لخّصلي

يقدمه لكم قسم الاذاعه والتلفزيون بكليه الاعلام جامعه القاهره، ياترى اللي بيهم شباب الجامعه موضوعات خاصه بسنهم بس ولا بتهم كل الناس، حلقة انهاردة بعنوان "24 ساعة مش كفاية" المقدمة المقدم 1: عزيزي الطالب الجامعي اللي بيذاكر وينحت في الشغل. أنا كنت زيك، وفي آخر ليلة امتحان، وبحلم بحياتي بعد التخرج، وفكرت بقى إيه اللي مستنيني بعد كل السنين دي. أشتغل وأركز في مستقبلي المهني؟ ولا أعيش حياتي وأدور على نصي الثاني وأكون أسرة؟ المقدم 2: بالضبط! ودماغك تفضل تودي وتجيب. المقدم 1: وأنا. موسيقي المتن خصوصا لما نكون بندرس وبنشتغل أو بنحاول نبني علاقة ناجحة في نفس الوقت. والضغط ممكن يكون شديد جدًا. المقدم(1): تفتكر في ناس زينا كده حاسين بالتشتت ده؟ ولا إحنا بس اللي دايماً حاسين إننا بنحاول نمسك العصاية من النص؟ Vox pops 2. ازاي من وجهة نظرك نقدر نوازن حياتي العملية والاجتماعية ؟ نفسه يحقق الاتنين مع بعض، وهواياته. المقدم (1): عايز أقولك، " يعني بتوزع وقتها بين دراستها وشغلها وعيلتها بشكل عجيب. طب إيه؟ ما تقولنا على الطريقة بقى! إزاي نقدر نحقق كل ده؟ المقدم (1) : بص، بس اعترفت إن ده بيجي على حساب راحتها، وكتير بترجع في آخر اليوم مرهقة، بتجي على صحتها علشان توصل لده. المقدم (1):آه. للأسف، زي ما قولنا، قرأت دراسة بتقول إن 60٪ من الطلاب بيلاقوا صعوبة في التوفيق بين الدراسة والشغل، وكل حاجة عايزة وقت وجهد. والموضوع مش مقتصر على الطلاب بس، مقدم(2): كمان، في ضغوط مجتمعية بتقولك إنك لازم تنجح في شغلك بسرعة، ده غير إن أحيانا بتحس إنك لازم تختار، يعني إما تركز على حياتك المهنية وتسيب الحب والأسرة مؤقتا أو العكس. فهل يا ترى فعلاً لازم نختار، ولا ممكن نلاقي حل وسط؟ لكن ده ممكن يخليك تحس إنك بتفوت حاجات مهمة في حياتك الشخصية. مقدم (2):و برضه، عايزة اقولك اللي بيشتغل ويدرس في نفس الوقت بيتعرض لضغوط نفسية كبيرة، زي الإجهاد والقلق. دي مشاكل ممكن تأثر على حياتك كلها لو ما أخدتش بالك منها مقدم(1): إنك بتجري ورا الوقت؟ مش لاقي وقت لنفسك ولا لأصحابك؟ الموضوع مش بس بيحصل معاك، كلنا بنعدي بنفس التجربة. بس ايه الحل؟ ازاي نعيش حياة متوازنة؟ محتاجين نعرف يا تري إيه أسرار تنظيم الوقت الي تخليني ابقي مبسوط وسعيد في حياتي. مقدم (2): كلنا بنحاول نضبط حياتنا عشان نكون مبسوطين ومحققين في شغلنا. دا حتي لما بننسى نفسنا في الشغل وبنشتغل طول الوقت، بنحس بتعب وإرهاق، تفتكر … ليه مش بنقدر نوزّع وقتنا بين الشغل والحياة؟ بنضطر نشتغل أكتر من اللازم، مش بنعرف نرتب وقتنالو مش عارفين نرتب يومنا كويس، هنلاقي نفسنا بنضيع وقت كتير في حاجات مش مهمة، مقدم(1): فعلا. وكمان علشان أهدافنا في الشغل بتتعارض في بعض الأحيان مع حياتنا الشخصية ساعات بنضطر نضحي بحاجات كتير في حياتنا عشان ننجح في شغلنا، زي وقتنا مع العيلة أو أصحابنا مقدم (2): تفتكر ليه التوازن بين الشغل والحياة مهم أوي؟ مقدم (1): لأن لما بنلاقي وقت لنفسنا ولأصحابنا وعيلتنا، وحتي شغلنا من غير ما نيجي علي نفسنا، بنحس بسعادة أكبر وبنقدر نعمل كل حاجة أحسن وبنعملها براحةاكبرو و بنحس إن حياتنا جميلة وبنقدر نقدر كل اللحظات الحلوة. وبنكون كمان اقل عرضه إن يجلنا أمراض مقدم (1): يااااه لدرجادي مقدم (2): طبعاا. كل دا بينعكس علينا في شغلنا ، مقدم (1): كل الفكره اننا مش لازم نيجي على حاجه قصاد حاجه وأوقات كتير بنبقى محتاجين نستغنى عن حاجات في مقابل اننا نكسب حاجات تانيه ووقتها بيبقى الاحسن لينا اننا مانفكرش في الحاجات اللي استغنينا عنها لاننا اكيد هنتعوض في المقابل.

