Lakhasly

ما تيجي اصدمك وأقول لك حقيقة بابا نويل. وخلينا قبل ما نبدأ نسأل أسئلة مهمة. وليه المسيحيين بيحتفلوا بوجوده؟ ومين اللي في الصورة دا أصلًا؟ أصل يا صديقي الحكاية كبيرة جدًا ولها أصل تاريخي مسيحي كبير، ولازم تكون عارفها، وماينفعش تكون بتحتفل بوجوده من غير ما تكون عارف. وأنا النهاردا هكون حيادي، وهعرض لك الحكاية بهدوء من بدايتها لنهايتها، لحد ما تطورت ووصلت لنا بشكلها الحالي وبقت بابا نويل أو سانتا كلوز، بس أنا عاوزك تركز معايا جدًا، يلا بينا. وكانوا كُبار في السن وعواجيز. بيكبر القديس (نيقولاس) وبيترهبن في سن الـ19، في كنيسة ابن عمه هو اللي كان مسئول عنها. حسب الكتب المسيحية معجزات القديس (نيقولاس) مكنتش بس في إنه اتولد من أب وأم عواجيز، بقى بيقدر من خلال آيات في الإنجيل إنه يشفي المرضى، أبوه وأمه بيتوفوا، وبيسيبوا له ثروة كبيرة، بيلاقي راجل بيفقد كل فلوسه لدرجة إنه مش قادر ياكل ويشرب، وبيكون عنده 3 بنات، فبيقرر الراجل يشغلهم في أعمال مشبوهة، فالراجل بيلاقيه وبيفرح وبيجوز بيه البنت الكبيرة. وفي التالتة الراجل فضل سهران بيراقب، وفي يوم بيحلم القديس (نيقولاس) بشخص بيشاورله على كرسي شبه كرسي العرش وملابس لامعه وبيقول له: "البس هذه الحلة واجلس على هذا الكرسي". عرف القديس إنه هيبقى أسقف مدينة ميرا. ولو متعرفش يعني إيه أسقف، فهي أعلى رتبة في الكهنوتية المسيحية، مش بس كدا، اتقل، دا كمان قبل ما ينتخبوا الأسقف، بيظهر "ملاك الرب" والمقصود بيه ملاك من السما بيرسله ربنا، وبيقول له إن اللي يستحق يكون أسقف هو القديس (نيقولاس)، وبيعينوه أسقف. طيب إيه علاقة كل دا ببابا نويل أو سانتا كلوز؟ إنتَ مستعجل على إيه؟ وكان بيسجن المسيحيين المؤمنين علشان خرجوا عن عبادة الأوثان، ومبيُصابش بأي خدش، وبيفضل في السجن ثابت وقوي لحد ما الملك (دقلديانوس) مات وبيخرج القديس (نيقولاس) تاني من السجن. في الوقت دا كان فيه قديس اسمه (أريوس)، بيقولوا إنه كان عامل بدعة وبيحاول يخرج الناس من المسيحية اللي همَ كانوا عليها، مش هنتطرق لـ(أريوس) علشان فيه أقاويل إنه كان بيغير الأشياء الخطأ في المسيحية وبيرجع لتعليمات المسيح الصحيحة، اللي لازم تعرفه إن البدعة دي بالنسبة للمسيحيين عي كـ* ـفر، و(أريوس) في المسيحية كافـ* ـر، فقرر الأساقفة إنهم يناظروه في حاجة اسمها مجمع نيقية، وفي المناظرة (نيقولاس) اتضايق من كلام (أريوس) وضربه بالقلم، فالأساقفة جردوه من رتبته وحبسوه علشان مقدرش يتمالك نفسه، ولكن السيد المسيح ظهر له تاني في السجن وخرجه منه. خرج منها أرواح شريرة وشياطين قدامه وهربوا لما شافوه. بيقول لك كمان من معجزاته إن كان فيه سياف بيقطع رؤوس المحكوم عليهم بالإعدام، وبعدين اتحرك السياف واعترف باللي كان هيعمله قدام الناس كلها كأنه منوم مغناطيسي. فصلوا وهما في السجن يطلبوا منه الشفاعة، حسب المتداول في كتب المسيحيين، إن القديس (نيقولاس) كان بيعطف على الفقراء، وخصوصًا الأطفال، وكان معروف بقى بالمعجزات والشفاعة والكلام دا كله، وبدأوا في الأعياد يتبادلوا الهدايا باسمه، خصوصًا يوم 6 ديسمبر. ومع الوقت، ودي كلمة فرنسية معناها أب الميلاد. واتغير ميعاد الاحتفال لـ25 ديسمبر. مع مرور السنين، واللي يقول من فنلندا لأن فيه قرية هناك اسمها بابا نويل بيروجوا ليها سياحيًا إنها مكان ولادة بابا نويل، وبيزورها 75 ألف طفل كل سنة. وأمريكا بتظهر بعد ما بيتم احتـ* ـلال الأرض من الهنود الحمر أو السكان الأصليين، وبيقول لك إن الاحتفال ببابا نويل بدأ ينتشر هناك بسبب المسيحيين البروتستانت الهولنديين، والأول كان اسمه احتفال القديس (نيقولاس)، بالإنجلش "Saint Nicholas"، لحد ما بقى اسمه (سانتا كلوز). لحد الوقت دا مكنش فيه تصور معين لبابا نويل، وبدأت الناس تربط الشكل دا في أذهانهم بسانتا كلوز، ولكن لحد دلوقتي مكنش فيه تصور صريح أو رسم واضح ليه. سنة 1881م الرسام الأمريكي (توماس نيست) في جريدة اسمها "هاربرس" بيرسم أول كاريكاتير لبابا نويل، ومع الوقت بقى دا الشكل الرسمي لبابا نويل، وكانوا بيركبوه حمار، ولكنهم طوروه وبقى يركب العربية اللي بيجرها حيوان الرنة. والحكاية بتقول إن بابا نويل بيرمي هدايا من فتحة الدفاية للأطفال من غير ما يشوفوه زي ما كان بيعمل القديس (نيقولاس) مع اللي بيساعدهم. وفي مصر بابا نويل بقى رمز بيُحتفل بيه في الكنائس برأس السنة، وإنتَ دلوقتي بقيت عارف الحكاية، حكاية القديس (نيقولاس) اللي عنده معجزات كتير جدًا تكاد تفوق معجزات الأنبياء. فيا صديقي، إن بابا نويل اللي بتحتفل بيه دا، بيُمثل قديس وأسقف مسيحي اسمه (نيقولاس)، وعمل معجزات عجيبة تتجاوز الأنبياء، وكان بيشفي المرضى وبيبارك الطعام فيزيد، وكان بيطرد الشياطين، وكان مؤمن جدًا بإن المسيح هو الله وبيعبده عبادة كاملة، قُلۡ هُوَ ٱللَّهُ أَحَدٌ (1) ٱللَّهُ ٱلصَّمَدُ (2) لَمۡ يَلِدۡ وَلَمۡ يُولَدۡ (3) وَلَمۡ يَكُن لَّهُۥ كُفُوًا أَحَدُۢ (4)) دا اللي مذكور في الكتب، ودا المفروض اللي إنتَ بتحتفل بيه بدون ما تعرف، وممكن تجيبه وتدخله بيتك أو تتصور مع تمثاله في الشارع وإنتَ متعرفش أصل الحكاية، وإنه ظهر له في المنام واداله الإنجيل. وإنتَ اللي تقرر حرمانية احتفالك بيه، من عدمها. ومتنساش (وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ (15)) سورة النور. شير،

