Lakhasly

عدم التخطيط هو التخطيط للفشل زي ما بيقولوا علماء الإدارة عدم التخطيط

• مش معناه إنك أنت مش هتكسب ومش هتخسر معناه إنك أنت بتخطط للخسارة
• كلام خطير جدًا
• اشمعنا يوم القيامة؟ يوم القيامة رحلة طويلة أوي يا جماعة كل مرحلة في يوم القيامة عايزة خطة غير التخطيط اللي هتخططه للقنطرة غير التخطيط بتاع تتطاير الصحف كل حاجة في الدار الآخرة عايزة تخطيط ، الجنة عايزة تخطيط وإلا ربنا سبحانه وتعالى مجعلش دخول الجنة بالمجموع والجنة دي للي جاب ٨٠ ٪ والجنة دي للي جاب ٧٠ ٪ ده باب بر الوالدين *لإنك أنت لازم تخطط أنت هتدخل الجنة من باب إيه؟ ← أنت لازم تكون مميز في عمل من الأعمال الصالحة أبو بكر الصديق كان بيقول: بيخطط يا جماعة ← ومتهيأله إن الموضوع كده حلو أوي واحد رايح يتجوز بنت واحد غني جدًا فَكَانَ يَمْشِي بالنَّمِيمَةِ) يعني بينقل الكلام ما بين الناس وبعض وبيوقع ما بين الناس وبعض الاتنين دول بيتعذبوا في القبر أُمِرَ بعبدٍ من عبادِ اللهِ أنْ يُضرَبَ في قَبرِه مِئَةَ جَلدةٍ) قال: عَلامَ جَلَدْتُموني؟) . ⁠لما لقيت واحد مظلوم مانصرتوش

• يبقى القبر عايز تخطيط يا جماعة زي خادم النبي عليه الصلاة والسلام اللي اتقتل وهو راجع من غزوة خيبر فالصحابة قالوا : هنيئًا له الشهادة هنيئًا له الجنة كلا إن الشملة التي اشتملها). لتلتهب عليه في قبره نارًا ) أنا جبتلكم ٣ أحاديث لناس ولع عليها قبرها نار بسبب حاجات هو كان فاكر إنها حاجات صغيرة ويوم القيامة عايز حسابات
• والجنة عايزة حسابات يا جماعة • كلمتكم عن ١٦ لحظة من ٥٠ ألف سنة نقيناهم من ٥٠ ألف سنة كل لحظة فيهم عايزة عمر في التخطيط

• تعالوا لما نخطط لكل لحظة من يوم القيامة ⁠٥٠ ألف سنة
• رحلة طويلة أوي أوي أوي أوي مرة كنت يعني صحتي تعبانة وخاسس يابني الطريق لسا طويل

• الكلمة أثرت فيا يعني فكرة هو الواحد لو عاش عشان كده ربنا قال : *غير اللي مسافر شهر

• غير اللي مسافر ٤_٣ سنين
• يوم القيامة ٥٠ ألف سنة
• أنتَ جاهز ل ٥٠ ألف سنة؟

• أكتر نعم في حياتِك هي النعم اللي ربنا اداهالِك ببلاش • أكتر حاجة ببلاش في حياتنا هي الوقت وقتِك في الدنيا ده هتندمي عليه خطط لمستقبلك
• وكنت يعني قلقان جدًا إن مفيش حد مستنيني *لحد ما خلصت في المطار خارج من المطار لقيت عربية مستنياني ولقيت ناس تبع الناس اللي أنا رايحلهم مستنيني *بيفكرني بواحد غريب نازل في أرض غريبة يوم القيامة الناس جنسيات مختلفة

• الاتنين الأصحاب بيبقوا رايحين مع بعض وجايين مع بعض أنتَ مصاحب القرآن؟ اللّٰه سبحانه وتعالى يقول : وَتَتَلَقَّاهُمُ الْمَلَائِكَةُ هَذَا يَوْمُكُمُ)

• الملايكة بتستناكِ ليه؟ إنَّ للمساجدِ أوتادًا ، لهم جلساءُ من الملائكةِ). - خطط ، - طب هبات فين؟

• طب أغير العملة بتاعتهم لأيه؟
• طب أغير منين صرافة؟
• طب أعمل إيه؟ بتبص قالك مش فاكرني وتعالى اغير لك العملة عشان تعرف تشتري وتبيع وتعالى أجيبلك شريحة محمول عشان تعرف تطمن أهلك

• وتعالى إيه دا؟

• أنت دلوقت نازل غريب في بلاد غريبة يوم القيامة مين اللي هيستناك؟ • لأن البعث ده فزعة بداية القيامة
• فزعة واحد تحت التراب لقى نفسه بيتكون والروح بتنفخ فيه وبيتشق القبر وبيطلع في ظلام
• وكون غير الكون وسماء غير السماء وأرض غير الأرض
• وملايكة بتقتاده وهو واحد مفزوع مين اللي هيطمنك في اللحظة دي؟ ٢ - خطط لمستقبلك
• خطط للحشر، حد عامل كولدير في النص مفيش نقطة ماية في أرض المحشر كلها هتجيب ماية منين؟ مفيش ماية غير على حوض النبي عليه الصلاة والسلام بس مصدر الماية الوحيد في يوم القيامة يبقى أنت خططت لحوض النبي ولا لأ؟ يارب ده مسلمين

• المُبتدعة مين اللي بيطرد من على الحوض؟ أتباع السُنّة
• اللي كانوا متّبعين سُنّة النبي عليه الصلاة والسلام

• اللي كان بيقرأ البخاري ومسلم ويتعلم السُنّة علشان يعرف سُنّة النبي عليه الصلاة والسلام اللي كان بيلف حوالين علماء أهل السُنّة
• علشان يعلموه سُنّة النبي عليه الصلاة والسلام إن يوم القيامة قام وإن هم بيجروا على حوض النبي عليه الصلاة والسلام
• فَهو طبعًا مليارات بقى بينه وبين النبي عليه الصلاة والسلام
• فَجاي يزاحم لقى واحد بيقوله مش بالدراع مش بالعافية يبقى إنك تبقى من أهل السُنّة الشمس الرهيبة مفيش غير ٤ مظلات يوم القيامة

• يا جماعة ٤ مظلات ربّانية يوم لا ظل إلا ظله مفيش غير الظل اللي من عند اللّٰه سبحانه وتعالى كل الأئمة ، - طيب الإمام العادل ده حاجة والدنيا كلها حاجة وَشَابٌّ نَشَأَ في عِبَادَةِ اللَّهِ)

