Lakhasly

لما اقول لك ان هذا الرجل الحرامي سيارات

لما اقول لك ان هذا الرجل الحرامي سيارات

بتحسب انه يسرق سيارات كامله لكن هذا

الرجل راح يتخصص بسرقه قطعه معينه من

السيارات قطعه ابدا ما راح تتوقعها او

تتخيلها اخر قطعه ممكن تخطر على بالك

وبعدها راح يشكل عصابه متخصصه في سرقه

القطع هذه وبينشط ضخمه متكامله بتدخل لله

ثروه توصل ل 60 مليون دولار ومن خلال هذه

الثروه راح يشق طريقه لقمه الهرم في عالم

عصابات المافيا والجريمه المنظمه في

نيويورك هذه القصه قصه رجل صنع نفسه من

الصفر صح في المجال الغلط لكنه بدا من

الصفر بنشوف كيف استخدم ذكاءه وقوه

ملاحظته عشان يفرض نفسه في عالم صعب مثل

عالم المافيا وفي نفس الوقت يصنع ثروه

ضخمه

جدا سلام عليكم معكم بدر اول شيء طبعا

رمضان كريم علينا وعليكم يا رب الله يتقبل

الطاعات ويجعله شهر خير وبركه الشيء

الثاني في رقم حلو وصلنا له تحت وصلنا ل 5

ملايين اخ واخت في القناه هذه اللهم لك

الحمد هذا الرقم جدا مميز وكنت انتظره من

زمان وبهذه المناسبه وصلني هذا الدرع من

اليوتيوب بتقولون لحظه بدر هذا درع

المليون انت موصل مليون من السنين شوفوا

يا جماعه صاحب القناه اللي يوصل لمليون

مشترك يقدر يطلب الدرع الذهبي هذا في اي

وقت يريده فانا قررت اني ما اطلب ه الدرع

عليه ما اوصل لل 5 مليون وما طلبته الا

قبل فتره قصيره لما خلاص صرت متاكد اني

واصل لل 5 مليون فالحمد لله ان اخيرا وصل

ادري هو في النهايه مجرد درع لكن يعني

بغيته يمثل لي انجاز اكبر خصوصا انه ما في

درع ثاني الين ما نوصل لل 10 مليون فبغيت

ه الدرع يكون يعني علامه على الخ مليون

وباذن الله مع بعض راح نوصل لل 10 مليون

والله اني اشوفها قدامي حتى لو خذت سنين

ان شاء الله راح نوصلها وبمناسبه ال 5

مليون اكيد راح يكون في فيديو دسم ومميز

للحين ما ادري شو راح يكون هالفيديو بس

اريده يكون فيديو جبار اقوى فيديو في

القناه ما ادري عن شو بيكون او متى راح

ينزل لكن باذن الله انه جاي وادري اني

طولت عليكم في هالمقدمه لكن مع دخول الشهر

الفضيل ما اقدر انسى اذكر اخواننا في غزه

وفي السودان وفي كثير اماكن من امتنا

العربيه والاسلاميه اللي قاعدين يعانون

معاناه م لها مثيل الواحد حتى ما صار يعرف

كيف يعيش طبيعي مع كل المشاهد اللي قاعدين

نشوفها كل يوم ننقهر 1000 مره وننكسر 1000

مره واحنا عاجزين نسوي اي شيء العالم

الظالم كله تكالب عليهم يعني حتى ما اقدر

اقول لكم روحوا تبرعوا لان المساعدات

والتبرعات ما قاعده توصل اساسا الناس في

غزه حرفيا قاعدين يموتون من الجوع والله

اني ما اعارف شو اسوي غير اني اذكركم

بالدعاء ادعوا في هذا الشهر الفضيل ان

الكربه هذه تنفك وان الظلم والبلاء ينرفع

عن عن اهلنا في غزه وفلسطين والسودان

وسوريا ولبنان وكل المسلمين والمظلومين

الحين قبل ما ندخل في القصه اريدكم تاخذون

دقيقه واحده على الاقل واذا كثرته بعد

احسن توقفون الفيديو وتدعون لاخواننا

واهلنا في هذا الشهر

الفضيل قصتنا صارت احداثها في فتره

التسعينات ذاك الوقت كانت مدينه نيويورك