يقدمه لكم قسم الاذاعه والتلفزيون بكليه الاعلام جامعه القاهره،
ياترى اللي بيهم شباب الجامعه موضوعات خاصه بسنهم بس ولا بتهم كل الناس، خلينا ندردش مع بعض ونشوف.
حلقة انهاردة بعنوان "24 ساعة مش كفاية"
موسيقي
المقدمة
المقدم 1: عزيزي الطالب الجامعي اللي بيذاكر وينحت في الشغل... و يا سلام بقى لو كمان بتشتغل جنب دراستك... الحال من بعضه يا صديقي، متكسفش... أنا كنت زيك، قاعد بعد 16 سنة دراسة، وفي آخر ليلة امتحان، وبحلم بحياتي بعد التخرج، وفكرت بقى إيه اللي مستنيني بعد كل السنين دي... أشتغل وأركز في مستقبلي المهني؟ ولا أعيش حياتي وأدور على نصي الثاني وأكون أسرة؟

المقدم 2: بالضبط! ودماغك تفضل تودي وتجيب... "أركز في شغلي وأبني كارير، ولا أعيش قصة حب وأتجوز وأكون أسرة ويبقي عندي ملك وياسين ؟" بس ليه ما أعملش الاتنين؟ وهنا بقى بيجي السؤال الأصعب: إزاي نوازن بينهم؟ إزاي نقدر نبني كارير قوي وفي نفس الوقت نعيش حياتنا الاجتماعية والعاطفية؟ ده موضوع حلقتنا النهاردة... خد راحتك، افرد ضهرك وركز معانا. أهلا بيكم في البودكاست... هكون معاكم أنا...

المقدم 1: وأنا...
موسيقي
المتن

المقدم(2): بس هل يا ترى هنعرف نعمل الاتنين؟ ولا لازم نختار حاجة على حساب التانية؟ ساعات كتير بنحس إن الوقت مش بيكفي، خصوصا لما نكون بندرس وبنشتغل أو بنحاول نبني علاقة ناجحة في نفس الوقت.والضغط ممكن يكون شديد جدًا.

المقدم(1): تفتكر في ناس زينا كده حاسين بالتشتت ده؟ ولا إحنا بس اللي دايماً حاسين إننا بنحاول نمسك العصاية من النص؟
Vox pops

1. ناوي /ة علي ابه بعد التخرج ؟


2. ازاي من وجهة نظرك نقدر نوازن حياتي العملية والاجتماعية ؟


3. التوازن بالنسبالك في حياتك هتفدر تحققه إزاي؟
   موسيقي

المقدم (2): لاء انا شايف من الكلام الي سمعناه إن جيلنا كله تقريبا بيمر بنفس التفكير، نفسه يحقق الاتنين مع بعض، وفي نفس الوقت يبقى عنده وقت لنفسه، لأصحابه، وهواياته... بس ده مش سهل خالص، وبيحتاج مجهود جبار وتخطيط.
المقدم (1): عايز أقولك،انا أعرف واحدة بجد تستاهل من وجهة نظري لقب "وندر وومن"! امسكوا الخشب يا جماعة... الست دي بتعمل ماسترز وعندها بيت وأسرة، وبترعى أولادها في كل خطوة ولما أسألها: "إنتي فين؟" ترد: "أنا مع الولاد في التمرين، أنا مع الولاد في كذا..." يعني بتوزع وقتها بين دراستها وشغلها وعيلتها بشكل عجيب.