• ولا الورقة أم ٢٠ طلعت ولا الورقة أم ١٠٠ دولار اللّٰه أعلم هو بيتعامل مع ربنا بلا حساب ، - الأصل إن الناس بتحسب حتى من ربنا بل بالذات مع ربنا الناس بتحسب وَرَجُلٌ قَلْبُهُ مُعَلَّقٌ في المَسْجِدِ) متعلق بالمصيف متعلق بإنه يقعد مع مراته فَإِذَا فَرَغْتَ فَانْصَبْ ) قبل ما تخلص أشغال الدين وأشغال الدنيا اللي وراك يعني إيه امرأة ذات منصب وجمال؟ يعني تليفزيون راكب دركسيون أنا لو حتى هتزوج هتزوج زواج على قدي
• إنما اللي بالمنظر ده : هتقولي فسحني وأكلني وشربني وخرجني و.. * أنا مش قد ده أنا بتجوز بواقعية
• إنما واحد بيعيط لوحده ده مخلص أوي يبقى مين اللي بيقفوا في ظل عرش اللّه؟ " ما أنت لازم تخطط
• اشمعنا أنتِ اللي تقفي في المظلات الأربعة ؟ اللي عايز يتميز عن غيره لازم يبقى متفرد
• الناس اللي عاملت ربنا معاملة غيرهم كلهم يبقى السبعة اللي بيقفوا في ظل عرش اللّٰه دول مين؟ اللي الدنيا كلها كانت بتعامل ربنا معاملة ودول معاملة تانية وَرَجُلَانِ تَحَابًّا في اللَّهِ، قال: إنّي أَخَافُ اللَّهَ، المظلة التانية يوم القيامة: ظل الصدقة كلُّ امري في ظلِ صدقتِه حتَّى يُقضى بينَ النَّاسِ)
• ومالكش دعوة بشمس القيامة اللي بتغلي منها الرؤوس وضَرَبَ لهما رَسولُ اللٰهِ صَلَّى اللَهُ عليه وسلَّمَ ثَلاثَةَ أمْثالٍ ما نَسِيتُهُنَّ بَعْدُ، - علاقتك بالقرآن إيه؟ علاقتِك بالقران إيه؟
• عيشي في ظلال القرآن في الدنيا لازم تخطط لمستقبلك ، لازم تخططي للحشر صح مشاكل الحشر إيه؟ ← العطش
• الوحدة هقف مع مين؟ ما هو ربنا بيقول : فَإِذَا النُّفُوسُ زُوِّجَتْ) المَرْءُ مع مَن أحَبَّ) إيه الشلة اللي هتدخل بها الجنة؟ لازم تدوري على شلة غير اللي بيدخلوا في الآخر كل الأوائل شلل ، - فين شلتك؟
• فين الناس اللي أنت هتأنتم معاها في أرض المحشر واللي هتدخل معاها الجنة ؟ يبقى : ١. خططت للبعث ٤. خططٍ لحوض رسول اللّٰه صلى اللّٰه عليه وسلم
• خططوا يا جماعة ليوم القيامة يوم القيامة دا تزودوا ٥٠ ألف سنة رحلة طويلة وكل مرحلة من مراحل يوم القيامة ← الجنة عايزة تخطيط اوعى تعيشها سبهللة كدا
• التفوق الديني له سُنن خطط لتطاير الصحف ← أخطط لتطاير الصحف ازاي؟!
• أول عمل هتبص عليه هو آخر عمل هتموت عليه لإن الرسول عليه الصلاة والسلام قال: الأعمال): اللي أنت عملته طول حياتك عشان كدا حبيب اللّٰه محمد عليه الصلاة والسلام يقول : يعني قدام الناس زي الفل بس هو حقيقةً بينه وبين ربنا مش حلو ثُمَّ يُخْتَمُ له عَمَلُهُ بِعَمَلِ أَهْلِ النَّارِ)
• قبل ما يموت العيوب دي طلعت عليه عصى اللّٰه مات على المعصية مفاجأت مفاجأت يبقى لازم تخطط للخاتمة
• نسأل اللّٰه حسن الخاتمة
• نسأل اللّٰه حسن الخاتمة
• هخطط للخاتمة ازاي؟
• اللي أنت عايز تموت عليه عيش عليه بس يبقى ده التخطيط للخاتمة وبناء عليه التخطيط ليوم القيامة والتخطيط لتطاير الصحف
• عيش على لا إله إلا اللّٰه أنتِ عايزة تموتِ على الذكر؟ عيش على الذكر
• الموضوع بسيط يا جماعة اللي أنت عاوز تموت عليه عيش عليه
• اللي مات ملبي فى الحج يُبعث يلبي
• اللي مات شهيد له شكله طالعة يوم القيامة بالفل ميك أب (full make up) بتاعها من مات على شئ فى هنا طاعة أو معصية
• القصة هنا مش قصة حفاة عراة بس

• أنا عاوز أموت على الدعوة إلى اللّٰه نفسى أموت وأنا بتكلم عن ربنا عيش على الدعوة إلى اللّٰه ، *لأكثر واحد اتكلم عن ربنا في الدنيا رحمة ربنا تُبعث وأنت تتكلم عن رب العرش العظيم وتموت وأنت تتكلم عن رب العرش العظيم *تستلقى صحيفتك يوم القيامة

• أول عمل تبص عليه اللى هو الخواتيم تلاقيه مات على الدعوة إلى اللّٰه
• مات وهو يتكلم عن اللّٰه ، ← احنا بنتكلم على علامات الساعة احنا بنتكلم على العلامات الصغرى والكبرى لو مخدتش قرار دلوقت هتاخده امتى ؟ لازم تأخذ قرار فاصل ، لازم تفصلي للدين • لازم تفصل للطاعة وإلا لو ما فصلتش واحنا بنتكلم عن يوم الفزع الأكبر
• هتفصل امتى؟
• نكمل التخطيط لمستقبلنا بكرة إن شاء اللّٰه
• عن العلامات الصغرى والعلامات الكبرى بإذن اللّٰه
• اللهم قنا عذابك يوم تبعث عبادك
• اللهم إنا نسآلك حسن الخاتمة
• اللهم ارزقنا الشهادة في سبيلك ونحن ندعو إليك ونتكلم عنك
• اللهم استعملنا ولا تستبدل بنا
• اللهم أحينا على الدعوة إليك وأمتنا على الدعوة إليك