تواجه مشكله ضخمه مع حراميه السيارات

فيديو سابق شفنا ق ضابط المخابرات الصيني

اللي تحول لاكبر حرامي سيارات في امريكا

وبالتحديد في نيويورك لكن الرجل هذا ما

كان الوحيد اللي شغال في المجال القصه

اللي بنشوفها اليوم صارت قبل قصه الصيني

بخمس سنين في ذاك الوقت في التسعينات كانت

في عصابات ومنظمات اجراميه كل شغلهم متركز

على السيارات تخيلوا ان في نيويورك بس

تنسرق فوق ال 1000 سياره في السنه الواحده

السرقات هذه كانت متنوعه يعني احيانا

يسرقون السياره كلها واحيانا يكسرون

السياره ويسرقون منها قطعه معينه يحاولون

يركزون على القطع الغاليه لكن في قطعه

الثمينه من قطع السياره كانوا الحراميه ما

يركزون عليها كثير ما كانوا عارفين قيمتها

فتقولون كيف حراميه متخصصين بالسيارات ما

يعرفون قيمه القطع الجواب ان القطعه هذه

ما كانت قيمتها ماديه وبس كانت في لها

قيمه سريه ما حد اكتشفها في ذاك الوقت

القطعه هذه راح يكتشف قيمتها رجل اسمه

موريسيو بركان الرجل هذا راح ياسس اكبر

امبراطوريه لبيع قطع السيارات المسروقه

موريسيو كان من اصول ايطاليه عائلته هاجرت

لامريكا بحثا عن حياه افضل وطبعا كلنا

نعرف ان المهاجرين الايطاليين في امريكا

مرتبطه اسمائهم باكبر عصابات المافيا

والجريمه المنظمه فموريتانيا

المجتمعات هذه كانت فيها طبقات مثل

المجتمعات العاديه تحصل رجال العصابات

الصغار اللي يسوون الا الاعمال اللي ممكن

نسميها الاعمال القذره مثل السرقه النهب

الاختطاف وحتى القتل وفي الناس اللي في

مرتبه اعلى شوي اللي هم مثل الزعماء

الصغار اللي احيانا تحصلهم يتقمصون دور

التجار وفي طبعا الطبقه الاعلى اللي هم

الزعماء الكبار اللي في القمه فمجتمع

الجريمه المنظمه عباره عن طبقات وكل ما

طلعت فوق كل ما صرت اغنى وعندك قوه اكبر

فدائما اللي تحت يطمحون انهم يكبرون

ويوصلون لفوق وصاحبنا موريسيو هذا كان جاي

من الحضيض قته فقيره وما عنده اي واسطات

او حد يساعده كان لازم يبني نفسه من الصفر

فبدا يشتغل في الاعمال القذره كان يسرق

وينهب ويبيع اللي يسرقه على التجار او

الناس اللي اعلى منه وخلال هذه الفتره كان

مفتح عيونه وقاعد يشوف شو اللي مطلوب في

السوق اكثر شو اللي سعره اعلى وشو اللي

اسهل انه يسرقه وحتى اختلط في هذيك الفتره

بابناء الزعماء والتجار عشان يسولف وياهم

ويعرف منهم كيف التجاره هذه تشتغل في

النهايه قرر موريسيو انه يركز على مجال

قطع السيارات لانه شاف انه مجال مربح وحس

ان قدراته مناسبه لهال المجال ولما حس انه

كسب الخبره المطلوبه وصار يعرف كيف البزنس

يشتغل قرر انه يحاول يطلع لطبقه التجار

فصار هو يشتري قطع السيارات من الحراميه

صار يعرف شو القطع المطلوبه اكثر واللي

هامش ربحها اعلى كان حتى في بداياته يبيع

القطع من دبه سيارته كان مخلي السياره

كانها محل متنقل وتخيلوا القطعه اللي مثلا

كان يشتريها ب 10 دولار كان يبيعها ب 100

فهام مش الربح عنده كان مجنون فبسرعه

تجارته تطورت وفلوسه كثرت وعلى طول اول ما

صار عنده مبلغ كافي راح وفتح محل في سنه

1994 لان المحل راح يعطيه واجهه قانونيه

ويخلي تجارته اسهل يعني قبل كان يشتري

