Lakhasly

يلفت الكاتب الانتباه إلى أهمية الحركة الدائمة في الكون، مُقارناً ذلك بسكون الإنسان الذي يُعتبر مرضاً. فالحركة ضرورية للحياة، سواءً في التفكير أو العضلات أو القلب، حتى الماء الراكد يفسد. رغم حب الراحة، إلا أن التوقف مُضر، بينما الحركة تُحسّن الصحة وتُعدّ بركة وعلاجاً. يُناقض الكاتب اختراع وسائل الراحة التي زادت الأمراض، بأوامر الدين بالصلاة وقراءة القرآن والعلم، مؤكداً أن حتى الحروف في التجويد ليست ساكنة تماماً.

في التجويد الحروف الساكنه بيتحطلها قواعد ودا لفت انتباهي لشئ متكرر فى الدين

الا وهو ان مينفعش حاجه تقف !
الكون كله بيتحرك
مفيش حاجه لابتقف ولا بتمل
لا شمس ولا دوران الأرض ولا أمواج البحر......
عدا الإنسان ليه حرية الاختيار يا يقف يا يتحرك .
ولكن المدهش ان اى توقف مضر ويعتبر مرض احيانا
مثلا،قلة الحركة مميته في اي حاجه:
في التفكير يعتبر جنون
في العضلات يعتبر ضمور
في القلب يبقي موت
حتي في حركة المية لو وقفت تبقي ضاحلة وراكدة.

مع زعمنا اننا بنحب الراحة الا اننا منقدرش منشتغلش منتحركش منقدرش نقف عن أي حاجه .

الحركة للجسم بتجري الدم وبتوزع الأكسجين بشكل احسن ودا يخلى الإنسان يعيش بصحه افضل.

صدق من قال الحركة بركة
الحركة هي العلاج لكل حاجه

باختراع اشياء تريح البني آدم بقي عنده أمراض اكتر ومكتئب.

في حين ان ربنا أمرنا نقوم من النوم نصلي الفجر
وفي عز الشغل نصلي الظهر
وفي عز الغفلة نصلي العصر والمغرب
وفي عز الإرهاق نصلي العشا
وفي أي حال انت عليه هتقوم وتصلي وهتذكر ربنا
وهتقرا قرآن
ومأمورين بالعلم وبالتدبر يعني نشغل دماغنا
حتي الحروف مش ساكنه.....

بقلم تقي عبد الرحمن
مراجعة مايسه