المحاضره الخامسه عشر:خد قرار الجزء الاول

• السلام عليكم ورحمة اللّٰه وبركاته


• إخواني وأخواتي في اللّه
  عدم التخطيط هو التخطيط للفشل زي ما بيقولوا علماء الإدارة عدم التخطيط


• مش معناه إنك أنت مش هتكسب ومش هتخسر معناه إنك أنت بتخطط للخسارة
  يعني عدم التخطيط ليوم القيامة هو التخطيط لجهنم والعياذ بالله


• كلام خطير جدًا
  أنت في كل مرحلة من مراحل الدنيا عايز تخطط لمستقبلك فيها

• مرحلة الدراسة ليها خطة غير مرحلة الجواز، غير شغلك غير كل حاجة في حياتك

• اشمعنا يوم القيامة؟
  يوم القيامة رحلة طويلة أوي يا جماعة كل مرحلة في يوم القيامة عايزة خطة
  لازم تخطط للبعث تخطيط لوحده
  غير التخطيط اللي هتخططه للصراط
  غير التخطيط اللي هتخططه للقنطرة
  غير التخطيط اللي هتخططه للعرض على اللّٰه غير التخطيط اللي هتخططه للميزان
  غير التخطيط بتاع تتطاير الصحف
  يا إخواننا يوم القيامة عايز تخطيط
  كل حاجة في الدار الآخرة عايزة تخطيط ، الجنة عايزة تخطيط وإلا ربنا سبحانه وتعالى مجعلش دخول الجنة بالمجموع


• يعني الجنة دي للي جاب ٩٠ ٪
  والجنة دي للي جاب ٨٠ ٪ والجنة دي للي جاب ٧٠ ٪
  *لأده الجنة أسماء الأبواب أسماء أعمال صالحة ده باب الصيام ، ده باب الصدقة ده باب الجهاد ، ده باب بر الوالدين
  *لإنك أنت لازم تخطط أنت هتدخل الجنة من باب إيه؟
  ← أنت لازم تكون مميز في عمل من الأعمال الصالحة


• عشان يوم القيامة يبقى عندك وفرة من هذا العمل تدخلك الجنة


• لازم تخطط
  أبو بكر الصديق كان بيقول:
  يا رسول اللّٰه هل يُنادي أحد من كل أبواب الجنة
  بيخطط يا جماعة
  يبقى الجنة عايزة تخطيط ، يوم القيامة عايز تخطيط
  فربنا سبحانه وتعالى يقول:
  (وَبَدَا لَهُم مِنَ اللَّهِ مَا لَمْ يَكُونُوا يَحْتَسِبُونَ)
  كانوا حاسبينها غلط


• كان متهياله إن الموضوع أبسط مما هو متخيل

• واحد مثلًا حاجة عايزة مليون جنية ورايح ب٥٠٠٠ جنية
  ← ومتهيأله إن الموضوع كده حلو أوي واحد رايح يتجوز بنت واحد غني جدًا


• والمفروض إن الراجل ده عايز مليون جنية في الجوازة


• عشان الفرح وشبكة ومهر وهو رايح معاه ٥٠٠٠ جنية وبيقوله أنت بتشتري راجل يا عمي يا جماعة القبر عايز تخطيط
  النبي عليه الصلاة والسلام لما مر على قبر اتنين بيتعذبوا في القبر فقال :
  (إنهما يُعذَّبانِ وما يعذبانِ في كبيرٍ )
  في رواية:
  ( وإنه لكبير)
  هو كبير بس هم مكانوش حاسبينها صح
  فالنبي عليه الصلاة والسلام بيقول:
  (لا يَسْتَنْزِهُ عَنِ البَوْلِ، أوْ مِنَ البَوْلِ)
  يعني مكانش مهتم بالطهارة
  (فَكَانَ يَمْشِي بالنَّمِيمَةِ)
  يعني بينقل الكلام ما بين الناس وبعض
  وبيوقع ما بين الناس وبعض الاتنين دول بيتعذبوا في القبر

• هم كانوا حاسبين إنها حاجة صغيرة ، حسبوها غلط
  زي ما النبي عليه الصلاة والسلام قال:
  (أُمِرَ بعبدٍ من عبادِ اللهِ أنْ يُضرَبَ في قَبرِه مِئَةَ جَلدةٍ)


• ربنا حكم عليه إنه يتعذب في القبر ب ١٠٠ جلدة
  ( فلم يَزَلْ يُسألُ ويَدْعو حتى صارَتْ جَلدةً واحدةً، فجُلِدَ جَلدةً واحدةً، فامْتلاَ قَبرُه عليه نارًا)


• القبر ولع نار
  (قال: عَلامَ جَلَدْتُموني؟)

• أنا ما عملتش حاجة عشان قبري يولع عليا نار يارب يا رب أنا عملت إيه؟
  (قالوا: إِنَّكَ صلَّيْتَ صلاةً بغَيرِ طُهورٍ)
  يعني بردوا تبع الطهارة
  (ومرَرْتَ على مَظلومٍ فلم تَنصُرْه.).
  كنت بتاع كلام في الدين مش بتاع مواقف
  ⁠لما لقيت واحد مظلوم مانصرتوش


• يبقى القبر عايز تخطيط يا جماعة زي خادم النبي عليه الصلاة والسلام اللي اتقتل وهو راجع من غزوة خيبر
  فالصحابة قالوا : هنيئًا له الشهادة هنيئًا له الجنة

• صحب رسول اللّٰه وخدم رسول اللّٰه ومات شهيدًا فقال النبي صلى اللّٰه عليه وسلم:
  (كلا إن الشملة التي اشتملها).
  حتة القماش اللي سرقها من الغنائم
  (لتلتهب عليه في قبره نارًا )
  قبره ولع عليه عشان حتة قماشة سرقها
  هو بيتهيأله إنها حاجة بسيطة يبقى القبر عايز تخطيط
  أنا جبتلكم ٣ أحاديث لناس ولع عليها قبرها نار بسبب حاجات هو كان فاكر إنها حاجات صغيرة


• القبر عايز حسابات ، ويوم القيامة عايز حسابات

• والجنة عايزة حسابات يا جماعة
  يوم القيامة كل مرحلة من مراحله عايزة تخطيط زي ماكل مرحلة من مراحل الدنيا عايزة تخطيط
  تعالوا نخطط مع بعض بقى