ويبيع في الشوارع وهالشيء كان دائما يعرضه

للخطر واللي يشتغلون في المافيات والجريمه

المنظمه عارفين ان اول خطوه لازم تسويها

اذا تريد تصير تاجر ناجح في عالم العصابات

هي انك تفتح لنفسك محل او وا واجهه شرعيه

وقانونيه تقدر من خلالها انك تشتغل براحه

اكبر

فموريتانيا السيارات وعشان يخلي شكل محل

هذا حقيقي اكثر كان يشتري قطع غيار حقيقيه

من الشركات يعني قطع مو مسروقه فيعني حتى

لو ج الشرطه او السلطات وفتشوا المحل لاي

سبب كان راح يحصلون قطع حقيقيه وفواتير

وتعاملات مع الشركات فما احد راح يشك فيه

فبعد ما صنع لنفسه واجهه قانونيه وصار

مغطي نفسه تمام من قدام الحين عاد لازم

ينتبه على الجانب الخلفي فعالم المافيات

دائما في حد اعلى منك فاذا تريد تشتغل

براحه في منطقه معينه وفي مجال معين مثل

مجال السيارات لازم تدفع و موريسيو كان

عارف هالشيء فكان دائما مضبط اموره مع

اللي فوقه وكان يدفع للمافيا بشكل دوري

الفلوس هذه ما كانت بس عشان يخلونه في

حاله لا هذه الفلوس كانت مثل فلوس الحمايه

يعني هو تحت حمايتهم او تحت حمايه الزعيم

اللي ماسك هالمنطقه كذا الامور تشتغل في

هالعالم عان عشان كذا يسمونها الجريمه

المنظمه تجاره موريسيو ظلت تزدهر وتكبر

وصارت عند علاقات اقوى مع الحراميه الصغار

وكان دائما مفتح عيونه على القطع

الاثمنة باج المخده الهوائيه اللي تطلع

لما يصير حادث هذه هي القطعه اللي بتخلي

موريسيو يتحول لواحد من اثرى تجار المافيا

وتوصل ثروته لاكثر من 60 مليون دولار

اعتقد انتم للحين مستغربين وما مستوعبين

كيف قطعه مثل الاير باج ممكن تطلع كل ه

الفلوس خلوني اخبركم كيف موريسيو لاحظ ان

الايرباج من اسهل القطع اللي ممكن الحرامي

يسرقها من السياره الحرامي يقدر يسرق

الاير باج خلال اقل من دقيقه واحده وطبعا

قطعه الاير باج صغير سهل انه يخبيها في

كيس فبالتالي سهل انه يسرق كميات ضخمه من

الاير باجات في وقت قصير يعني مثلا لو

قدامك موقف في 30 سياره تقدر تسرق كل

الاير باجات في السيارات هذه خلال اقل من

نص ساعه على عكس لو انك تريد تسرق سياره

كامله مثلا او تريد تسرق قطع كبيره وهذا

بعد يضيف جزء مهم للعمليه تتبع الايرباقات

اصعب بكثير من السيارات الكامله والقطع

الكبيره تخيلوا ان في ذاك الوقت حتى الاير

باجات ما كانت عليها ارقام تسلسليه ما

عليها سيريال فبعد ما تنسرق تتبعها مستحيل

وطبعا اخفائها وتخزينها سهل بعد لانها قطع

صغيره والاهم طبعا من كل شيء انها غاليه

سعر الايرباج الواحد كان يوصل ل 1000

دولار الى 2000 دولار واحيانا اكثر

والفلوس في ذاك الوقت ترى قيمتها ضعف

الفلوس اليوم فكل هذه الاسباب خلت

الايرباج هي القطعه المثاليه عشان واحد

مثل موريسيو يصنع منها ثروه وفي ميزه

اضافيه بعد بس راح نذكرها بعدين ميزه حتى

موريسيو نفسه ما كان حاسب له حساب وبتخلي

البزنس ماله يصعد للسماء بس عشان ما نستبق

الاحداث اول شيء سواه موريسيو هو انه بدا

يدرس ويتعلم عن الايرباقات تعرف على

الانواع كيف تنفك وكيف تتركب وبعدها اسس

مجموعه حراميه خاصه فيه المجموعه هذه هو

