا ملك الغابه البقره دلوقتى قاعده مع الخروف فى السجن
الاسد: التعلب ده طلع فعلا مكار وابو الافكار قدر انه يضحك على البقره والخروف ويجبهم لحد هنا
الدب : لكن يا ترى هيقدر يجيب بقية الحيوانات اللى فى المزرعه
الاسد: انا واثق من كده طالما التعلب قدر يجيب الخروف والبقره يبقى هيقدر يجيب الباقيين كلها دقايق وتلاقى حد من المغفلين داخل علينا
البطه: اخيرا يا حبيبى وصلنا الغابه امال فين القصر وفين الخدم والحشم اللى انت قلتلى عليهم
النمر: هاهاها هاهاها قصر قصر ايه هو انتى صدقتى يا ماما مفيش ولا قصر ولا حتى عشه اما بقى بالنسبه للخدم والحشم فانتى اللى هتبقى خدامه هنا المغفله اللى تصدق واحد يقابلها اول مره وتروح معاه على طول وتسيب مزرعتها بدون حتى ما تسال عليه يبقى كتير عليها حتى انها تبقى خدامه
البطه: ايه اللى انت بتقوله ده يعنى كل كلام الحب اللى انت كنت بتقولهولى ده كان خداع فى خداع
النمر: طبعا كان كده كل الكلام المعسول اللى كنت باقولهولك ده كان عشان اوصل لهدفى اللى هو انى اجيبك هنا وخلاص انا حققت هدفى دلوقتى انتى بالنسبالى متسويش ولا حاجه دا انا حتى كاره ما ابص فيكى
البطه: انت بتعمل فيا كده ليه حرام عليك ده انا بعت الدنيا كلها عشانك دا انا ضحيت بالراحه والسعاده اللى كنت فيهم لما كنت عايشه فى المزرعه وحتى راعينا مشيت من غير ما اقوله كل ده عشان حبيتك انت
النمر:هاهاها انتى الظاهر لسع عايشه فى الوهم اللى اسمه الحب فوقى يا ماما من الوهم ده انا قلتلك قبل كده انا لا بحبك ولا حاجه ثم انتى عمرك شفتى نمر مفترس يتجوز بطه اليفه انا يوم ما افكر اتجوز لازم اخد واحده من مستوايا اخد نمره قويه مفترسه زكيه زييى مش بطه اليفه غبيه تصدق اى كلمه حب حد يقولها لها
البطه: لا انا مش مصدقه معقوله كل كلام الحب ده يطلع خداع فى خداع
النمر: انا دلوقتى هخليكى تصحى من الوهم اللى انتى عايشه فيه خدوها على السجن .......ايه فقتى دلوقتى هو فيه حد بيحب واحده ويرميها جوه السجن هاهاهاه
البطه: انا فعلا كنت عايشه فى وهم كبير اسمه الحب انا كنت اكبر مغفله لما سبت الراعى والمزرعه وصدقت انه ممكن نمر مفترس يحب بطه اليفه انا استاهل كل اللى يجراللى
الاسد: اما برافو عليك يانمر انت طلعت عفريت بصحيح قدرت تجيب البطه لحد هنا لمن قولى هى تعبتك كتير لحد ما قدرت تجيبها هنا
النمر: يا ملك الغابه دى طلعت مغفله خالص اول ما قولتلها كلمتين حب وغرام على طول وقعت المغفله وسابت كل حاجاتها وجات معاى على طول بدون اى تعب
الاسد: بس انت برضه برافو عليك انا لازم اديلك مكافاه كبيره على انك عرفت تمثل على البطه وتجيبها لحد هنا
النمر: احنا كلنا فى خدمتك يا ملك الغابه
الاسد: ودلوقتى ما فاضلشى غير الحمار يا ترى التعلب عمل معاه ايه
الحمار: اخيرا وصلنا الغابه يا جماعه يا جماعه متعرفوش نلاقى فين عشب القوه والشباب