• خد قرار أنا بقالي ٤ مرات بتكلم معاكم عن يوم الفزع الأكبر
  • كلمتكم عن ١٦ لحظة من ٥٠ ألف سنة
  نقيناهم من ٥٠ ألف سنة كل لحظة فيهم عايزة عمر في التخطيط

• تعالوا لما نخطط لكل لحظة من يوم القيامة

• أول حاجة يوم القيامة عايز تخطيط عالي ازاي ؟
  ⁠٥٠ ألف سنة

• رحلة طويلة أوي أوي أوي أوي
  مرة كنت يعني صحتي تعبانة وخاسس
  وفقابلت واحد من أساتذاتي عنده فوق ال ٧٠ سنة ومن شيوخي وقالي إيه وكنا في جنازة مع بعض اتقابلنا


• قالي يابني إيه اللي أنتَ عامله في نفسك ده؟


• إيه يابني اللي أنتَ عامله ؟
  يابني الطريق لسا طويل

• الكلمة أثرت فيا يعني فكرة هو الواحد لو عاش

• هو ممكن فعلًا لو ما اهتمش بصحته يندم بعد كده


• أهو بالظبط كده يوم القيامة دي سكة طويلة أوي يا جماعة


• رحلة طويلة أوي
  عشان كده ربنا قال :
  ( وَتَزَوَّدُوا )


• اللي مسافر يومين بياخد أكل وشرب
  ⁠غير اللي مسافر أسبوع
  *غير اللي مسافر شهر


• غير اللي مسافر ٤_٣ سنين


• يوم القيامة ٥٠ ألف سنة


• أنتَ جاهز ل ٥٠ ألف سنة؟

• أكتر نعم في حياتِك هي النعم اللي ربنا اداهالِك ببلاش
  • أكتر حاجة ببلاش في حياتنا هي الوقت وقتِك في الدنيا ده هتندمي عليه

• لأنه ده أكتر حاجة ربنا ادهالِك


• تقدري تستعدي بها ليوم القيامة (وُتَّزَوَدُوا)
  تعالى نفكر ازاي نخطط ليوم القيامة؟


• خطط للبعث ، خطط لمستقبلك


• خطط للبعث


• البعث ده بيتخططله ازاي؟
  مرة كان جاي دعوة تذكرة طيران هسافر في بلد ادي مؤتمر


• فنزلت من المطار مفيش حد مستنيني
  فأنا طبعًا غريب وفي بلد غريبة وأول مرة أنزلها في حياتي

• وكنت يعني قلقان جدًا إن مفيش حد مستنيني
  *لحد ما خلصت في المطار
  خارج من المطار لقيت عربية مستنياني ولقيت ناس تبع الناس اللي أنا رايحلهم مستنيني

• اطمنت اطمئنان رهيب ساعتها يا جماعة


• الموقف ده بيفكرني بيوم القيامة
  *بيفكرني بواحد غريب نازل في أرض غريبة يوم القيامة الناس جنسيات مختلفة
  وحضارات مختلفة وثقافات مختلفة وديانات مختلفة


• أنت طالع وسط مليارات مش عارف منهم حد مين اللي هيبقى مستنيك في البعث؟ هو مشكلة البعث كله الفزعة


• الرعب بتاع لحظة اليقظة في جو مش عارف فيه حد

• أنت مين اللي هيبقى مستنيك؟
  (إنَّ القرآنَ يَلقى صاحبَهُ حين ينشقَّ عنهُ القبرُ)

• القرآن بيبقى في انتظارك


• أنتَ من أصحاب القرآن؟


• يعني إيه يلقى صاحبه؟


• الاتنين الأصحاب بيبقوا رايحين مع بعض وجايين مع بعض أنتَ مصاحب القرآن؟
  أنتِ مصاحبة القرآن؟


• أنت على طول معاك مصحفك بتحفظ ، بتقرى ، بترتل


• احنا يا جماعة من أصحاب القرآن ولا مش من أصحاب القرآن؟ يبقى دي أول حاجة
  تاني حاجة : مين هيستناك؟
  اللّٰه سبحانه وتعالى يقول :
  (وَتَتَلَقَّاهُمُ الْمَلَائِكَةُ هَذَا يَوْمُكُمُ)

• الملايكة بتستناكِ ليه؟
  ⁠إيه اللي بينِك وبينها؟
  إيه اللي بينك وبين الملايكة تخلي الملايكة تستناك؟
  الرسول صلى اللّٰه عليه وسلم يقول:
  (إنَّ للمساجدِ أوتادًا ، هم أوتادُها)

• أوتاد المساجد مش عواميد الخرسانة
  ده فيه رجالة من كتر عبادتهم في المساجد


• هم دول أوتاد المساجد
  (لهم جلساءُ من الملائكةِ).
  يبقى اللي متعود يعبد ربنا سبحانه وتعالى في المسجد كتير


• اللي متعودة تعبد ربنا في مسجد بيتها
  ومكان الخلوة في بيتها كتير
  (لهم جلساءُ من الملائكةِ)
  يوم القيامة يسألوا عنهم ويتفقدوهم
  يبقى مين اللي هيستناك لحظة البعث؟


• خطط ، خططي مين اللي هيبقى في انتظارك؟


• واحد غريب في بلاد غريبة

• تخيل أنت سافرت بلد غريبة واللغة الغريبة وأنت مش عارف حد وماشي مرعوب

• طب هبات فين؟


• طب هسأل عن فندق ازاي؟


• طب أغير العملة بتاعتهم لأيه؟


• طب أغير منين صرافة؟


• طب مفيش شريحة محمول في البلد دي اكلم أهلي طمنهم إن أنا وصلت؟


• طب اتفاهم مع أهل البلد دي ازاي؟


• طب أعمل إيه؟


• أروح فين؟


• وأنت في الموقف المفزع فجآة لقيت واحد بيقولك يا محمد


• إيه دا؟
  محمد!!! هو فيه واحد عارف عربي زيي؟ هو فيه واحد عارفني؟


• إيه دا ؟
  بتبص قالك مش فاكرني


• الله! صاحبي وحبيبي اللي كان صاحب الدراسة بتاعي زمان


• قالك ده أنا بقالي ١٠ سنين هنا
  وعارف كل حاجة وعندي سكن وعندي شقة فاضية وعارف المطاعم الحلال وعارف الفنادق
  وتعالى اغير لك العملة عشان تعرف تشتري وتبيع وتعالى أجيبلك شريحة محمول عشان تعرف تطمن أهلك