ما تيجي اصدمك وأقول لك حقيقة بابا نويل.

وخلينا قبل ما نبدأ نسأل أسئلة مهمة.
هو بابا نويل حرام؟
ولو حرام إيه الإثبات؟
ومين هو بابا نويل الحقيقي؟
وليه المسيحيين بيحتفلوا بوجوده؟
ومين اللي في الصورة دا أصلًا؟

تعالى اصدمك صدمة عمرك النهاردا واعرفك معلومات لأول مرة هتكون بتقرأ عنها، وهتلاقي نفسك قناعاتك كلها بتتغير في لحظة، وبتفكر مليون مرة لو حتى قررت إنك تتصور صورة مع تمثال بابا نويل.

أصل يا صديقي الحكاية كبيرة جدًا ولها أصل تاريخي مسيحي كبير، واتطورت مع الوقت، ولازم تكون عارفها، لأن حسب المتعارف عنهم عليه فهي فيها معجزات مسيحية، وماينفعش تكون بتحتفل بوجوده من غير ما تكون عارف.

وأنا النهاردا هكون حيادي، وهعرض لك الحكاية بهدوء من بدايتها لنهايتها، بكل تفاصيلها من الكتب المسيحية، لحد ما تطورت ووصلت لنا بشكلها الحالي وبقت بابا نويل أو سانتا كلوز، وفي النهاية هعلق برأيي الإسلامي، ولك الحرية في استمرارية الاحتفال بيه، أو عدمها.