المقدم (2):ما شاء الله، طب إيه؟ ما تقولنا على الطريقة بقى! إزاي نقدر نحقق كل ده؟
المقدم (1) : بص، أنا شخص فضولي شوية، فسألتها: "إنتي بتعملي ده إزاي؟"

المقدم (2): قالتلي إنها بتحاول على قد ما تقدر توفق بين الاتنين، بتنظم وقتها وبتحط أولويات. بس اعترفت إن ده بيجي على حساب راحتها، وكتير بترجع في آخر اليوم مرهقة، بتجي على صحتها علشان توصل لده.

المقدم (1):آه... للأسف، زي ما قولنا، الموضوع مش سهل خالص انا كنت. قرأت دراسة بتقول إن 60٪ من الطلاب بيلاقوا صعوبة في التوفيق بين الدراسة والشغل، وكمان الرياضة والدين! إحنا في عصر السرعة، وكل حاجة عايزة وقت وجهد. والموضوع مش مقتصر على الطلاب بس، ده بيشمل كل الناس اللي بتحاول توفق بين الشغل وحياتها الشخصية

مقدم(2): كمان، في ضغوط مجتمعية بتقولك إنك لازم تنجح في شغلك بسرعة، وفي نفس الوقت تتجوز وتكون أسرة مثالية. وده بيدخك في حالة من الصراع بين اللي مفروض تعمله واللي أنت فعلاً عايز تعمله فعلا، ده غير إن أحيانا بتحس إنك لازم تختار، يعني إما تركز على حياتك المهنية وتسيب الحب والأسرة مؤقتا أو العكس. فهل يا ترى فعلاً لازم نختار، ولا ممكن نلاقي حل وسط؟

مقدم (1): فيه ناس بتختار إنها تأجل موضوع الارتباط أو الزواج لحد ما يثبتوا نفسهم في شغلهم، لكن ده ممكن يخليك تحس إنك بتفوت حاجات مهمة في حياتك الشخصية.

مقدم (2):و برضه، عايزة اقولك اللي بيشتغل ويدرس في نفس الوقت بيتعرض لضغوط نفسية كبيرة، زي الإجهاد والقلق. دي مشاكل ممكن تأثر على حياتك كلها لو ما أخدتش بالك منها
مقدم(1): إنك بتجري ورا الوقت؟ مش لاقي وقت لنفسك ولا لأصحابك؟ الموضوع مش بس بيحصل معاك، كلنا بنعدي بنفس التجربة. بس ايه الحل؟ ازاي نعيش حياة متوازنة؟ محتاجين نعرف يا تري إيه أسرار تنظيم الوقت الي تخليني ابقي مبسوط وسعيد في حياتي."

مقدم (2): كلنا بنحاول نضبط حياتنا عشان نكون مبسوطين ومحققين في شغلنا. بس مش سهل نلاقي الوقت لكل حاجة! اني اوازن بين الشغل والحياة الشخصية والهوايات وقاعدتي مع صحابي وعليتي ،دا حتي لما بننسى نفسنا في الشغل وبنشتغل طول الوقت، بنحس بتعب وإرهاق، وده بيأثر على كل حاجة في حياتنا. عشان كده لازم نتعلم ازاي نوزع وقتنا صح ونعمل اللي يخلينا مبسوطين."