• وتعالى إيه دا؟

• أهو بالظبط كده يا جماعة


• أنت دلوقت نازل غريب في بلاد غريبة يوم القيامة مين اللي هيستناك؟
  يبقى التخطيط للبعث ، البعث ده عايز تخطيط رهيب
  • لأن البعث ده فزعة بداية القيامة


• فزعة واحد تحت التراب لقى نفسه بيتكون والروح بتنفخ فيه وبيتشق القبر وبيطلع في ظلام


• وكون غير الكون وسماء غير السماء وأرض غير الأرض


• وملايكة بتقتاده وهو واحد مفزوع مين اللي هيطمنك في اللحظة دي؟


• مين اللي هيبقى في انتظارك في اللحظة دي؟ يبقى خطط للبعث
  ٢ - خطط لمستقبلك


• خطط للحشر، الحشر ده بعد البعث


• الحشر ده اللي هو أرض المحشر
  والشمس على بعد ميل من الرؤوس ، أنت عايز مظلات

• أنت يوم القيامة مفيش أولة ماية
  مفيش وقف خيري ، حد عامل كولدير في النص مفيش نقطة ماية في أرض المحشر كلها
  هتجيب ماية منين؟
  مفيش ماية غير على حوض النبي عليه الصلاة والسلام بس مصدر الماية الوحيد في يوم القيامة يبقى أنت خططت لحوض النبي ولا لأ؟


• أنتِ خططت لحوض رسول اللّٰه صلى اللّٰه عليه وسلم ولا لأ ؟ حوض النبي ده عايز تخطيط
  النبي صلى عليه وسلم يقول :
  ( لَيَرِدَنَّ علَىَّ ناسٌ من أصحابِي الحوضُ ، حتى إذا رأيتُهمْ و عَرفتُهمْ ، اخْتُلِجُوا دُونِي ، فأقولُ : يا ربِّ ! أصحابي ، أصحابي )
  يارب ده مسلمين

• كانوا مسلمين في البطاقة ومؤمنين بالله
  ( فيُقالُ لِي : إِنَّكَ لا تدرِي ما أحْدَثُوا بَعدَكَ ، فأقولُ: سُحْقًا سُحْقًا لِمَن بَدَّلَ بَعْدِي)
  يبقى مين اللي بيتطرد من على الحوض؟

• المُبتدعة
  مين اللي بيطرد من على الحوض؟

• اللي خالفوا أمر النبي عليه الصلاة والسلام

• يبقى مين أولى الناس بالنبي عليه الصلاة والسلام؟

• أهل السُنة ، أتباع السُنّة

• اللي كانوا متّبعين سُنّة النبي عليه الصلاة والسلام

• اللي كان بيلبس شيك لأن النبي عليه الصلاة والسلام كان شيك


• اللي كان بيعبد ربنا في أوراد النبي عليه الصلاة والسلام


• اللي كان بيقرأ البخاري ومسلم ويتعلم السُنّة
  علشان يعرف سُنّة النبي عليه الصلاة والسلام اللي كان بيلف حوالين علماء أهل السُنّة


• علشان يعلموه سُنّة النبي عليه الصلاة والسلام


• يبقى دول أهل السُنّة يا جماعة
  يبقى الحوض ده عايز تخطيط

• أحد إخواني شاف رؤية مرة
  إن يوم القيامة قام
  وإن هم بيجروا على حوض النبي عليه الصلاة والسلام

• فَهو طبعًا مليارات بقى بينه وبين النبي عليه الصلاة والسلام


• ده المسلمين دلوقتي مليار ونص
  وكل ٥٠ سنة هييجي مليار ونص تانيين أنتَ متخيل عدد المسلمين قد إيه؟


• فَجاي يزاحم
  لقى واحد بيقوله مش بالدراع مش بالعافية


• الموضوع مش كده ، الموضوع بالترتيب على قد قربك من سُنّة النبي عليه الصلاة والسلام
  يبقى خطط لحوض النبي


• مين أولى الناس بالنبي؟
  أكتر الناس اتباع للنبي
  يبقى إنك تبقى من أهل السُنّة

• إنك أنتَ تمشي مع علماء السُنّة
  *إنك أنتِ تسمعي فتاوي أهل العلم من علماء السُنّة إنك أنتَ تتبع سُنّة النبي عليه الصلاة والسلام يبقى ده التخطيط لحوض النبي عليه الصلاة والسلام
  طب المشكلة التانية في أرض المحشر إيه؟
  غير العطش

• الظل ، الشمس الرهيبة
  مفيش غير ٤ مظلات يوم القيامة

• يا جماعة ٤ مظلات ربّانية يوم لا ظل إلا ظله مفيش غير الظل اللي من عند اللّٰه سبحانه وتعالى

• ال ٤ مظلات ظل عرش اللّٰه
  وده له تمن سبعة بس اللي بيفوزوا بيه ظل العرش
  هم سبعة اللي بيقفوا في ظل عرش اللّٰه
  (إِمَامٌ عَادِلُ)
  كل الأئمة ، الأصل في الأئمة إنهم ظلمة


• طيب الإمام العادل ده حاجة والدنيا كلها حاجة
  (وَشَابٌّ نَشَأَ في عِبَادَةِ اللَّهِ)


• الاصل في شباب إعدادي وثانوي وبنات الجامعة إنه بيبقى بيعصي ربنا


• يبقى الشاب اللي نشأ في عبادة اللّٰه
  ← الشباب كلهم حاجة وهو حاجة
  (وَرَجُلٌ تَصَدَّقَ بِصَدَقَةٍ فأخْفَاهَا حتَّى لا تَعْلَمَ شِمَالُهُ ما صَنَعَتْ
  يَمِينُهُ)
  يبقى دخل إيده في جيبه وقام مطلع الورقة أم ٢٠٠ طلعت


• ولا الورقة أم ٢٠ طلعت ولا الورقة أم ١٠٠ دولار اللّٰه أعلم هو بيتعامل مع ربنا بلا حساب ، فربنا بيعامله بلا حساب


• الأصل إن الناس بتحسب حتى من ربنا بل بالذات مع ربنا الناس بتحسب


• هي طلعت كام؟
  ده بيتعامل مع ربنا بلا حساب يبقى كل المتصدقين حاجة وده حاجة
  (وَرَجُلٌ قَلْبُهُ مُعَلَّقٌ في المَسْجِدِ)
  رجل: هي دي الرجولة