بس أنا عاوزك تركز معايا جدًا، لأن الموضوع تفاصيله مهمة، ومتنساش لو المقال عجبك تتفاعل معاه وتشيره علشان استمر.

جاهز؟
يلا بينا.

بص يا سيدي، الحكاية بتبدأ في القرن الرابع الميلادي، مع قديس مسيحي اسمه القديس (نيقولاس)، في مدينة اسمها ميرا.
أبوه وأمه كانوا أغنيا.
حسب التاريخ المسيحي إنهم مكنوش بيخلفوا، وبعد سنين طويلة بتحصل معجزة وبيخلفوا (نيقولاس)، وكانوا كُبار في السن وعواجيز.
بيكبر القديس (نيقولاس) وبيترهبن في سن الـ19، في كنيسة ابن عمه هو اللي كان مسئول عنها.

حسب الكتب المسيحية معجزات القديس (نيقولاس) مكنتش بس في إنه اتولد من أب وأم عواجيز، دا كمان لما اترهبن وكبر نزل عليه شيء إلهي، بقى بيقدر من خلال آيات في الإنجيل إنه يشفي المرضى، ويطرد الشياطين، وكمان يقرأ آيات على خبز قليل فيكفي ناس كتير ويشبعوا!

وهو صغير، أبوه وأمه بيتوفوا، وبيسيبوا له ثروة كبيرة، وفي يوم، بيلاقي راجل بيفقد كل فلوسه لدرجة إنه مش قادر ياكل ويشرب، وبيكون عنده 3 بنات، فبيقرر الراجل يشغلهم في أعمال مشبوهة، ولما بيعرف القديس (نيقولاس) بيحط 100 دينار في كيس وبيرميه عند بيته، فالراجل بيلاقيه وبيفرح وبيجوز بيه البنت الكبيرة.
وبعدين كرر الموضوع مع بنته التانية ورماله برضه كيس فيه 100 دينار.
وفي التالتة الراجل فضل سهران بيراقب، ولما الكيس اترمى عنده طلع يشوف مين رماه لقاه القديس (نيقولاس) فنزل على رجله وركع وشكره على إنقاذ بناته من الضياع.

وفي يوم بيحلم القديس (نيقولاس) بشخص بيشاورله على كرسي شبه كرسي العرش وملابس لامعه وبيقول له: "البس هذه الحلة واجلس على هذا الكرسي".
عرف القديس إنه هيبقى أسقف مدينة ميرا.
ولو متعرفش يعني إيه أسقف، فهي أعلى رتبة في الكهنوتية المسيحية، وبيكون كاهن مسئول عن عدد من الكنائس داخل إقليم أو مدينة معينة، وبيكون رئيس القساوسة والقمامصة، وبيكون واخد أكبر كنيسة في الإقليم وبيكون رئيس عليها وهي المقر بتاعه وبيقعد فيها، وبيُطلق عليها الكاتدرائية.

الحلم بتاع القديس (نيقولاس) حسب الكتب المسيحية مبيقتصرش بس على إنه بيشوف العرش والراجل دا، كمان بيحلم بالسيدة (مريم) العذراء، بتديله ملابس الكهنوت، والسيد المسيح بيديله الإنجيل.

مش بس كدا، اتقل، المعجزة لسه مخلصتش، دا كمان قبل ما ينتخبوا الأسقف، بيظهر "ملاك الرب" والمقصود بيه ملاك من السما بيرسله ربنا، بيظهر لرئيس الأساقفة، وبيقول له إن اللي يستحق يكون أسقف هو القديس (نيقولاس)، فبيصحى من النوم ويبلغ الأساقفة اللي قالوا إنها رسالة من السيد المسيح، وبيعينوه أسقف.

طيب إيه علاقة كل دا ببابا نويل أو سانتا كلوز؟
إنتَ مستعجل على إيه؟
اتقل كدا لسه مخلصناش حياة الراجل ومعجزاته.