اختار اعضائها بنفسه طبعا من خلال شغله مع

الحراميه هذ طول الفتره الماضيه تعرف

عليهم وعرف منو الاحسن فيهم فخذ المميزين

وشغلهم عنده وبدا يعلمهم كيف يفكون الاير

باجات بسرعه واحترافيه ف بدوا حرامت

يشتغلون وبدوا يجمعونه من هال الاير باجات

ويجيبوا له اياهم للمحل ومن البدايه عرف

موريسيو ان بزنس الاير باجات هذا بيضرب في

السماء الكميات اللي كانوا يجيبونها

اتباعه وعصابته كانت ضخمه والطلب كان كبير

زباين موريسيو كانوا في الاغلب

الميكانيكيين واصحاب ورش تصليح السيارات

فصارت الارباقات تجي من هني وتروح على طول

من هني وموريس ما كان مقصر ويا حرام ته

كان يدفع لهم بشكل مجزي لانه كان عارف ان

ولائهم له على قد الفلوس اللي بيعطيه

اياها بس مع هذا كان هامش ربحه شيء مجنون

يعني كان يدفع حوالي ال 200 دولار على

الايرباق الواحد ويبيعه ب 1000 الى 2000

او اكثر حتى شرطه نيويورك بدوا يلاحظون

انه صارت توصلهم بلاغات كثيره عن سرقه

الاير باجات وكانوا مستغربين من الترند

الجديد هذا يوصلهم بلاغ السرقه يروحون

يشوفون السياره يحصلونها باحسن حال بس

الايرباج مختفي فما كانوا مستوعبين شو

اللي صاير بالضبط لكن بعد فتره قصير من

التحقيقات بدوا يفهمون السر الايرباقات

هذه ما كانت عليها ارقام تسلسليه فتتبعها

مستحيل ولان حجمها صغير وسرقتها سريعه

وسهله فصعب يمسكون الحراميه هذلا وهم

قاعدين يسرقون ولما عرفوا ان اسعار

الايرباقات هذه توصل ل 1000 و 2000 دولار

واكثر صارت الصوره واضحه قدامهم وعرفوا

انه في منظمه ورا العمليات هذه وحتى بعد

ما قدروا اخيرا يمسكون بعض الحراميه اللي

يسرقون الاير باجات الحراميه رفضوا

يعترفون باي شيء لما الم حققين يسالون

واحد منهم من اللي وراك من اللي يدفع لك

كان جوابه انه والله انا اشتغل بروحي

فيعني كان يحط الذنب كله على نفسه لانهم

عارفين ان سرقه الايرباقات تعتبر السرقه

الصغيره فكانوا الحراميه بس يقضون شويه

ساعات في الحبس ويطلعون بعد ما يدفعون

غرامه وتعويض وخلصنا فيعني حتى ما كانت في

عقوبه ممكن تردعهم او تجبرهم انهم يعترفون

من اللي قاعد يحركهم واستمرت سرقات

الايرباقات في كل انحاء نيويورك وكانت كل

يوم في السنه الواحده كانت تنسرق الاف

الايرباقات فالمشكله صارت مستشر والشرطه

كانوا حايرين ما عارفين يوصلون للمصدر او

الراس المدبر على الجانب الثاني صاحبنا

موريسيو كان عايش الحلم من اوسع ابوابه

تخيلوا ان من كميه الايرباقات اللي

يسرقونها حرامي ما صار يعرف وين يخزنها

فقرر انه يفتح محل ورشه كبيره سماها اول

ان و يعني الكل في واحد الورشه هذه كانت

عباره عن مستودع ضخم جزء من هذا المستودع

كان مخزن يخزن فيه قطع الغيار والاير

باجات والجزء الباقي كان عباره عن ورشه

فبدل ما موريسيو يبيع الاير باجات لل

الميكانيكيين واصحاب الورش صار هو اللي

يبدلها للناس او يبيعها مباشره للناس

ويكسب اكثر وتخيل انه حتى صار يقدم خدمه

شحن لكل امريكا لو انت عايش في الطرف

الثاني ومحتاج اير باج طلبك يوصل لعندك لا

وال بجيح بعد قام يسوي اعلانات ودعايات

لشركته ويسمي نفسه الاير باج كينج ملك

