لخّصلي

بإختصار شديد ️ من شهر أغسطس ٢٠٢٥ و لغاية يوم التلات اللي فات يعني نص شهر يناير ٢٠٢٦ معاناة من الوهلة الأولي و من وقتها و انا حاسس باني فريسة لازم يضحك عليه ( مجرد ما رجلك هتيجي فالفخ مش هنحلك ) أشتريت سماعات AirPods pro كنت جايبها من Best buy من Philadelphia USA في June 2023 و حصل فجأة ان سماعة منهم _ الشمال _ مش عاوزة ت connect علي ال iPhone حاولت احطها علي الشحن تاني يمكن تكون ماشحنتش لاي سبب بس للاسف بردوا نفس المشكلة عالرغم انها كانت جايبة نسبة الشحن ١٠٠٪؜ عال iPhone بس بتنزل فجأة و بسرعة دخلت علشان أشوف إذا كانت لسة فالضمان و للاسف طلعت بره الضمان اتصلت ب alarm store و سألتهم ممكن تكون المشكلة فين و الرد كان انه بنسبة كبيرة هتكون فالبطارية بس لازم التوجه لمركز الصيانة للكشف و تأكيد العيب سألتهم عن سعر البطارية فقالولي ب 1500 جم و بعدين رجعوا و بلغوني انها ب 2000 جم علشان السماعات موديل عالي AirPods pro فعلاً تاني يوم روحت المركز و كنت بتكلم في السماعة اللي شغالة و دخلت و قابلني حد اسمه عبد الرحمن و استلم مني السماعات بعد ما اكدلي انها البطارية و لما حاول يوصل السماعة التانية علي تليفونه ما وصلتش فقالي ده كمان بايظة ( كل ده منغير كشف . مجرد نظري و احنا واقفين ) قولتله ازاي ده انا لسة كنت بتكلم بيها و حاولت اوصلها علي تليفوني تاني بس بردوا ما وصلتش _ اللي بيستعمل سماعات AirPods عارف انه ساعات بيحصل كدة و بدون سبب و بنحتاج اننا نفصلها و نشيلها من القائمة و نرجعها تاني و بت connect عادي _ و انا مشواري كان طويل من مدينتي فجايز تكون من الحرارة بتاعة الجو شهر أغسطس و مع الاستخدام او الشحن يكون خلص خاصةً أنه لما كان بيحطها فال case بتاعتها كانت بتنور أحمر يعني بتشحن و البطارية سليمة عكس السماعة الشمال🪫 المهم نتيجة التأخير و الزحمة فالمكان انا قولتله هنغير بطارية السماعة الشمال بس اكشف عاليمين لو فعلاً المشكلة فالبطارية ارجعلي قبل ما تغير أي حاجة علشان كدة ممكن ما صلحهاش و مشيت و سيبتها لهم زي ما طلبوا و قالولي هنتصل بعد الكشف في خلال اسبوع علشان معانا شغل كتير بعد ٩ أيام جالي تليفون انهم غيروا البطاريتين للسماعتين فقولتلهم ليه كدة ده انا قايلكم تكشفوا و تتصلوا قبل التغير ردوا باني ماقولتش كدة و اني قولتلهم يغيروا علطول فروحتلهم بعد ٤ أيام و فبالي انه طالما رجعت تشتغل زي الاول مش مشكلة و مش مستاهلة فرهدة معاهم قعدنا شوية نجادل فاني ماقولتش و هما يقولوا ان الفني اللي استلم و اللي كان اجازة يوم الاستلام بيأكد اني قولتله يغير و في واحد منهم اتصل به عالتليفون و لاقيت حد بيتكلم بعصبية و مصمم اني مابلغتوش انه يكلمني قبل ما يغير الخلاصة و علشان ما اضطرش اتخانق علي هيافات اخدتهم و انا كلي شك انهم غيروا بطارية السماعة اليمين و جربتهم فلاقيت السماعة الشمال واطية و بلغتهم و قالولي ده بس محتاجة تتنظف و شحن فاخدتها و مشيت تاني يوم و مع اول استخدام طويل لاحظت انها مش موضوع ان الصوت اوطي و بس ده كمان بتكتم الصوت و ترجع تعلي فجأة فكلمتهم و بلغتهم بالمشكلة و قالولي طيب هاتهلنا تاني