في الوقت دا كانت عبادة الأوثان منتشرة، وكان الملك في الوقت دا (دقلديانوس)، وكان بيسجن المسيحيين المؤمنين علشان خرجوا عن عبادة الأوثان، فقرر إنه يسجن القديس (نيقولاس)، قبض عليه وفضل يعـ* ـذبه سنين، حسب اللي مذكور في كتبهم إن السيد المسيح كان بيخرجه من العذاب سليم، ومبيُصابش بأي خدش، زي سيدنا (إبراهيم) -عليه السلام- كدا.
الملك بيزهق منه فبيسجنه، وبيفضل في السجن ثابت وقوي لحد ما الملك (دقلديانوس) مات وبيخرج القديس (نيقولاس) تاني من السجن.

في الوقت دا كان فيه قديس اسمه (أريوس)، بيقولوا إنه كان عامل بدعة وبيحاول يخرج الناس من المسيحية اللي همَ كانوا عليها، مش هنتطرق لـ(أريوس) علشان فيه أقاويل إنه كان بيغير الأشياء الخطأ في المسيحية وبيرجع لتعليمات المسيح الصحيحة، ولكن التطرق ليه مش هيفيدنا بشيء في المقال.
اللي لازم تعرفه إن البدعة دي بالنسبة للمسيحيين عي كـ* ـفر، فالقديس (نيقولاس) بيقف قصاده، و(أريوس) في المسيحية كافـ* ـر، فقرر الأساقفة إنهم يناظروه في حاجة اسمها مجمع نيقية، وفي المناظرة (نيقولاس) اتضايق من كلام (أريوس) وضربه بالقلم، فالأساقفة جردوه من رتبته وحبسوه علشان مقدرش يتمالك نفسه، ولكن السيد المسيح ظهر له تاني في السجن وخرجه منه.
وبيقول لك إنه لما خرج من السجن دمر معابد وثنية، خرج منها أرواح شريرة وشياطين قدامه وهربوا لما شافوه.

بيقول لك كمان من معجزاته إن كان فيه سياف بيقطع رؤوس المحكوم عليهم بالإعدام، خد رشوة علشان يقطع رؤوس 3 أبرياء، ولكنه وقت ما كان بينفذ الحكم القديس (نيقولاس) حضر فإيده اتشلت ومقدرش ينفذ الحكم والـ3 خدوا براءة، وبعدين اتحرك السياف واعترف باللي كان هيعمله قدام الناس كلها كأنه منوم مغناطيسي.

ومن معجزاته حسب الكتب المسيحية، 3 ظباط سجنهم الإمبراطور (قسطنطين)، وكانوا عارفين بمعجزات القديس (نيقولاس)، فصلوا وهما في السجن يطلبوا منه الشفاعة، فالقديس (نيقولاس) ظهر في الحلم للإمبراطور وهدده لو محررهمش، فجابهم تاني يوم قالوا له إنهم صلوا للقديس (نيقولاس) فحررهم.

أيوه بعد كل دا إيه علاقة القديس (نيقولاس) ببابا نويل والقصة دي كلها.
أنا أقول لك بقى.

حسب المتداول في كتب المسيحيين، إن القديس (نيقولاس) كان بيعطف على الفقراء، وخصوصًا الأطفال، وكان معروف بقى بالمعجزات والشفاعة والكلام دا كله، فلما مات بدأت ناس مسيحيين كتير ياخدوه شفيع ليهم ويدعوا باسمه عند الرب.
انتشرت بقى سيرته في أماكن كتير زي روسيا وأوروبا وألمانيا وسويسرا وهولندا، وبدأوا في الأعياد يتبادلوا الهدايا باسمه، خصوصًا يوم 6 ديسمبر.
ومع الوقت، بقى الناس بدل ما يتبادلوا الهدايا باسم القديس (نيقولاس)، بقوا يتبادلوها باسم (بابا نويل)، ودي كلمة فرنسية معناها أب الميلاد.
واتغير ميعاد الاحتفال لـ25 ديسمبر.

مع مرور السنين، بدأت الاختلافات تتشيع ما بين المسيحيين، اللي بقى يقول لك أصل بابا نويل كان من السويد، واللي يقول من فنلندا لأن فيه قرية هناك اسمها بابا نويل بيروجوا ليها سياحيًا إنها مكان ولادة بابا نويل، وبيزورها 75 ألف طفل كل سنة.

لحد ما بنوصل للقرن الـ17، وأمريكا بتظهر بعد ما بيتم احتـ* ـلال الأرض من الهنود الحمر أو السكان الأصليين، وبيقول لك إن الاحتفال ببابا نويل بدأ ينتشر هناك بسبب المسيحيين البروتستانت الهولنديين، والأول كان اسمه احتفال القديس (نيقولاس)، بالإنجلش "Saint Nicholas"، لحد ما بقى اسمه (سانتا كلوز).