الايرباج نشر دعاي في المجلات والجرائد

وحتى على النت مع ان النت كان تو طالع

طبعا كل هذا خلى البزنس يزدهر وصارت

الفلوس تتراكم عند موريسيو بالملايين من

كثر الكاش اللي عنده صار ما يعرف وين

يوديه وهني بدا يخاف من شيء ثاني بدا يخاف

من التدقيق المالي لو السلطات قرروا انهم

يدققون في مصادر دخله وكميه الفلوس الضخمه

اللي تدخله فممكن تصير له مشاكل فقرر

موريسيو انه يحصل له محاسب شاطر يقدر

يضبطه من ناحيه السجلات الماليه ويخلي كل

شيء يظهر بشكل قانوني لان ترى هذا جانب

مهم من الجريمه المنظمه موريسيو كانت عنده

صديقه اسمها ايلين كان يعرفها من ايام

المدرسه الثانويه ايلين هذه كانت محاسبه

وعندها خبره فموريتانيا

السيارات وانه يريدها تكون محاسبه وياه

ولما موريسيو راوها السجلات الماليه اللي

عندهم على طول عرفت انه في شيء غلط وان

هذا المكان ما كان بزنس نظيف وبعد ما حس

موريسيو انها فهمت اللي صار صرحها وقالها

ان كل المطلوب منها انها تضبط السجلات هذه

وتخلي كل المعاملات الماليه يصير شكلها

شرعي وقانوني الين كانت متردده في البدايه

بس موريسيو اغناها براتب حلو ففي النهايه

وافقت وواحده من الاشياء اللي نصحتها فيها

انه يبدا يتعامل بالشيكات لان الشيكات

تعطي البزنس والشركه شرعيه اكبر فتعاقد

موريسيو مع شركه دفع شيكات وبدا يدفع لكل

موظفينه وحتى للحراميه اللي يشتغلون عنده

بالشيكات فصاروا هذ بعد ما يستلمون

الشيكات يروحون ويستلمون فلوسهم من شركه

دفع الشيكات فالكا بدل ما كان يعبر من

خلال شركه موريسيو صار يعبر من خلال شركه

الشيكات هذه فصار الوضع ظاهريا شرعي اكثر

وبعدها قرر موريسيو انه يبعد نفسه عن

الجانب القذر من البزنس كان قبل هو بنفسه

يدير الحراميه اللي يشتغلون وياه فقرر انه

يرقي ثلاثه من الحراميه هذلا ويخليهم

مساعدين المقربين الثلاثه هذيلا راح

يديرون بقيه الحراميه ويديرون جانب

السرقات كلها اما هو فراح يكون فوق فعزل

نفسه اكثر عن الشغل القذر فالبز نس كان

مرتب وماشي على احسن ما يرام ما بس من

الناحيه الماديه حتى من ناحيه الكفاءه

والاداره يعني تخيلوا كان ممكن يوصلهم طلب

لاير باج معين ويكون ما عندهم النوع هذا

متوفر في المخزن ففريق الحراميه يسرقون

نوع الايرباج هذا في نفس اليوم يعني خدمه

خلال اقل من 24 ساعه احسن من الوكالات يا

رجل موريتو شغال بنظام رضى العملاء غايت

وكان حرفيا مستحوذ على سوق الاير باجات

يعني تخيل انت ممكن ينسرق ايرباج سيارتك

من حرامت في الليل وتروح في الصباح تبدله

في الورشه مالته وهذه الميزه الاضافيه

اللي موريسيو ذات نفسه ما كان حاسب لها

حساب كان يصنع المشكله ويحلها العرض

والطلب صار لعبته هو اللي يسرق وهو اللي

يبيع كانه حصل جلتش فلوس لا نهائيه لو بعد

تخيلوا من حجم النجاح الساحق اللي حققته

شركته موريسيو فاز بجائزه اسمها جائزه

تاجر السنه فاي حد يشوفه من برا بدون ما

يدري عن خباياه واسراره بيقول هذا انسان

مجتهد اشتغل على نفسه وصار تاجر كبير

الثروه اللي قدر يجمعها موريسيو خلته واحد

من اثرى الاثرياء في عالم الجريمه المنظمه