الاسد: حمد اللله على السلامه انت فعلا تستاهل انك تكون كبير الوزرا فى مملكتى يا تعلب انا كنت واثق انك هتقدر تضحك على كل الحيوانات اللى فى المزرعه وتجيبهم لحد هنا
التعلب: انا دايما فى خدمتك يا ملك الغابه
الحمار : ايه الكلام اللى انتوا بتقولوه ده انا مش فاهم حاجه
الاسد: انا فهمك يا ننوس عين ماما التعلب ضحك عليك لحد ماجابك هنا
الحمار : الكلام ده صحيح يا تعلب
التعلب : طبعا يا حمار هو معقوله ملك الغابه يقول حاجه غلط
الحمار : يعنى ايه امال ايه عشب الشباب والقوه
التعلب: العشب اللى انا اديتهولك ده هو عشب الادمان عشان لما تاخد منه يبقى سهل انى اجيبك لحد هنا
الاسد: ودلوقتى حرام نسيب الاحباب بعيد عن بعض لازم نجمعهم يلا هاتولى بقية حيوانات المزرعه من السجن
الفيل: امرك يا ملك الغابه
الاسد: ودلوقتى بعد ما تجمع المغفلين عايزك تفهمهم كل حاجه يا تعلب
التعلب: شوفوا يا شوية مغفلين انا لما جيت عندكم المزرعه كان كل هدفى انى اجيبكم لحد الغابه هنا وفى سبيل تحقيق هدفى دخلت لكل واحد فيكم من نقطة الضعف اللى فيه انت يا خروف كنت متذمر وبصراحه انت كنت اسهل واحد فيهم اما انتى يا بقره فكبرياءك سهل على خداعك اما البطه يا مولاى فاهتمامها بجمالها هو اللى سهل لينا الموضوع وبصراحه النمر قام بدور كبير فى انه يوقعها بصراحه ده مثل دور يستاهل عليه جايزة الاوسكار يا مولاى
الاسد: هاهاها جايزة الاوسكار هنبقى نديله جايزة الاوسكار كمل يا تعلب
التعلب: الوحيد الى كان معندوش نقطة ضعف ندخله منها هو انت يا حمار
الحمار: انا
التعلب : ايوه انت انت معندكشى اى اهتمامات عشان كده جبتلك عشب الادمان وفهمتك انه عشب الشباب والقوه وراهنت على انك هتصدق كلامى وتاكل منه وصدقت توقعاتى و طلعت انت فعلا اسم على مسمى حمار هاهاهاها صدقتنى واكلت من العشب وفضلت ماشى ورا كلامى لحد ما جبتك هنا........ ايه رايكم فيا بزمتكم مش استاهل ابقى كبير الوزرا فى مملكة الغابه
الحمار : بس انتوا نسيتوا حاجه مهمه
الاسد: ايه يا ننوس عين ماما احنا نسينا ايه
الحمار: نسيتوا ان احنا لينا راعى اكيد هيدور علينا ومش ها يسيبنا وانتوا عارفين الراعى وقوته دى حتى عصايته لسه معلمه على اجسامكم اكيد هو هيجى دلوقتى ويخلصنا من بين ايديكم
الاسد: هاهاهاها انت عارف احنا عملنا كل ده مش عشان نوقعكم انتوا احنا عملنا كل ده عشان راعيكم انت فاكر ان احنا هنخاف منه ده احنا مستنينه يجى على احر من الجمر واول مايجى هيلاقى مفاجاه كبيره فى انتظاره هاهاهاها
ودلوقتى هات السايل يا تعلب وازقيهم منه
البقره: احنا مش هنشرب اى حاجه
الاسد : مش بكيفك يا ماما انتوا هتشربوا من السايل ده غصب عنكم شوفوا يا اما تشربوا السايل ده يا اما هنموتكم ايه رايكم
الاسد : ايوه كده برافوا عليكم يلا كده كل واحد فيكم يشرب اللبن من بابا التعلب
الاسد: ودلوقتى هما شربوا السايل وبقيوا مسحورين وهيسمعوا الكلام يلا تعلب كمل الخطه
التعلب: عايزكم كلكم تبصوا فى عنيا جامد وتسمعوا كلامى