• الناس قلبها متعلق بالنادي، متعلق بالشلة، متعلق بالمصيف


• متعلق بالفسحة، متعلق بإنه يقعد مع مراته
  متعلق بإنه يركب عربيته ويروح يشرب قهوة في حتة بعيدة


• إنما ده قلبه متعلق بالمسجد
  مستني إنه يخلص آخر لجنة في آخر السنة ويجري على بيت ربنا
  مستني إنه هو بس يخلص دروس الدعوة اللي عنده اللي بيسجلها
  علشان يجري على بيت ربنا
  مستني إنه يفضى
  (فَإِذَا فَرَغْتَ فَانْصَبْ )
  جرى على بيت ربنا
  قبل ما تخلص أشغال الدين وأشغال الدنيا اللي وراك
  (وَرَجُلٌ دَعَتْهُ امْرَأَةٌ ذَاتُ مَنْصِبٍ)
  اهي دي الرجولة يا جماعة ، هي دي الرجولة
  (وَرَجُلٌ دَعَتْهُ امْرَأَةٌ ذَاتُ مَنْصِبٍ وَجَمَالٍ إلى نَفْسِهَا، قالَ: إنِّي
  أَخَافُ اللَّهَ)
  يعني إيه امرأة ذات منصب وجمال؟
  يعني تليفزيون راكب دركسيون

• امرأة ذات منصب وجمال يعني واحدة جميلة وعندها مركز هم دول حد بيقولهم لأ

• خد بالك دعته في قول من الأقوال ولو كان بسيط دعته لزواج مرضاش يتجوزها ليه؟!!!


• أنا معنديش وقت ، أنا لو حتى هتزوج هتزوج زواج على قدي

• علشان أفضى أنا وزوجتي للدار الآخرة

• إنما اللي بالمنظر ده : هتقولي فسحني وأكلني وشربني وخرجني


• ولبسني واصرف عليا و...و...و...

• أنا مش قد ده أنا بتجوز بواقعية


• أنا اختيارات حياتي كلها بناءًا على إني صاحب رسالة

• أنا بتزوج جواز صاحب رسالة
  • أنا بودي ولادي مدارس لأن دول ولاد صاحب رسالة


• فبختار مدارس تنشآهم دينيًا

• أنا بختار مكان سكني جنب بيئة الإيمان الدعاة والصحبة الصالحة لإني صاحب رسالة
  أنا كل اختيارات حياتي شغلي وظيفتي


• بقبل عقد عمل أو برفضه لأني صاحب رسالة
  (وَرَجُلٌ ذَكَرَ اللَّهَ)
  بردوا رجل ، هي كلها رجولة
  (وَرَجُلُ ذَكَرَ اللَّهَ في خَلَاءٍ فَفَاضَتْ عَيْنَاهُ)


• الأصل إن الناس بتعيط وهي في وسط صحابها وهي في المسجد

• إنما واحد بيعيط لوحده ده مخلص أوي
  بيبقى العُباد كلهم حاجة وده حاجة
  يبقى مين اللي بيقفوا في ظل عرش اللّه؟
  " ما أنت لازم تخطط
  يا جماعة الناس هتبقى واقفة يوم القيامة في الشمس


• اشمعنا أنتِ اللي تقفي في الظل ؟


• اشمعنا أنتِ اللي تقفي في المظلات الأربعة ؟ اللي عايز يتميز عن غيره لازم يبقى متفرد
  كما قال النبي عليه الصلاة والسلام:
  (سَبَقَ المُفَرِّدُونَ)
  الناس المتفردة عن غيرها


• الناس اللي عاملت ربنا معاملة غيرهم كلهم يبقى السبعة اللي بيقفوا في ظل عرش اللّٰه دول مين؟ اللي الدنيا كلها كانت بتعامل ربنا معاملة ودول معاملة تانية
  ( سَبْعَةٌ يُظِلُّهُمُ اللَّهُ يَومَ القِيَامَةِ في ظِلِّهِ، يَومَ لا ظِلَّ إِلَّا ظِلُهُ: إِمَامٌ عَادِلٌ، وَشَابٌ نَشَأَ في عِبَادَةِ اللَّهِ، وَرَجُلٌ ذَكَرَ اللَّهَ في خَلَاءٍ فَفَاضَتْ عَيْنَاهُ، وَرَجُلٌ قَلْبُهُ مُعَلَّقٌ في المَسْجِدِ، وَرَجُلَانِ تَحَابًّا في اللَّهِ، وَرَجُلٌ دَعَتْهُ امْرَأَةٌ ذَاتُ مَنْصِبٍ وَجَمَالٍ إلى نَفْسِهَا، قال: إنّي أَخَافُ اللَّهَ، وَرَجُلٌ تَصَدَّقَ بِصَدَقَةٍ فأخْفَاهَا حتَّى لا تَعْلَمَ شِمَالُهُ ما صَنَعَتْ يَمِينُهُ)
  كلها علاقاتها في المصالح دول علاقتهم في اللّٰه


• تميز عشان تقف في ظل عرش اللّٰه يوم القيامة


• يبقى ده أول تخطيط للظل يوم القيامة


• اللي هي المظلة الربانية والمقصورة الملكية ظل عرش اللّٰه
  المظلة التانية يوم القيامة: ظل الصدقة
  (كلُّ امري في ظلِ صدقتِه حتَّى يُقضى بينَ النَّاسِ)
  يبقى تخطط ازاي إنك أنت تضلل يوم القيامة؟


• ومالكش دعوة بشمس القيامة اللي بتغلي منها الرؤوس


• الصدقة: خلي ليك صدقة يومية ولو جنية


• خلي ليكِ ١٠٪ من دخلك ولا ١٥٪ ولا ٢٠٪ ولا ٥٪ صدقات من أي فلوس جاتلك قليلة أو كتير طلعوا صدقات يا جماعة عشان ديَّ ضُليلة يوم القيامة
  المظلة الربانية التالتة يوم القيامة


• مظلة سورة البقرة وآل عمران ، المظلة القرآنية
  (سُورَةُ البَقَرَةِ، وآلُ عِمْرانَ، وضَرَبَ لهما رَسولُ اللٰهِ صَلَّى اللَهُ عليه وسلَّمَ ثَلاثَةَ أمْثالٍ ما نَسِيتُهُنَّ بَعْدُ، قالَ: كَأنَّهُما غَمامَتانِ، أوْ
  ظُلَّتانِ )
  سحابتين كده مظللين الإنسان اللي واقف في أرض المحشر يبقى القران القران هيضللك يوم القيامة