في نيويورك فاشترى بيوت فخمه وسيارات

غاليه وصار عايش حياه النعيم لكن الثروه

هذه ما كانت كافيه بالنسبه له كان بعد

يدور شيء ثاني كان يريد الاحترام والمكانه

وبالعاده في عالم مافيات ما بتحصل المكانه

هذه الا اذا كنت جزء من عائلات الزعماء

لان دائما المافيات يرتبطون بالعوائل ومثل

ما قلنا موريسيو كان جاي من عائله فقيره

عاديه ما لها اي صلاه بزعماء المافيا

فعشان موريسيو يوصل للمكانه هذه كان يحتاج

يصير جزء من عائله زعيم من الزعماء ومن

هني تعرف على كارول مونتانا اللي كانت بنت

واحد من الزعماء هذيله موريسيو ظل يتقرب

منها وعبر لها عن اعجابه فيها وعلى الاغلب

مكانتها كانت هي الشيء الاهم عنده حتى لو

كانت هي جميله وعندها صفات حلوه ثانيه

اعتقد هو بس كان يشوفها كبنت الزعيم هذا

الشي بروحه يخليها بالنسبه للمراه

المثاليه بعدها تقرب موريسيو من ابوها

وابوها كان اصلا اوريدي معجب فيه ومعجب

انه شق طريقه بنفسه وقدر يوصل للمستوى هذا

بجهده فعلى طول الزعيم كان موافق على

ارتباطهم وصاروا موريسيو وكارول مخطوبين

فيعني هني تحس خلاص موريسيو حقق كل اهدافه

الثروه والزوجه والمكانه لكن في عالم

العصابات وحياه الجريمه لازم تعرف ان حتى

لو الدنيا صارت ورديه فكل شيء ممكن في

لحظه يتحول لسواد الشرطه قدروا يمسكون

واحد من الحراميه اللي يشتغلون عند

موريسيو فتقولون و شو المشكله في النهايه

بين حبس كم ساعه ويطلع بغرامه مثل العاده

ما صح للاسف بالنسبه لموريشيوس

وهو يسرق اير باج من سياره الحرامي هذا

انمسك وهو يعتدي على شخص ويضربه عشان يسرق

منه وهذه تعتبر جريمه خطيره ممكن توديه في

داهيه فالحرام هذا كان مستعد يسوي اي شيء

عشان يطلع من الورطه هذه وعرف ان الشرطه

اكيد يريدون المعلومات اللي عنده عن

امبراطوريه الارباقات اللي بناها موريسيو

فعقد صفقه وياهم انه بيقول لهم المعلومات

اللي عنده مقابل انهم يعرفونه من التهمه

اللي عليه فالشرط وافقوا والحرامي عطاهم

كل شيء خبرهم عن موريسيو وشركته اللي هي

اول ان و وخبرهم كيف تشتغل العمليه هذه

كلها على طول بعدها كان في فريق مراقبه من

الشرطه قدام ورشه موريسيو ومباشره لاحظوا

ان في اشخاص شايلين في ايدينهم اكياس

كبيره يدخلون للورشه ويطلعون بدون الاكياس

هذه وعلى طول عرفوا ان الاكياس هذه داخلها

الاير باجات المسروقه فبدو يجهزون انفسهم

عشان يسوون كمين لكن موريسيو كان سابقهم

خطوه لانه كان حذر جدا كان مركب كاميرات

مراقبه حوالين مبنى الورشه من كل الجهات

على طول قدر يلاحظ سياره الفان اللي كانوا

الشرطه متخبيين فيها فاول شيء سواه هو انه

اتصل بمساعدين وامرهم انهم يوقفون توصيل

القطع المسروقه للورشه بعدها المحققين

حاولوا انهم يلحقون موريسيو بالسياره بس

موريسيو كان منتبه وكان عارف انهم

يلاحقونه وحتى عشان يتاكد سوى حركه انه

يلف يمين ثلاث مرات حركه اللف يمين ثلاث

مرات حركه مثاليه عشان تعرف اذا السياره

اللي وراك قاعده تتبعك لانك لما تلف يمين

ثلاث مرات راح تكون كانك قاعد تدور فاذا

السياره اللي وراك لفت مك ثلاث مرات

فمعناه انها قاعده تتبعك فحتى الشرطه اللي

