المهم طبعا تعرفنا أنا ورنا على بنات بالجامعه وعلاقتها معهم مره حلوه وكانوا معنا بالثنوي بعد،  وقتها اقترحت وحده من بنات الجامعه أننا نتجهز مع بعض قبل الحفل واحنا بطبيعه الحال وافقنا بما انه أوقات حفلنا احنا وريم مختلفه واكيد وقت تجهيزنا مختلف ،  قبل الحفل بيوم او يومين قالوا الجامعه انه الحفل بيكون نفس الوقت كل التخصصات ،  ومره احراج أننا ننسحب على آخر لحظه والكل كان متحمس للفكره بحكم ميانتها على بعض واحنا دايم نجتمع يعني جمعات تخص الجامعه وبرا الجامعه (واتوقع ان ريم ما تدري عن عمق العلاقه تحسب فقط زمالة دراسه مع انه دايم نوضح بالسوالف اننا نموت عليهم ) المهم فقررنا ما نغير الخطه ونجتمع مع البنات قبل الحفل وبعد الحفل مع ريم طبيعي،  وللتنويه ريم متخرجه قبلنا بترمين ف أنا ورنا سوينا لها حفله خاصه واحتفلنا فيها وأهديناها وكان يوم مخصص لها ،  بعد ما تجهزنا ورحنا للحفل طبيعي وقابلناها قبل المسيره وسلمنا وصورنا وكل شي وعلى اتفاقنا انه بنرجع بيتي،  وقعدوا رنا وريم مع بعض وما قعدنا مع بنات الجامعه لانه هي موجوده وترا اوكي احنا قريبين منهم بس مستحيل يوصلون قربنا لريم،  المهم رنا بحسن نيه قالت لريم كسوالف زي ما هي تسولف لنا عن صديقاتها الثانيات ،  المهم قالت لها انه تجهزنا مع البنات وكذا وأنه الرجعه بتكون احنا فقط،  ومن ضمن السوالف قالت رنا اننا جايين بسياره وحده من البنات مو سياره لنا ،  و ام ريم موجوده بكل الحالات ف هي تقدر تجيبها لبيتي،  رنا لاحضت انه وجه ريم تغير وقتها وفجاه بدت تطلع اعذار أنها ما تبي تجي وأنها بترجع بدري مع أمها مع ان الحفل ما خلص لسا،  ورنا حاولت في ريم أنها ترجع معنا بس عيت حتى لو بسياره ثانيه ،  بعدين ريم قالت خلاص بروح وودعوا بعض،  نرجع لي كنت قاعده لحالي وجت عندي رنا وقعدنا شوي على ما تكرمت وكذا وبعد مده قصيره لقيت اتصال من ريم رجعت ادق عليها وفجاه تكلمني بنبره مصعبه وزعلانه وتقول حركتكم أبدا مو حلوه بحقي وانا بطبيعه الحال انصدمت وش سوينا؟ قلت لها وش فيك وكذا قالت نفس الكلام وقلت على اننا تجهزنا معهم؟ المهم قفلت بوجهي وانا احاول أقولها انه احنا متفقين من قبل،  فجاه مشت وانا قاعده احاول اكلمها مع العلم اني ما قدرت أتكلم بالتفصيل لان أمها كانت موجوده وانا ما أعرف إذا هي قالت لها او لا،  بعدين قعدت تقول سبع سنين سبع سنين) المقصد انه أنا سبع سنين وهم أربع ويلا خلهم ينفعونكم وقاعده تصارخ من مسافه بعيده والبنات كانوا موجودين بنفس البهو ،  من قبل يون الماكلمه والوضع انبعص شوي وما اخفي اني دمعت لانه ابتلشت وبيون حفلنا بعد،  ما كنت أبيها تزعل بس حرفيا ما يزعل وهي استعجلت برده الفعل ولا سمعت التبرير المنطقي! المهم بعد الحفل رجعنا البيت والبنات اخذوا اغراضهم واحتفلوا فيني اهلي ف ما كان فيه مجال اني اتركهم واروح اكلمها وقلت يلا