بإختصار شديد ✍️ من شهر أغسطس ٢٠٢٥ و لغاية يوم التلات اللي فات يعني نص شهر يناير ٢٠٢٦ معاناة من الوهلة الأولي و من وقتها و انا حاسس باني فريسة لازم يضحك عليه ( مجرد ما رجلك هتيجي فالفخ مش هنحلك )
أشتريت سماعات AirPods pro كنت جايبها من Best buy من Philadelphia USA 🇺🇸 في June 2023 و حصل فجأة ان سماعة منهم _ الشمال _ مش عاوزة ت connect علي ال iPhone حاولت احطها علي الشحن تاني يمكن تكون ماشحنتش لاي سبب بس للاسف بردوا نفس المشكلة عالرغم انها كانت جايبة نسبة الشحن ١٠٠٪؜ عال iPhone بس بتنزل فجأة و بسرعة دخلت علشان أشوف إذا كانت لسة فالضمان و للاسف طلعت بره الضمان
اتصلت ب alarm store و سألتهم ممكن تكون المشكلة فين و الرد كان انه بنسبة كبيرة هتكون فالبطارية بس لازم التوجه لمركز الصيانة للكشف و تأكيد العيب
سألتهم عن سعر البطارية فقالولي ب 1500 جم و بعدين رجعوا و بلغوني انها ب 2000 جم علشان السماعات موديل عالي AirPods pro
فعلاً تاني يوم روحت المركز و كنت بتكلم في السماعة اللي شغالة و دخلت و قابلني حد اسمه عبد الرحمن و استلم مني السماعات بعد ما اكدلي انها البطارية و لما حاول يوصل السماعة التانية علي تليفونه ما وصلتش فقالي ده كمان بايظة ( كل ده منغير كشف ..مجرد نظري و احنا واقفين ) قولتله ازاي ده انا لسة كنت بتكلم بيها و حاولت اوصلها علي تليفوني تاني بس بردوا ما وصلتش _ اللي بيستعمل سماعات AirPods عارف انه ساعات بيحصل كدة و بدون سبب و بنحتاج اننا نفصلها و نشيلها من القائمة و نرجعها تاني و بت connect عادي _ و انا مشواري كان طويل من مدينتي فجايز تكون من الحرارة بتاعة الجو شهر أغسطس و مع الاستخدام او الشحن يكون خلص خاصةً أنه لما كان بيحطها فال case بتاعتها كانت بتنور أحمر يعني بتشحن و البطارية سليمة 🔋عكس السماعة الشمال🪫
المهم نتيجة التأخير و الزحمة فالمكان انا قولتله هنغير بطارية السماعة الشمال بس اكشف عاليمين لو فعلاً المشكلة فالبطارية ارجعلي قبل ما تغير أي حاجة علشان كدة ممكن ما صلحهاش و مشيت و سيبتها لهم زي ما طلبوا و قالولي هنتصل بعد الكشف في خلال اسبوع علشان معانا شغل كتير
بعد ٩ أيام جالي تليفون انهم غيروا البطاريتين للسماعتين فقولتلهم ليه كدة ده انا قايلكم تكشفوا و تتصلوا قبل التغير
ردوا باني ماقولتش كدة و اني قولتلهم يغيروا علطول فروحتلهم بعد ٤ أيام و فبالي انه طالما رجعت تشتغل زي الاول مش مشكلة و مش مستاهلة فرهدة معاهم قعدنا شوية نجادل فاني ماقولتش و هما يقولوا ان الفني اللي استلم و اللي كان اجازة يوم الاستلام بيأكد اني قولتله يغير و في واحد منهم اتصل به عالتليفون و لاقيت حد بيتكلم بعصبية و مصمم اني مابلغتوش انه يكلمني قبل ما يغير
الخلاصة و علشان ما اضطرش اتخانق علي هيافات اخدتهم و انا كلي شك انهم غيروا بطارية السماعة اليمين و جربتهم فلاقيت السماعة الشمال واطية و بلغتهم و قالولي ده بس محتاجة تتنظف و شحن فاخدتها و مشيت
تاني يوم و مع اول استخدام طويل لاحظت انها مش موضوع ان الصوت اوطي و بس ده كمان بتكتم الصوت و ترجع تعلي فجأة
فكلمتهم و بلغتهم بالمشكلة و قالولي طيب هاتهلنا تاني
بلغتهم اني حاجز ميعاد عملية فظهري و مش هقدر اسوق و اجيبها قالولي براحتك هي كدة كدة فضمان لمدة ٣ شهور
و فعلاً اول ما بدأت اتحرك و انزل _ كنت بروح اغير عالجرح _ و اقدر اسوق واديتلهم السماعة و قابلني شاب صغير فالسن اسمه يوسف استلم مني السماعات و بعد اسبوعين و اتصال يوم بعد يوم قالي السماعة جاهزة بس كنا بنجربها و روحت و استلمتها و فعلاً الصوت يمين و شمال بقي واحد لكن ظهرت مشكلة تانية خالص و هو ان السماعة بتصفر حتي قبل ما ت connect عالموبايل فقولتله ايه ده قالي لا ده عادي بس حضرتك الغي ال noise cancellation و اشحنها للاخر و جربها يومين كدة و شوف بعد يومن و تلاتة و اسبوع نفس المشكة و تحس ان السماعة فيها حاجة سايبة من جوة ( يمين و شمال ) كلمتهم و قالولي ده كدة الفلاتة اتقطعت فهاتها المركز نكشف عليها و روحت سلمتها لهم و السماعة قعدت معاهم حوالي ٤ - ٦ أسابيع كل ده بحجج مختلفة منها عندنا زحمة شغل - يوسف عيان - اصلي لسة بصلحها - اصلي بجربها علشان ماترجعش تاني …الخ
فضلت أزن عليهم يومين تلاتة ورا بعض و كنت فيوم قريب منهم في م.نصر و كلمتهم و قالولي هنشوف يوسف لما يجي و نرجع لحضرتك و بعد ما مشيت من م. نصر بلغوني انك تقدر تيجي تستلمها النهاردة بليل
بالفعل روحت علشان استلم السماعات و اكتشفت ان السماعات زي ما هي منغير اي تصليح ( يعني كل الوقت ده و التسويح ده و محدش عارف يبلغني بواقع الأمر ) و لما سألتهم إزاي كدة يقولولي اصلنا مش عارفين حضرتك تقصد ايه و الولد يوسف و هو بيسلمني شكله مرتبك و متنبه عليه انه يرد بالرد ده ( انا مش سامع الصفارة اللي حضرتك بتقول عليها )و زمايله بيجربوها و بيأكدوا علي كلامه قومت خدت السماعات و حطتها فودني و صفرت و كنت هديها لعميل كان عنده مشكلة في شاحن اشتراه من عندهم و طلع مضروب وبعدها لست معاها بنتين كبار كانت جاية تدفع ثمن تليفون لبنتها فعلطول الولد يوسف خدها بسرعة و قالي طب انا هخش اشوفها لحضرتك و لمدة ساعتين كاملين دخل ٣ عملاء كلهم عندهم مشاكل مع المنتجات و البايعين خاصاً ان التليفونات و الشواحن بارقام كبيرة و لسة التليفونات هيدفع ضريبتها بس الكلام يطول فالجزئية ده و هبقي انزله فمنشور منفصل و كل ما اطلب مدير الفرع يخش واحد و يرجع يقولي هيجي لحضرتك بعد شوية و محدش يجي
(دخلت المركز حوالي الساعة ٦:٠٠م و مشيت الساعة ٩:٣٠ م ) بعد يوم عمل طويل و لك ان تتخيل كم التعب و الارهاق
فالآخر طلع يوسف يخيرني و يقولي تسيبلنا السماعات نغيرلك السبيكرز و لا نعمل لحضرتك مرتجع و عاوز يديني السماعات زي ما هي