يلاحقونه لما شافوه سو هالحركه عرفوا انه

يعرف انهم يلاحقونه ومن ه صار موريسيو حذر

جدا وخلى مساعدينه يخزنون الايرباقات

المسروقه في مكان ثاني صاروا ما يجيبون ه

الورشه على طول تحقيقات الشرطه استمرت

لاشهر بدون ما يقدرون يحصلون اي شيء يثبت

التهمه على موريسيو حتى في مره من المرات

حاولوا يسوون حركه ارسلوا شرطي متخفي

ومعاه ايرباج عشان يحاول يبيعه على

موريسيو بس موريسيو على طول رجعه ورفض

يشتري منه موريسيو اصلا ما كان يشتري من

اي شخص عشوائي كانوا عنده حرام ته وما كان

ياخذ من اي حرامي من بره مع ذلك الشرطه

ظلوا يحاولون يكررون نفس الحركه بس ما

ضبطت وياهم كانوا يريدون يخترقون دائرته

الصغيره هذه يريدون واحد منهم يكون حرامي

مندس ما بينهم لكن موريسيو كان دائما حذر

وما يدخل اي حد وياه وتخيلوا ظلت

التحقيقات هذه مستمره لمده سنه ونص وهم

يحاولون يقعون فيه وما قادرين اليه ما جت

سنه

1997 هذيك السنه شركه هوندا اليابان انيه

قرروا انهم يحطون سيريال نمبر او ارقام

تسلسليه على الايرباقات وسياراتهم وهذا

ترى كان شيء غير مسبوق وراح يساعد الشرطه

في تحقيقاتهم بشكل كبير لان الحين لو

قدروا يسترجعون واحده من الاير باجات

التابعه لشركه هوندا راح يقدرون يتعقبون

الاير باج هذا ويعرفون اذا هو قطعه غيار

حقيقيه ولا اير باج مسروق فصاروا المحققين

مركزين على سيارات الهوندا واي سياره

هوندا جديده ينسرق الايرباج مالها على طول

ياخذون السيريال نبر للايرباج اللي انسرق

وسووا لسته خاصه حطوا فيها كل ارقام

ايرباجات سيارات الهوندا اللي انسرقت

وبعدين اتصلوا على شركه اول ان 1 اللي هي

شركه موريسيو وبكل بساطه طلبوا ايرباجات

هوندا من نفس الموديلات الجديده اللي صارت

عندهم ارقامها التسلسليه ولما وصلت الاير

باجات هذه قدروا فعلا يتاكدون ان واحده

منها على الاقل كانت موجوده في اللسته

اللي عندهم يعني كانت مسروقه وهذا كان اول

دليل قوي حصلوه في القضيه بعد اكثر اثر من

سنه ونص من التحقيقات بس بعدهم كانوا

محتاجين ادله اكثر واقوى ما كانوا يريدون

يقبضون على موريسيو وجماعته الا وهم

متاكدين ان الادله اللي عندهم راح تدمر

المنظمه هذه كلها فحصلوا اذن تفتيش من

المحكمه عشان يفتشون الطرود البريديه اللي

ترسلها شركه موريسيو لكل انحاء امريكا اذن

التفتيش هذا يسمح للشرطه انهم يفتحون

الطرود البريديه ويتاكد من محتوياتها

وبعدين يسكرون ويخلونها تنشحن عادي ولا

كانها انفتحت يعني تفتيش سري التفتيش هذا

وضح لهم كميه الايرباقات الضخمه اللي كانت

تبيعها شركه موريسيو وقدروا يتاكدون ان

عدد من هذه الاير باجات فعلا مسروق فصارت

الادله اللي عندهم اقوى بس ما اكتفوا

بهالشيء قرروا انهم بعد يبحثون في السجلات

الماليه للشركه والسجلات هذه قادتهم لشركه

الشيكات اللي كان يستخدمهم موريسيو شركه

الشيكات هذه مثل ما قلنا كانت تصرف كل

الشيكات اللي يجيبونها موظفين وحر حراميه

موريسيو والحراميه كانوا مسجلين كانهم

موظفين في الشركه واللي ما كان يعرفه

موريسيو ان شركه الشيكات كانت تصور كل