بعطيها فرصه تهدا وتشوف الأمور على حقيقتها بدون مبالغات ،  وتفاجأنا فيها مرسله رساله طويله بالقروب ومره تزعل بصراحه واهم جمله فيها واللي صدمتنا انه ( العود الأعوج عمره ما ينعدل ) ومن ضمن كلامها أنها كانت واهمه فينا وأنه بان لها معدنا من هذي الحركه وأنها مشت وعدت شي قبلها لكن بعد هذي خلاص( حرفيا ما فيه شي صار عشان تعديه ولو فيه احنا دايم متفقين انه لازم نصارح بعض فيه) مستحيل اقدر أوصل لكم كيف احنا نهتم لمشاعرها بأتفه الأشياء صدقوني ،  المهم ما ننكر انه الرساله كانت جدا قاسيه وفيها تفاصيل ثانيه تشابه هذا الكلام وفيه نسف كبير لعلاقتنا القويه وموافقنا الكثيره ،  المهم على الرغم من قوة الرساله بلعتها وحاولت اتصل فيها عشان نحل الموضوع لانه مستحيل يكون هذا الشي حقيقي،  لأني قاعده اكلمها وابرر لها مع انه شي تافه تافه تافه ومن حقنا وعادي! المهم قاعده ابرر واقولها اننا مو بايعين علاقتنا عشان كذا من اتفه موقف نرميها وكانت حرفيا تسلك لي وساكته وكل ما سكتت تقول خلصتي؟ فيني نوم ،  حاولت ما اسوي ردة فعل واخد الموضوع بطريقه ثانيه واحاول اخليها تتكلم واقول لها وش اللي زعلك قبل طيب؟ تقول مدري ما يحضرني ،  بعد محاولات قالت خلاص سمعت تبريرك فيه شي ثاني ؟ ابي انام.  تعبت الصراحه وانا ابرر واتكلم بس مافيه فايده صح ومن الكلام اللي حاولت اطلعه منها قالت انتوا دايم تحسسوني اني طرف ثالث! حرفيا هالشي ما صار وقلت لها انه احنا ما يكون كذا إلا لما يكون الموضوع ما يخصها زي الدراسه مثلا اكيد مارح احل واجباتي او اسوي مشاريعي معها صح ولا لا؟ المهم بعد ما شفت كيف هي مو قاعده تتفاعل معي قلت خلاص ارتاحي ونامي واذا قمتي لو سمحتي اقري كلامنا وردي عليه وخلينا نتفاهم احنا مو أطفال وعلاقتنا مو بريال وخلينا نحل مشاكلنا بالكلام مو كذا تتكلمين وتقولين اللي عندك وتطلعين من القروب مع العلم أنها بعد رسالتها طلعت ورجعنا دخلناها وردينا من بعدها بالتدريج قطعت الستريك ،  مخليتنا بالستوري وتنزل مع صديقاتها الثانيات اللي نفس وضعنا حرفيا ،  وبعدها بمده سوت رنا رد على نفس كلامنا اللي بالقروب وقالت ان شاء الله هديتي ونتناقش الحين وطبعا ما ردت ولا قرت حتى ، وفيه شي سوت له أعاده بتويتر للأسف هو بعد مره جارح ومغزاه انه بعض الناس معرفتهم غلطه عمر ،  هل احنا غلطه عمر؟بعد سعادتنا وصادقتتا كلها عشان نوقف تافه كذا؟على الرغم اننا دايم نتغاضى عن اي مشاكل او سوء يبدر من الحب حرفيا ،  هل زعلها مبرر؟ او احنا غلطنا بشي؟ احنا بعد المكالمه والرسايل ما تكلمنا لانه خلاص وش بقى نسوي وعزت علينا نفسنا الي انذلت واحنا نحاول نبرر شي تافه وحتى هي ما حاولت تسمع ! شلون يعني؟ وخلت علاقتنا غريبه ومعلقه بصراحه ما اعرف وش الوضع ودي اكلمها مره ثانيه لكن بصراحه ما ابي هالشي يتكرر لانه كل مره احنا اللي نبادر حتى لو مو غلطانين،