الحيوانات : حاضر
التعلب: من النهارده الاسد ملك الغابه هو السيد عليكم وانتوا عبيد عنده لازم تنفذوا كل اللى يا مركم بيه فاهمين
الحيوانات : طبعا فاهمين
التعلب: اما الراعى فلازم تكرهوه وتكرهوا عيشته وتبعدوا عنه ومتسمعوش كلامه فاهمين
الحيوانات: طبعا فاهمين
التعلب : ودلوقتى خلاص يا ملك الغابه حيوانات المزرعه كلها بقت عبيد عندك وبيسمعوا كلامك تقدر تجرب بنفسك
الاسد: شوف يا خروف انت من النهارده عبد عندى انت ايه
الخروف: انا عبدك يا ملك الغابه
الاسد: تمام تمام وانتى يا بقره عايزك تيجى وتسجدى قدام سيدك ملك الغابه
البقره: انا خدامتك يا ملك الغابه
الاسد : وانت كمان يا حمار تعالى واسجد قدامى
الحمار: تحت امرك يا ملك الغابه
الاسد: اما انتى يا بطه فانا هخليكى خدامه عند النمر
البطه: اللى تامر بيه يا ملك الغابه
الاسد: هاهاها فين الراعى يجى ويشوف حيواناته اللى اشتراهم باغلى الاتمان وهما عبيد عند الاسد ملك الغابه وبيسمعوا كل كلامه ده انا مستنى مجيئه على نار
الراعى: انت لسه برضه عايز تاكل الحيوانات بتاعتى انت محرمتش من المره اللى فاتت انا هاوريك دلوقتى
الاسد: هاهاها بالراحه اهدى بدون عنف انا معملتش حاجه دول حيواناتك هما اللى جولى برجليهم عشان كارهينك وكارهين العيشه معاك وحابينى وحابين العيشه معايا دول من حبهم ليا وهبوا نفوسهم ليا زى العبيد انا عارف انى كرامتك متسمحشى انك تعيش ناس معاك بدون ارادتهم دول حتى مش طايقين يبصوا فى وشك
الراعى : انت مخادع وكداب
الاسد: اهم قدامك اسالهم وحاول انك تخليهم يجوا معاك ان رضيوا انا خلاص هاسيبهم يروحوا معاك بدون عنف ولا حرب
الراعى : يلا بينا يا اولاد على المزرعه ايه انتوا نسيتونى ولا ايه انا راعيكم اللى اشتراكم باغلى الاتمان انا اللى كنت باسهر عليكم وباراعكم فاكر فاكر يا خروف لما رجلك انكسرت وقعدت اداويك لحد مارجلك خفت
الخروف: لا مش فاكر انا كل اللى اعرفه انى عبد عند سيدى ملك الغابه
الراعى : وانتى يا بقره مش فاكره الاكل اللى كنت با جيبهولكم
البقره: انت كداب انا معرفكش انا عبده عند سيدى ملك الغابه
والراعى : بتقولى عليا كداب يا خساره وانتى يا بطه نسيتى الفساتين اللى كنت باجيبهالك تعالى معايا
البطه: انا معرفكش انا هاقضى عمرى هنا خدامه تحت رجلين حبيبى النمر زى ما امرنى سيدى ملك الغابه
الراعى: ايه اللى انتى بتقوليه ده تسيبى راعيكى وتروحى تخدمى نمر مفترس تعالى انت معايا يا حمار دا انت كنت اكتر واحد مخلص ومتفانى فى شغلك وبتسمع كلامى
الحمار: متتعبشى نفسك معانا
الخروف :من الاخر احنا كلنا كارهينك وكارهين عيشتك
البقره: احنا كلنا عبيد عند سيدنا ملك الغابه
البطه: ابعد عنينا انتى ايه متفهمش
الاسد: خلاص صدقت ان حيواناتك كلهم كارهينك وكارهين العيشه معاك الحيوانات اللى انت اشترتهم باغلى الاتمان خلاص كرهوك وكرهوا عيشتك انا لو منك اروح اموت نفسى ولا اقولك انت سلم نفسك لينا واحنا هنموتك بالراحه
