Lakhasly

ايوه يا كاريمان ⁃ = ايوه …. ⁃ انا ايمان مرات هشام! هشام اللي انت ماشيه معاه ! = افندم ؟ هو ايه اللي انت بتقوليه ده؟ ⁃ اسمعي! صدقيني انا مش مكلماكي عشان كده ! انا فعلا عندي مشكله اكبر من علاقتكم بكتير! = يا مدام ايمان يا ريت تهدي و تعقلي كده! الكلام اللي بتقوليه ده… ⁃ يا بنتي اسمعيني ! انت متخيله انك اول واحده ؟ متخيله انك اخر واحده ؟ انا حقيقي عندي مشكله اكبر من كده بكتير! ⁃ اووووف! كاريمان ! ركزي معايا لو سمحتي! عارفه عربيه هشام ؟ العربيه السبورتاج اللي طلبت منه يجيبها سلفر و جابها ازرق عشان ده اللون اللي انت اخترتيه ! و قالي اصل السلفر مش متوفر و لما يجي هتبقي اغلي عشر الاف جنيه ! و قعدتوا تضحكوا اني صدقت؟ = ااااا! انا…. ⁃ يا بنتي انا عارفه كل حاجه امال انا جيبت رقمك منين ؟ الشات بتاعكم مفتوح قدامي ! قوليلي بس عشان حقيقي في عندي مشكله اكبر بكتير من الحوارات دي …. انت كنتي راكبه معاه يوم السبت اللي فات ؟ = انت شاكه انه يعرف حد تاني؟ ⁃ يا بنتي ما يعرف تاني و الا تالت هو انا ماسكه السجل المدني في مدينه نصر يعني ؟ انا بسألك لاني عندي مشكله و حقيقي محتاجه رد صريح منك! = احم! ايوه انا كنت معاه…. هو وصلني ل…

⁃ الو …. ايوه يا كاريمان
⁃
= ايوه …. مين معايا؟
⁃ انا ايمان مرات هشام! هشام اللي انت ماشيه معاه !
= افندم ؟ هو ايه اللي انت بتقوليه ده؟
⁃ اسمعي! صدقيني انا مش مكلماكي عشان كده ! انا فعلا عندي مشكله اكبر من علاقتكم بكتير!
⁃
= يا مدام ايمان يا ريت تهدي و تعقلي كده! الكلام اللي بتقوليه ده…
⁃ يا بنتي اسمعيني ! انت متخيله انك اول واحده ؟ متخيله انك اخر واحده ؟ انا حقيقي عندي مشكله اكبر من كده بكتير!
= يا مدام ايمان انا ماليش علاقه ب هشام جوزك!
⁃ اووووف! كاريمان ! ركزي معايا لو سمحتي! عارفه عربيه هشام ؟ العربيه السبورتاج اللي طلبت منه يجيبها سلفر و جابها ازرق عشان ده اللون اللي انت اخترتيه ! و قالي اصل السلفر مش متوفر و لما يجي هتبقي اغلي عشر الاف جنيه ! و قعدتوا تضحكوا اني صدقت؟
= ااااا! انا….
⁃ يا بنتي انا عارفه كل حاجه امال انا جيبت رقمك منين ؟ الشات بتاعكم مفتوح قدامي ! قوليلي بس عشان حقيقي في عندي مشكله اكبر بكتير من الحوارات دي ….. انت كنتي راكبه معاه يوم السبت اللي فات ؟
= انت شاكه انه يعرف حد تاني؟
⁃ يا بنتي ما يعرف تاني و الا تالت هو انا ماسكه السجل المدني في مدينه نصر يعني ؟ انا بسألك لاني عندي مشكله و حقيقي محتاجه رد صريح منك!
= احم! ايوه انا كنت معاه…. هو وصلني ل…
⁃ لا ما هو انا مش رادار الدائري عشان اهتم وصلك فين و كان ماشي علي سرعه كام ! انت اليوم ده عزمك علي اكل و اكلتوا في العربيه؟
= ايوه فعلا هو علي طول بيعمل كده ! بيخاف يعزمني في مطعم لحسن حد يشوفنا و يبلغك !
⁃ لا هو مش بيخاف اني اعرف هو بيخاف علي جيبه ! هشام معفن عادي فا بالنسبه له ساندوتشين شاورما و خلصنا بدل قعده و مكان معروف و ماين ديش و ديسيرت ! المهم ! اليوم ده جاب لكً كان كوكا زيرو صح ؟
= انت ازاي عرفتي ….
⁃ يا بنتي انت متخيله اني ههاجمك ؟ او اني هبقي جادجمينتال بقي و اقول انك بتاكلي جانك فوز و جمبه كوكا زيرو؟ صدقيني انا عندي مشكله اكبر من كده بكتير !
= ايوه انا شربت كوكا زيرو!
⁃ انت نسيتي الكان الفاضي في العربيه. لما ركبتها امبارح شفت الكان . لقيت اثر روج عليها …. اللون فعلا مميز و لما مسحته اكتشفت ان دي درجه بدور عليها بقي لي فتره …..
= !!!!!!!
⁃ ممكن تقولي لي النوع و الدرجه ؟ او ابعتي لي صوره الليب ستيك علي واتس الرقم ده .
= ده بجد ؟
⁃ ايوه يا بنتي ! هو انت متخيله اني مكلفه نفسي و متصله بيكي ليه ؟ انا بقي لي كتير بدور علي الدرجه دي في كل حته مش لاقياها ! ده انت ربنا بعتك نجده ليا!
= حاضر هبعت لك صوره الليب ستيك علي الواتس
⁃ ميرسي يا كوكي ! يالا باي !
= باي