تفتكر … ليه مش بنقدر نوزّع وقتنا بين الشغل والحياة؟
مقدم (1):لاء معرفش تفتكر ليه ؟

مقدم (2): اعتقد الشغل بيضغط علينا لما يكون عندنا مواعيد كتير ومش لاقيين وقت نخلص فيه شغلنا، بنضطر نشتغل أكتر من اللازم، ومبنبقاش فاضيين لحاجات تانية ،مش بنعرف نرتب وقتنالو مش عارفين نرتب يومنا كويس، هنلاقي نفسنا بنضيع وقت كتير في حاجات مش مهمة، وبنأجل الحاجات المهمة.
مقدم(1): فعلا... الشغل لما بيدخل حياتنا الشخصية طول الوقت، بننسى نفسنا وبننسى الناس اللي حوالينا.وكمان علشان أهدافنا في الشغل بتتعارض في بعض الأحيان مع حياتنا الشخصية ساعات بنضطر نضحي بحاجات كتير في حياتنا عشان ننجح في شغلنا، زي وقتنا مع العيلة أو أصحابنا

مقدم (2): تفتكر ليه التوازن بين الشغل والحياة مهم أوي؟

مقدم (1): لأن لما بنلاقي وقت لنفسنا ولأصحابنا وعيلتنا، وحتي شغلنا من غير ما نيجي علي نفسنا، بنحس بسعادة أكبر وبنقدر نعمل كل حاجة أحسن وبنعملها براحةاكبرو و بنحس إن حياتنا جميلة وبنقدر نقدر كل اللحظات الحلوة.

مقدم (2):عايزة اقولك كمان ان صحتنا بتتحسن لما بنرتاح كويس وبناكل صح وبنمارس رياضة، بنقلل من التوتر والقلق، وبنكون كمان اقل عرضه إن يجلنا أمراض
مقدم (1): يااااه لدرجادي
مقدم (2): طبعاا.... دا غير كمان ان علاقاتنا بتقوى لما بنقضي وقت مع أصحابنا وعيلتنا وحتي كمان مع ربنا، كل دا بينعكس علينا في شغلنا ، بنقدر نركز أكتر في شغلنا وبنعمل كل حاجة بإتقان وممكن بالصدفة كدا نكتشف مواهب جديدة فينا وإحنا مش واخدين بالنا

مقدم (1): كل الفكره اننا مش لازم نيجي على حاجه قصاد حاجه وأوقات كتير بنبقى محتاجين نستغنى عن حاجات في مقابل اننا نكسب حاجات تانيه ووقتها بيبقى الاحسن لينا اننا مانفكرش في الحاجات اللي استغنينا عنها لاننا اكيد هنتعوض في المقابل.
مقدم (2): بالظبط كده دي حقيقه لان مش شرط عشان نوازن بين كل حاجه اننا نعمل كل حاجه بنسبة ١٠٠٪ لان مفيش حد هيوصل للمرحله دي يعني مش لازم نحقق الكمال في كل الجوانب إحنا مش سوبر هيروز تإحنا بني ادمين عادي ،
مقدم (1): وكمان عايزين نقول إن التوازن مش هيحصل من اول مرة ده بيحتاج وقت ومجهود كبير عشان يحصل بس طول ما في محاولات هيبقى في وصول وطول ما بنسعى هنحقق

مقدم (2): انا شايف ان فكرة التوازن دي من الافكار اللي ملهاش حلول ثابته يعني مفيش طريق موحد هنمشي عليه عشان نحقق التوازن في نصايح ممكن ناخد بيها او طرق ممكن نتبعها لكن في الاخر احنا اللي بنقرر هنعمل ده ازاي احنا اللي بنخطط ونرتب ونسعى وفي الاخر هنوصل .
الخاتمة
مقدم (1): في النهاية عايزين نقول للي بيسمعنونا ومحتارين شبهنا، إن الحياة مش سباق نوصل فيه للنهاية بسرعة. هي رحلة، لازم نستمتع بيها بكل تفاصيلها، ونكون راضيين باللي حققناه في كل يوم، ونفكر دايما إن الأهم إننا نحافظ على توازن بين شغلنا وحياتنا الشخصية
موسيقي
مقدم(2): منتظرين ارائكم وتعليقاتكم علي مدار الاسبوع لحد ما نتقابل في حلقة جديدة من بودكاست uni chat) )
كان معكم انهادرة : ( أسماء الطلاب المقدمين )
ومن فريق الإعداد: ()
مونتاج وهندسة صوتيه : ()
إشراف الحلقة : دكتور شيرين مجدي