طبعاً ردي و بدون اي تفكير اعمل مرتجع و انا علشان الحرمانية فاني اخد حاجة مدفعتش ثمنها - البطاريات _ طلبت منه انه طالما هيرجعلي فلوسي بالكامل يبقي يشيل البطاريات اللي المفروض انهم ركبوها
و علشان الكذب مالوش رجلين فعلاً دخل و شال البطارية بتاعة السماعة الشمال بس و سلمني السماعات اليمين شغالة بس بتصفر و الشمال المفروض انها هتبقي نفس اليمين بس بدون بطارية ( لقطة مهمة أثناء التسليم و الارجاع مدير الصيانة م. عبد الله طلع اخيرا بره غرفة الصيانة و بيتمشي في الصالة علشان يراقب شئ ما انا عرفته بعدين لكن الاهم تعامل الكاشير اللي الولد يوسف بيقوله هنعمل مرتجع يقوم يسأله و هو عبد الله موافق ؟ يقوم عبد الله يشاورله من بعيد فيديني الفلوس بعد ما فتح ٣ اظرف يعد كل ظرف الاول و يرجعه و بعدين يديني الفلوس )
اخدت السماعات و روحت لمركز صيانة تاني علشان اشوف لو حبيت ابدل السماعة ده بواحدة تانية بعد تغيير البطارية تساوي كام ؟ و كمان علشان اعرف اذا تم تغير البطارية السماعة اليمين فعلاً ولا زي ما انا شاكك ؟
فوجئت بان الفني بيقولي ان السبيكر اللي فالسماعة الشمال مقطع و مفصول بالكامل و مافيش اي بطارية لا قديمة ولا جديدة و ان مكان السبيكر للسماعة اليمين و الشمال بيبقي في تبطين حوالين السماعات من المصنع علشان ال noise cancellation متشالين خالص و مش موجودين
و الأهم ان البطارية اللي فالسماعة اليمين هي الأصلية و لم يتم تغيرها قبل كدة و كفائتها فوق ال ٦٠٪؜ لكن لو جديدة بتبقي فوق ٩٠٪؜
بالتالي السماعات كدة باظت خالص 🛑 و ليس لها أي قيمة🚫
كلمت الشكاوي و سجلت شكوتي و بلغوني انهم بيعتذروا و هيتواصلوا معايا في خلال يومين
بعد ساعة او اقل جالي اتصال من م. عبد الله مدير الصيانة بيتكلم باسلوب وحش جداً و عاوز يتخانق و يجادل في موضوع البطارية و انا فالحقيقة قطعت كلامه و قولتله خالينا نركز فالمشكلة الاساسية سماعات بالشئ الفلاني و أصلي انتم بوظتوها أيه الحل ؟
رد عليا يخيرني ما بين حلين :-