• علاقتك بالقرآن إيه؟
  هيُظلِلِك يوم القيامة
  علاقتِك بالقران إيه؟


• عيشي في ظلال القرآن في الدنيا
  عشان تعيش في ظلال القران ٥٠ ألف سنة يوم القيامة يبقى القرآن ده عايز إنسان يعيش في ظلاله
  *عشان يستظل بظل البقرة وآل عمران يوم القيامة
  المظلَّة الرباني الرابعة يوم القيامة :
  اللي هي حوض النبي عليه الصلاة والسلام يبقى دي المظلات دي المظلات
  لازم تخطط لمستقبلك ، لازم تخططي للحشر صح


• لازم تخططي لوقفة
  مشاكل الحشر إيه؟
  ← العطش


• قُلنا خططي لحوض النبي عليه الصلاة والسلام :


• باتباع رسول اللّٰه واتباع علماء السُنة
  واتباع أحكام الحلال والحرام من لسان علماء السُنة
  ← المشكلة التانية: الحر الرهيب
  يبقى خطط للمظلات الأربعة يوم القيامة تميز سبق المفردون الإنسان المتفرد
  النقطة التالتة في مشاكل الحشر إيه؟


• الوحدة هقف مع مين؟
  ما هو ربنا بيقول :
  (فَإِذَا النُّفُوسُ زُوِّجَتْ)
  يبقى لازم تخطط
  أنت عبادتك توقفك بين العُباد ساعة الحشر ؟


• أنتِ دعوتك إلى اللّٰه توقفك مع الدعاة ساعة الحشر؟


• أنت جهادك في سبيل اللّٰه يوقفك مع المجاهدين ساعة الحشر؟


• أنتِ طلبك للعلم يوقفك مع العلماء ساعة الحشر؟

• أنت هتقف مع مين ؟


• أنت هتقعد مع مين ؟
  الرسول عليه الصلاة والسلام يقول :
  (المَرْءُ مع مَن أحَبَّ)
  مين حبايبك؟

• مين أهل الطاعة؟
  مين الزمرة اللي تدخل معاها الجنة؟
  وحتى الجنة :
  (وَ سِيقَ الَّذِينَ اتَّقَوْا رَبَّهُمْ إِلَى الْجَنَّةِ زُمَرًا)

• فرق ، شلل
  إيه الشلة اللي هتدخل بها الجنة؟ لازم تدوري على شلة
  • اوعي تعيش لوحدك
  محدش بيدخل الجنة لوحده
  غير اللي بيدخلوا في الآخر كل الأوائل شلل ، مجموعات

• ناس تعاونت مع بعض علشان تصل إلى اللّٰه سبحانه وتعالى


• فين شلتك؟


• فين مجموعتك؟


• فين الناس اللي أنت هتأنتم معاها في أرض المحشر واللي هتدخل معاها الجنة ؟
  الرسول عليه الصلاة والسلام يقول:
  (لَيَدْخُلَنَّ الجَنَّةَ مِن أُمَّتي سَبْعُونَ ألْفًا، أوْ سَبْعُ مِئَةِ ألْفِ - لا يَدْرِي أبو حازِمٍ أيُّهُما قالَ - مُتَماسِكُونَ)
  داخلين الجنة كدا عملين مظاهرة إيد واحدة ، إيد واحدة كانوا إيد واحدة في الطاعة في الدنيا فبقوا إيد واحدة في الدخول للجنة يوم القيامة
  يبقى :
  ١. خططت للبعث
  ٢. خطط للحشر
  ٣. خطط لظل عرش اللّٰه والمظلات الربانية
  ٤. خططٍ لحوض رسول اللّٰه صلى اللّٰه عليه وسلم


• خططوا يا جماعة ليوم القيامة
  يوم القيامة دا تزودوا ٥٠ ألف سنة رحلة طويلة وكل مرحلة من مراحل يوم القيامة
  عايزة تخطيط غير المرحلة الثانية
  ← الجنة عايزة تخطيط

• النجاة من النار عايزة تخطيط

• اوعى تبقى عشوائي في السير إلى اللّٰه كيف نخطط لدخول الجنة استراتيجيًا؟


• أحق ما يُستخدم في علوم التخطيط الاستراتيجي هو يوم القيامة أحق ما يستخدم في علوم الاستراتيجيات والتكتيكيات
  هو يوم القيامة


• اوعى تبقى عشوائي في دينك ، اوعى تعيشها سبهللة كدا
  ← لازم تعرف إن النجاة في الاخرة ليها سُنن زي ما رزق الدنيا له سُنن وزي ما النجاح في الدنيا له سُنن


• التفوق الديني له سُنن
  خطط لتطاير الصحف
  ← أخطط لتطاير الصحف ازاي؟!


• إنك تعمل أعمال صالحة فتاخد كتابك بيمينك
  مش بس كدا


• على فكرة أول ما هتمسك صحيفتك


• أول عمل هتبص عليه هو آخر عمل


• أول عمل هتبص عليه هو آخر عمل هتموت عليه


• ليه؟
  لإن الرسول عليه الصلاة والسلام قال:
  (وإنَّما الأعمالُ بالخواتيمِ)
  (إنَما): أقوى أداة قصر في اللغة
  ( الأعمال): اللي أنت عملته طول حياتك
  (بالخواتيم)
  عشان كدا حبيب اللّٰه محمد عليه الصلاة والسلام يقول :
  (إنَّ الرَّجُلَ لَيَعْمَلُ الزَّمَنَ الطَّوِيلَ بِعَمَلِ أَهْلِ الجَنَّةِ)
  يعني قدام الناس زي الفل
  بس هو حقيقةً بينه وبين ربنا مش حلو
  (ثُمَّ يُخْتَمُ له عَمَلُهُ بِعَمَلِ أَهْلِ النَّارِ)
  خلاص بينه وبين الجنة خطوة
  يعني هو إنسان كان حلو قدام الناس

• ولكن عنده عيوب ورواسب جانبية مابيصلحهاش

• قبل ما يموت العيوب دي طلعت عليه عصى اللّٰه مات على المعصية مفاجأت مفاجأت يبقى لازم تخطط للخاتمة
  ما دام الخاتمة مهمة أوي في تطاير الصحف كدا وما دام أهم عمل في حياتِك هو آخر عمل في حياتِك


