اولاً انا قبل ما يجيلي عذر كنت بصلي وكل حاجة تمام لحد  ما جالي العذر بعدها امبارح  اخدت شاور ونمت والله والله اني كنت ناويه اصلي الفجر والله حتى اني كنت عاملة المنبه 5:10 عشان اصلي براحتي وكونش مستعجلة ،  أنا صحيت متنحة ومتيسه وقاعده عالسرير معلمتش حاجة لحد ما شديت على نفسي وقمت لقيتها 5:38 تقريبا ،  المهم قمت رحت الحمام وغسلت وشي وملقتش معجون الأسنان فا قعدت ادور عليه فا اخذت وقت  وتقريبا لحد ما لقيته وغسلت سناني لقيتها 5:50 تقريبا  ومكنتش لابسه ولسه كنت هسرح شعري وشعري بياخذ وقت فا مقدرتش غير اني اجهز ،  المهم  يادوب سرحت شعري ولبست كانت 6:07 تقريبا والسواق قال هييجي 6:10  وحرفيا يا بابا  انا كنت مستعجلههههه وعلى حوار المكياج اللي كنت بحطه حرفيا حطيت اي كلام يعني انا مفضلتش المكياج عن الصلاه بالعكس طبعا بس الصلاه هتاخد وقت اطول من المكياج ،  وكنت بجري حرفيا وفوقها اتأخرت عليه دخلت العربية كانت 6:14 … فا المختصر يا بابا يا حبيبي انه انا  مقلتش الكلام دا كلو مثلا عشان خايفه أتعاقب ولا تهزأوني انا عارفه أنكم بتعملو كدا عشان مصلحتي .  بس انا بجد  منستش الصلاة ورجعت من المدرسة صليت الصبح قبل ما يأذن الظهر.