• تجيبلنا السماعات و نرجعهالك زي ما جبتها ( اللي هو ماعرفش يغير بطارية 🪫 و بوظ السبيكر ولا قطع الفلاتة و لغي ميزة عزل الصوت فالمفروض اني اثق انه هيعرف يرجعها زي ما كانت )


• ⁠نغيرلك السماعتين بتوعك بسماعتين من عندنا مستخدمين و تدفع ٥ ألاف جم . ( اللي هو هنضحك عليك يعني هنضحك عليك و كمان مش مهم ال personal hygiene خالص )

طبعاً أنا رفضت أي حل في إرجاع السماعات لثقتي بعدم نزاهتهم و كفائتهم في عملية الاصلاح ده غير ان الشك قلب ليقين
و سألته عن السماعات الجديدة بكام و قولتله الحل اني اخد سماعات جديدة و تاخده القديمة اللي بوظتوها و ادفع الفرق
رده ان السماعات اللي هما بوظوها تساوي الف جم ….عالرغم انه كان عاوزني ادفع ٥ الاف جم في سماعاتهم القديمة بردوا فالعرض الاولاني
رديت عليه ازاي أيه اللي انت بتقوله ده فقالي و الله ده اللي عندنا شوف و تبقي تجيلنا الفرع نتفاهم
انا طبعاً الكلام لحد كدة وقف بيني و بين مركز الصيانة اللي مدير المركز نفسه مختفي و مش بيتدخل عالرغم من طلبي مقابلته اكتر من مرة و رفضه رغم وجوده داخل المركز و اكتشفت أنه كان الشخص اللي قاعد جنب الكاشير وقت عمل المرتجع

و كانت المحاولة الاخيرة ليا معاهم اني اتواصل مع مركز الشكاوي مرة تانية لكن و لمدة ٥ أيام متتالية و محاولات اتصال اكتر من ١٦ مرة كلها دون رد و شكلهم سجلوا نمرتي بعدم الرد على العميل
أنا طبعاً مش هقف عند البوست ده لكن هعمل شكوي في جهاز حماية المستهلك و هفضل وراهم مش لمجرد اني يرجعلي حقي ( الله أعلم ) و لكن لمنعهم من تهاونهم بالعملاء اللي وثقوا في اسمهم و تحسين ادائهم و تعاملهم مع الجمهور و اختيار أفراد و فنين علي درجات مهنية أفضل
ملحوظة :-
جميع المحادثات التليفونية مسجلة و سوف يتم تقديم نسخة منها مع شكوي جهاز حماية المستهلك في حالة الطلب