• نسأل اللّٰه حسن الخاتمة


• نسأل اللّٰه حسن الخاتمة
  يبقى لازم تخطط للخاتمة


• هخطط للخاتمة ازاي؟
  أنا عارف هموت فين ولا امتى ولا ازاي؟

• ما هو بقى قضت رحمة اللّٰه أن من عاش على شئ مات عليه يبقى أنت عايز تموت على إيه؟

• اللي أنت عايز تموت عليه عيش عليه بس يبقى ده التخطيط للخاتمة
  وبناء عليه التخطيط ليوم القيامة والتخطيط لتطاير الصحف


• أنت عايز تموت على لا إله إلا اللّه؟


• عيش على لا إله إلا اللّٰه أنتِ عايزة تموتِ على الذكر؟ عيش على الذكر
  أنت عايز تموت على الدعوة؟
  عيش على الدعوة ليل نهار


• أنتِ عايزة تموتِ على حجاب أمهات المؤمنين؟ عيشِ عليه وعلى العفاف وعلى عدم الاختلاط


• أنت عايز تموت على الأخلاق والأعمال الخيرية؟
  عيش عليها


• الموضوع بسيط يا جماعة
  اللي أنت عاوز تموت عليه عيش عليه
  ومن مات على شئ بُعث عليه
  يبقى من التخطيط للبعث
  كل واحد بيطلع يوم القيامة عليه طاعته أو معصيته


• اللي كان متجوز اتنين وظالم واحدة يبعث ملووح مائل على شق


• اللي مات ملبي فى الحج يُبعث يلبي


• اللي مات شهيد له شكله
  اللي ماتت متبرجة تبعث على ما ماتت عليه من ثياب طالعة يوم القيامة من تحت القبر ب الاسترتش والبدى والتونيك

• والسبانش والميك أب والكعب العالى والإكسسوريز والبرفان
  طالعة يوم القيامة بالفل ميك أب (full make up) بتاعها من مات على شئ فى هنا طاعة أو معصية

• القصة هنا مش قصة حفاة عراة بس


• القصة هنا كما ثبت عن النبى صلى اللّٰه عليه وسلم عليه أفضل الصلاة من رب العالمين إلى يوم الدين يبقى أنت هتخطط للحظة البعث ازاي؟ أنت هتموت على إيه؟


• اللي أنت هتموت عليه هتُبعث عليه طب أنا ازاي اخطط لخاتمتي؟
  إنك أنت تعيش على اللي أنت عاوز تموت عليه

• أنا عاوز أموت على الدعوة إلى اللّٰه نفسى أموت وأنا بتكلم عن ربنا

• نفسى أموت وأنا بتكلم عن رب العرش الكريم


• سبحان اللّٰه أشرف موتة موتة الأنبياء عليهم الصلوات والسلام من رب العرش الكريم سبحانه وتعالى
  يبقى الحل إيه؟
  عيش على الدعوة إلى اللّٰه ، عيش على الدعوة
  *تدخل موسوعة جينيس في الأرقام القياسية
  *لأكثر واحد اتكلم عن ربنا في الدنيا
  رحمة ربنا تُبعث وأنت تتكلم عن رب العرش العظيم وتموت وأنت تتكلم عن رب العرش العظيم
  *تستلقى صحيفتك يوم القيامة


• أول عمل تبص عليه اللى هو الخواتيم تلاقيه مات على الدعوة إلى اللّٰه


• مات وهو يتكلم عن اللّٰه ، مات شهيدًا في سبيل اللّٰه وهو يتكلم عن رب العرش العظيم ويدعوا إلى اللّٰه سبحانه وتعالى يا إخواننا يوم القيامة يوم كبير والتخطيط له تخطيط كبيرواحنا وقفنا الوقفة دي النهاردة: مع ازاي تاخد قرار؟ خدي قرار احنا في رمضان
  ← احنا بنتكلم على علامات الساعة احنا بنتكلم على العلامات الصغرى والكبرى
  لو مخدتش قرار دلوقت هتاخده امتى ؟
  لو مخطتيش لمستقبلك وأنتِ بتسمعي عن أشراط الساعة الكبرى لو ما خططتش لمستقبلك وأنت في أكتر لحظة يقظة في حياتك


• لأنك أنت بتتذكر علامات الساعة وتتذكر يوم الفزع الأكبر !
  هتخطط امتى؟ وهتشتغلي امتى ؟ وهتفوقي امتى ؟ يلا يا اخوانا يلا يا جماعة
  (وَدّوا لَو تُدهِنُ فَيُدهِنونَ )
  الملتزم لما يبقى مدهن زي الدهانات المايعة

• لما بيبقى مايع في دينه الدنيا كلها بتبقى مايعة

• أنت لازم تحسم
  (فَلَمَا فَصَلَ طالوتُ بِالجُنودِ)
  لازم تأخذ قرار فاصل ، لازم تفصلي للدين
  • لازم تفصل للطاعة
  وإلا لو ما فصلتش واحنا بنتكلم عن يوم الفزع الأكبر


• هتفصل امتى؟
  وهتاخد قرار امتى ؟


• نكمل التخطيط لمستقبلنا بكرة إن شاء اللّٰه


• عشان نستأنف رحلتنا بقى في الكلام


• عن العلامات الصغرى والعلامات الكبرى بإذن اللّٰه


• اللهم قنا عذابك يوم تبعث عبادك


• اللهم قنا عذابك يوم تبعث عبادك


• اللهم إنا نسآلك حسن الخاتمة


• اللهم ارزقنا الشهادة في سبيلك ونحن ندعو إليك ونتكلم عنك


• اللهم استعملنا ولا تستبدل بنا


• اللهم أحينا على الدعوة إليك وأمتنا على الدعوة إليك


• اللهم احشرنا في زمرة الحبيب محمد صلى اللّٰه عليه وسلم


• اللهم احشرنا تحت لوائه


• اللهم إنا نسألك الفردوس الأعلى ونستجير بك من النار


• اللهم إنا نسألك الفردوس الأعلى ونستجير بك من النار


• اللهم إنا نسألك الفردوس الأعلى ونستجير بك من النار


• سبحانك اللهم وبحمدك أشهد أن لا إله إلا أنت


• استغفرك وأتوب إليك


• جزاكم اللّٰه خيرًا