1_جومار : المكان مدخل الصالحية_البرلمان _ ببناء قهوة جلستنا_الطابق الرابع _يوجد فيها كهربا_فيها انترنت بس ضعيف _دخوليتها  من وقت ما تقعد لوقت ما تروح مع مشروب 13  _ بتفتح من الساعة 11 الصبح للساعة 10 المساء .
2_ستدي سنتر : دمشق _شارع 29 آيار مواجه مسرح القباني  _نت وكهرباء_الساعة ب 3 الاف _ بتفتح من الساعة 9 الصبح للساعة 11 المسا.
3_هومي هون : مكانه الروضة _ ساحة نوري باشا _ مؤسسة الأبجدية _ طابق خامس 
فيه كهربا ٢٤/٢٤ بالصيف فيه مراوح و مكيفات وبالشتاء كمان فيه تدفئة_النت متوفر دائماً فيك توصل على موبايلك او لابتوبك_ فيه قاعة مشتركة للمدخنين و فيه جنينة يلي بيحب يدرس بمكان مفتوح و في قاعات دراسية لغير المدخنين _و فيه قاعات سايلنت للطلاب يلي بتحب الهدوء (ما فيه كلام ابداً ) و طبعاً فيه قاعات للأجار .
في عندهم مكتبة يلي بيحب يقرأ كتب بيستعير من عندهم_و موجود مصلى و بوفيه_في عندهم على طول فعاليات و نشاطات للطلاب مثل أفلام او ألعاب كل فترة_ بتفتح يومياً من الساعة ٩ الصبح لحتى الساعة ٩ المساء
4_ مكتبة الاسد :
فيها كهربا 24/24 (لا بالصيف بتشوب و لا بالشتاء بتبرد )
  و فيك اذا ما بدك تحمل شي لدراستك انو تفتح تحضر عندن مافي مشكلة و اذا حبيت تنزل او تحمل شي من النت طبعا ضمن دراستك فقط لانو كل شي بتفتح عللاب ببين مباشرة عندن بالاضافة لانو الساعة رمزية مو غالية ب ٥٠٠ ليرة بس يعني مثلا فيك تحمل فيدوهات للدراسة بوقت قصير و اقل من حق باقة لانو النت هنيك (حكومي ) و سريع جدا .
 و بيكون معك فلاشة و بتنقلن ع الفلاشة بعدين ع موبايلك او لابتوبك  فيك تشحن لابتوبك وجوالاتك _ بتفتح من 10 الصبح  للساعة 4:30 المسا_دخولية جدا رمزية الدخولية اما عن طريق الهوية الشخصية اذا لمدة يوم _ او فيك تساوي بطاقة ضمن المكتبة و هي اريح تكلفة البطاقة ٥٠٠٠ باشتراك لمدة خمس سنين الوراق المطلوبة للبطاقة: صورة شخصية - صورة هوية - صورة عن بطاقة الجامعة و بالتوفيق 
طبعا معلومة مهمة عن المكتبة عشان نوصل كل شي : 
١- الاكل مسموح فيك تاخد اكلك معك و تاكل ضمن المقصف بس ممنوع تطلع ولو كاسة نسكافيه ع قاعة المطالعة 
٢- المحاضرات الورقية ممنوع تفوت باي شكل تحت طائلة المسؤولية و سحب البطاقة لانو المكتبة مليئة بالكتب و المراجع و اي كتاب انت بتطلبو موجود عندن
5_ستادي زون: مكانها ساحة باب توما طريق الحجر دخلة الكنيسة كهربا متوفرة يوجد ثلاث قاعات و ارض ديار 
_القاعة الاولى سوشال: للكلام و النقاشات طبعا بصوت منخفض 
_القاعة الثانية سايلنت: الحكي فيها ممنوع و اذا اضطريت همس 
_القاعة الثالة كوايت: الحكي ممنوع حتى صوت طقطقة الماوس ممنوعة 
مسموحة المشروبات ضمن القاعات الاكل ممنوع خاصة الاكل الي اله ريحة بتدايق الناس الي جنبنبا والدخان ممنوع ضمن القاعات
بارض الديار كلشي ممنوع مرغوب  مسموح الدخان و الاكل و الشرب بس بدون ضجة و جلبة 
يوجد مطبخ و بوفيه للطلبات الصغيرة مثل نسكافيه كبيتشنو الخ.
6 _مركز تعلم وأكثر :
مزة فيلات غربية - طلعة الأسدي 
الساعه فيها ب ٢٥٠٠ سرعة النت منيحة والكهربا والتكييف حلو_بتفتح من ال١٠ صبح لل٨ المسا  
7_ ماسا بلازا الميدان :
مكان مكيف بالكامل وقاعات حلوة فيكم تحجزو قاعة بس الكم ولرفقاتكم وتدرسو بتركيز _اكيد ما رح انسى انو النت صاروخي عندهم والكهربا حلوة بيضلو فاتحين من ال١٠ لل٧
8_ مركز سند الموجود بالعفيف :
لازم حجز مسبق _في قاعة مطالعة للقراءة وقاعة للدراسة 
مافي انترنت بس في كهربا _مجاني بالكامل_من الساعه ١٠ لل٤
9_ كافيه سكر :
الجمارك المنطقه الحرة  جانب مطعم ايليت الطابق الثالث ((مكتب سيكرز))
بتفتح من الساعه 10 الصبح لل10 المسا 
الساعه ب4000 وفي عروض شهرية واسبوعيه بترجع الساعه اقل 
وفي عروض مع الساعات مشاريب ساخنه وباردة 
وفي طاولات فردية وفي جماعيه للمشاريع