لحد الوقت دا مكنش فيه تصور معين لبابا نويل، لحد ما سنة 1823م الشاعر الأمريكي (كلارك موريس) بيكتب قصيدة بعنوان "الليلة التي قبل الميلاد" بيوصف فيها زائر بدقن بيضا وعجوز وبيوزع هدايا على الأطفال، وبدأت الناس تربط الشكل دا في أذهانهم بسانتا كلوز، ولكن لحد دلوقتي مكنش فيه تصور صريح أو رسم واضح ليه.

سنة 1881م الرسام الأمريكي (توماس نيست) في جريدة اسمها "هاربرس" بيرسم أول كاريكاتير لبابا نويل، بلبسه الحالي الأحمر ودقنه البيضا وجزمته السودا، وبيقولوا إن الرسم دا كان دعايا لشركة كوكاكولا.

ومع الوقت بقى دا الشكل الرسمي لبابا نويل، وكانوا بيركبوه حمار، ولكنهم طوروه وبقى يركب العربية اللي بيجرها حيوان الرنة.

والحكاية بتقول إن بابا نويل بيرمي هدايا من فتحة الدفاية للأطفال من غير ما يشوفوه زي ما كان بيعمل القديس (نيقولاس) مع اللي بيساعدهم.

وفي مصر بابا نويل بقى رمز بيُحتفل بيه في الكنائس برأس السنة، وناس كتير بتحتفل بيه ومتعرفش حكايته.
وإنتَ دلوقتي بقيت عارف الحكاية، حكاية القديس (نيقولاس) اللي عنده معجزات كتير جدًا تكاد تفوق معجزات الأنبياء.

فيا صديقي، خليني أقول لك في النهاية، إن بابا نويل اللي بتحتفل بيه دا، بيُمثل قديس وأسقف مسيحي اسمه (نيقولاس)، في الكتب المسيحية ظهر له المسيح بيدي له الإنجيل، والسيدة (مريم) العذراء، وعمل معجزات عجيبة تتجاوز الأنبياء، وكان بيشفي المرضى وبيبارك الطعام فيزيد، وكان بيطرد الشياطين، وكان مؤمن جدًا بإن المسيح هو الله وبيعبده عبادة كاملة، بل إن في الكتب كان فيه تقديس روحي لدرجة إن (المسيح) اللي هو الرب كان بيظهر له ويرشده للطريق الصحيح اللي هو اتباع المسيحية وبيساعده على المعجزات، فأنتَ بدون ما تقصد بتصدق على أفكاره وبتصدق إن المسيح هو الله زي ما كان معتقده.
خلي بالك ومتخليش حاجات هايفة ملهاش لازمة تخرجك عن معتقدك بدون ما تقصد.
(قُلۡ هُوَ ٱللَّهُ أَحَدٌ (1) ٱللَّهُ ٱلصَّمَدُ (2) لَمۡ يَلِدۡ وَلَمۡ يُولَدۡ (3) وَلَمۡ يَكُن لَّهُۥ كُفُوًا أَحَدُۢ (4))

بس يا سيدي، دا اللي مذكور في الكتب، ودا تاريخه، ودا المفروض اللي إنتَ بتحتفل بيه بدون ما تعرف، وممكن تجيبه وتدخله بيتك أو تتصور مع تمثاله في الشارع وإنتَ متعرفش أصل الحكاية، اللي هي كلها إيمان كامل من قديس عمل معجزات كتير جدًا علشان يثبت إن المسيح هو الله، وإنه ظهر له في المنام واداله الإنجيل.

فإنتَ دلوقتي بقيت عارف، وإنتَ اللي تقرر حرمانية احتفالك بيه، من عدمها.
ومتنساش (وَتَحْسَبُونَهُ هَيِّنًا وَهُوَ عِندَ اللَّهِ عَظِيمٌ (15)) سورة النور.

بس يا سيدي، كدا يكون مقال النهاردا خلص، متنساش إني تعبت علشان تعرف معلومة جديدة، فيا ريت تهتم إن غيرك يقرأ المقال.
شير، لايك، كومنت، حاجات بسيطة هتساعد، ومنشن لصديق يقرأ معاك.
ولو جديد في البيدج اعمل فولو وحطني في المفضلة واستنى الجديد.

ولو عاوز تعرف أكتر عن القديس (نيقولاس)، ابحث عنه في جوجل ودور في المصادر المسيحية.