هاهاهاها تعالوا كلكم يا سكان الغابه وشوفوا انتقام الاسد من الراعى انا النهارده قدرت انتصر عليك واكسرك
الراعى : مش انت اللى كسرتنى ولادى هما اللى كسرونى
الاسد: ودلوقتى نبدا الحفله اربطوا الراعى
الاسد: ربطوه كويس دلوقتى انا هاقولك حاجه عشان تعرف انك غبى وانى قدرت انتصر عليكى بذكائى كل اللى حصل ده كان نتيجة خطة احنا عملناها قدرنا بيها نجيب حيوانات مزرعتك لحد هنا وبعدين شربنالهم سائل سحرى خلاهم يبقوا عبيد عندى ويكرهو العيشه معاك شفت بقى انا ذكى ازاى قدرت اخطط لحد ما جبتك هنا وهزمتك
الراعى: الحمد لله انى عرفت ان حيواناتى مخاننونيش
الاسد: وهيفيد بايه انك عرفت انت خلاص هتموت دلوقتى يلا عذبوه لحد ما يسيل دمه
الاسد: الله منظر دمك وهو سايل منظر جميل وبديع
الخروف: ايه ده احنا ايه اللى جابنا هنا
البطه: ايه اللى بيحصل ده
البقره : الحيوانات المفترسه بيعذبوا راعينا
الحمار: احنا لازم ننقذ راعينا من الموت حتى لو كان الثمن حياتنا
الاسد: ايه اللى انتوا بتقولوه ده انتوا اتجنتوا انتوا عبيد عندى
الراعى : خلاص السحر اتفك الدم والمحبه فكوا السحر بتاعك ودلوقتى انا هاكسر القيود بتاعتك
الاسد: ايه ده القيود انكسرت وكانها خيوط حرير بتتقطع
الراعى : انا كنت قادر انى اكسر القيود دى من الاول لكن انا فضلت انى انذل واتعذب لحد ما يسيل دمى عشان ولادى لان الحاجه الوحيده اللى تقدر تفك سحرك هى الحب والدم اول ما سال دمى انفك اولادى من سحرك ودلوقتى بقه لازم اقضى عليك انت وكل الحيوانات المفترسه
الاسد وكل الحيوانات المفترسه : ارحمنا الرحمه
الراعى يرفع عصايته: خلاص دلوقتى مفيش رحمه لازم تهلكوا كلكم
الحيونات المفترسه : اااااااااااااااااااااااااااااااه
الخروف: احنا اسفين على كل اللى سببناهولك من الام يا راعينا العظيم
البقره: احنا اللى كنا نستاهل العذاب والالم مش انت عشان احنا اللى غلطنا وجينا هنا برجلينا
الراعى : لكن انا عشان بحبكم استحملت الالم والذل عشان اخلصكم من سحر الاسد
البطه : احنا منستاهلش منك الحب ده كله
الحمار: احنا منستاهلش حتى ان احنا نكون عبيد عندك
الراعى: انت كنتوا وهاتكونوا دايما اولادى مهما حصل بس المهم انكم تبعدوا عن كل الغلطات اللى كنتوا واقعين فيها
الخروف: انا من النهارده عمرى ما هتذمر على عيشتى
البقره: وانا خلاص مفيش كبرياء تانى انا من النهارده خدامه عند اخواتى
البطه : وانا من النهارده هاهتم بحاجات اهم من اللبس والمظاهر من النهارده هاهتم بالجوهر مش بالمظهر
الحمار: وانا من النهارده خلاص مفيش عشب قوه ولا شباب انا هاشتغل بسواعدى وبس لا هاخد اعشاب قوه ولا شباب
الراعى : انا فرحان خالص ان انتوا هتبطلوا توقعوا فى الغلطات القديمه انا بحبكم خالص
الحيوانات : واحنا كمان بنحبك ونتمنى نفضل جنبك طول الايام وابدا ما هنسيبك تانى
الراعى : طب يلا بينا على المزرعه بتاعتنا
(تمت بنعمة المسيح) يناير 2013