Lakhasly

يعني كل التفاصيل اللي انا متعودة عليها رح تروح ، رح اعمل انا تفاصيل جديدة لحياتي قعداتنا سهراتنا رح تكون غير. ورح اكون بالايام الجاي ضيفت اهلي. رح اشتاق لتختي لصوت امي الصبح وكاسة النسكافيه من تحت ايدها، رح اشتاق لبابا اللي كل ليلة يجي يفقدنا فيها اذا متغطيين ويصحينا الصبح بطريقتوا الحلوة والحنونة على المدرسة او الجامعة ، رح اشتاق لمقاتلاتي انا وخواتي عالاشياء الفاضية وضحكاتنا، ، رح اشتاق لكل اشي بالبيت اللي كبرت فيه. رح ابطل البنت الصغيرة رح تكبر المسؤوليات. بكل موقف بصير بخطر ببالي انه خلص رح اطلع من هالبيت لافتح بيت لحالي صعبه طلعة البنت من بيت اهلها حتى لو زوجها شايلها بين عيونه وحب الاهل ما بتعوض بكنوز الدنيا كلها لما يقرب يوم عرسك ومن قبل بشهر كل مشاعرك بتتخربط مشاعر الحنين لقعدات العيلة غرفتك ، حتى القعدة الي كنتي تسهريها مع اهلك ، وكاسة الشاي، مرقت ٢١ سنة وانا افكر كل هالاشياء عادية هلاء وقبل فترة من عرسي هالاشياااء عم بتعنيلي الحياة. رح ابدا حياتي ببيت جديد مع شريك جديد وعيلة جديدة ببدا مع اشياء انا لسى ما تعودت عليها قبل عرسك بتحسي بقيمة الحب والحنان والاحترام والامان والحرية الي تقدمولك خلال حياتك بدون ما تطلبيهم كبروا معك صاروا جزء من شخصيتك الزواج مش اشي سهل ومش خطوة بنعملها لما نزهق من العزوبية. بالزبط باليوم الي بتضبي فيه اواعيكِ واغراضك وبتحكي هاي بحتاجها وهاي متعودة عليها وهاي ضرورية بتحسي انك مسافرة.

اخر اسبوع ببيت اهلي .. يعني كل التفاصيل اللي انا متعودة عليها رح تروح ، رح اعمل انا تفاصيل جديدة لحياتي قعداتنا سهراتنا رح تكون غير..🥺ورح اكون بالايام الجاي ضيفت اهلي..رح اشتاق لتختي لصوت امي الصبح وكاسة النسكافيه من تحت ايدها،رح اشتاق لبابا اللي كل ليلة يجي يفقدنا فيها اذا متغطيين ويصحينا الصبح بطريقتوا الحلوة والحنونة على المدرسة او الجامعة ،رح اشتاق لمقاتلاتي انا وخواتي عالاشياء الفاضية وضحكاتنا، ، رح اشتاق لكل اشي بالبيت اللي كبرت فيه..رح ابطل البنت الصغيرة رح تكبر المسؤوليات..
بكل موقف بصير بخطر ببالي انه خلص رح اطلع من هالبيت لافتح بيت لحالي 💔

صعبه طلعة البنت من بيت اهلها حتى لو زوجها شايلها بين عيونه💛 وحب الاهل ما بتعوض بكنوز الدنيا كلها 💜
لما يقرب يوم عرسك ومن قبل بشهر كل مشاعرك بتتخربط
كل مشاعرك بتتحرك
مشاعر الحب تجاه اهلك
مشاعر الحنين لقعدات العيلة
مشاعر اللوعة الي حتكون لخواتك اللي ربيتي معهم
حاسه بغصه انو رح افتقد جمعتهم 😫

بيتك ،غرفتك ،تختك، حتى القعدة الي كنتي تسهريها مع اهلك ،وكاسة الشاي، ومقاتلات ايام الجمعة، وكنكنة الشتا..كله بتحسي اله قيمته عندك❤❤
مرقت ٢١ سنة وانا افكر كل هالاشياء عادية هلاء وقبل فترة من عرسي هالاشياااء عم بتعنيلي الحياة..
رح ابدا حياتي ببيت جديد مع شريك جديد وعيلة جديدة ببدا مع اشياء انا لسى ما تعودت عليها🙈
قبل عرسك بتحسي بقيمة الحب والحنان والاحترام والامان والحرية الي تقدمولك خلال حياتك بدون ما تطلبيهم كبروا معك صاروا جزء من شخصيتك ❤🌷
بترجعي لورا بتتزكري خطوات حياتك كل خطوة اثبت واحلى من الثانية بس ولا اشي رهبته بتكون زي الزواج
الزواج مش اشي سهل ومش خطوة بنعملها لما نزهق من العزوبية👌..بالزبط باليوم الي بتضبي فيه اواعيكِ واغراضك وبتحكي هاي بحتاجها وهاي متعودة عليها وهاي ضرورية بتحسي انك مسافرة..
بس هالسفرة ما الها رجعة ..😭😭
وعارفة انك رح ترجعي زيارة مو إقامة..

المشاعر بهاي الفترة ما بتقدري توصفيها بكلمة لأنه كلمات الوصف بتطلع بسيطة قدامها
حب❤️ خوف😶 أمل🧐 حنين🙈 وجع😭 مسؤولية
أهلي وخواتي شكراً ع كل اشي بالحياة
شكرا لربنا اولا لأنه خلقني بينكم..
بابا حبيبي يا سندي وعمري وأملي وكل اشي الي
و ماما الحلوة الحنونة
واختي لين واخي ايمن اللي رح استفقد كل اشي معكم حتى المقاتلات والنكشات رح استفقدهم الله يحميكم وينجحكم بحياتكم ويخليلي اياكم🥰
بعد شهر راح يطلعوني طلعة عروس من هالبيت عمري ما حبيت اشوف طلعة عروس بحس قلبي بتوجع ع البنات هلأ اجى دوري..
الله يجعلنا قد الحِمل والأمانة الجاي 🤲❤