قصة مصروف أستاذ في التعليم الإبتدائي ومنقولة للأمانة
المهم أنا أستاذ ابتدائي عمري 27 سنة ومتزوج نخلص 37000دج لأنه فيا دين تاع الخدمات تاع سلفة الزواج كل شهر يقلعوا 5000دج.
المهم هذيك 37000دج مرات تجيني ناقصة خاطر مانتفاهمش مع المديرة وراكم عارفين الراجل لي يخدم مع النساء المسترجلات واش يصراله.
المهم نخلص 15000دج دراهم الكراء تبقالي 22000دج نحي مصروف شهر تاع مواد غذائية 10000دج (المواد الأساسية فقط) يعني تبقالي 12000دج زيد اقلع فواتير الكهرباء والماء والانترنت 5000دج تبقالي 7000دج.
زيد اقلع منها 4000دج طبيبة للزوجة والدواء كل شهر تبقالي 3000دج.
وزيد نخدم في قرية تبعد عني 25 كيلو ومكانش النقل نروح كلونديسان.
أيا خوتي كي تبالكم ماشي راني نضيع في وقتي فالتعليم لوكان ندير طابلة تاع خضر وفواكه ماشي خير لي.