معامله تصير كانت تصور الشيك ووجه الشخص

اللي استلم المبلغ كانت في كاميرا قدام

الصراف فكل حراميه موريسيو وموظفينه كانت

صورهم موجوده عند شركه الشيكات فيعني

موريسيو اللي كان يستخدم شركه الشيكات

عشان البزنس ماله يصير شرعي اكثر في

النهايه القرار هذا انقلب عليه وعلى اتباع

اللي وياه واكدت الصور والتعاملات هذه ان

موريسيو كان يتعامل مع الحراميه هذلا بشكل

مباشر فخلاص هني المحققين عرفوا انهم

حصلوا كل الادله اللي يحتاجونها وجا وقت

الاعتقال تخيلوا التحقيقات هذه خذت 18 شهر

عشان يوصلون لهالنقطه ففريق من الشرطه

والمحققين راحوا لبيت موريسيو وكانت عندهم

مذكره الاعتقال من المحكمه وهذه المذكره

تسمح لهم يقتحمون البيت يفتشون بالكامل

فاول ما وصلوا كسروا الباب واقتحموا البيت

على طول وبدوا يفتشون الغرف لكن المفاجاه

السيئه اللي حصلوها ان البيت كان فاضي ما

في حد وهالشيء خلاهم يخافون ويقلقون ان

موريسيو عرف عن الاعتقال وقدر يهرب والحين

يمكن يكون في طريقه لدوله ثانيه بس بعد ما

فتشوا البيت لاحظوا ان في طاوله عليها

هدايا وبسرعه استوعبوا ان هذه هدايا زواجه

موريسيو كان تو متزوج وكان حتى في جنب

الهدايا لسته بالمدعوين لحفل الزفاف هذه

القائمه كانت فيها اسماء لزعماء عصابات في

المافيا وناس معروفين في عالم الجريمه

المنظمه حتى الشرطه كانوا يعرفون عنهم

وكان فيها بعد بعض حراميه الايرباقات اللي

يشتغلون عند موريسيو واللي كانوا الشرطه

يتبعونهم طبعا مثل ما قلنا الشرطه عرفوا

عن حراميه الايرباقات وهوياتهم من خلال

شركه الشيكات القائمه هذه كان فيها بعد

ابو وام موريسيو وكانت ارقام تلفوناتهم

جنب اسمائهم فالحق قين قرروا انهم يحاولون

يتصلون بامه ويخلونها تكشف مكانه فواحد

منهم اتصل عليها وقال لها ان بيت موريسيو

تم اقتحامه من قبل لصوص وانهم محتاجين

يتواصلون وياه فالام قالت لهم ان ابنها

اللي هو موريسيو حاليا قاعد يقضي شهر

العسل ويا زوجته في واحده من جزر هواي

وعطتهم رقم تلفونه اللي يستخدمه هناك

فالمحب اتصلوا عليه وخبره ان بيته انسرق

وخلال المكالمه قدروا يتعقبون الرقم اللي

يستخدمه وعرفوا ان تابع لوحده من

المنتجعات اللي موجوده على جزيره ماوي

التابعه لهواي وبعد ما تاكدوا من موقعه

اتصلوا على مكتب الاف بي اي اللي في هواي

وطلبوا منهم يعتقلوه عملاء الاف بي اي

اللي هناك تحركوا بسرعه وحددوا المنتجع

اللي نازل فيه موريسيو وعرفوا رقم غرفته

وراحوا له للغرفه واقتحمها واعتقلوه وهو

في نص شهر العسل وخلاص من هذيك اللحظه

انهارت امبراطوريه الايرباقات عدد

الايرباقات اللي سرقوها موريتس وعصابته

خلال السنوات هذه اللي كانوا شغالين فيها

يقدر بحوالي 40 الى 50,000 ايرباك والثروه

اللي حصلها موريسيو بروحه بس من ورا

العمليه هذه توصل ل 60 مليون دولار ومثل

ما قلت لكم الفلوس في ذاك الوقت كانت ضعف

قيمتها اليوم في النهايه تمت مصادره معظم

املاك موريسيو فلوسه هذه والله اعلم اذا

كان مخبي منها شيء في مكان سري وتم الحكم

عليه بعشر سنين في السجن بتهم غسيل

الاموال والتخطيط للسرقات شوف الحكم قليل

بصراحه مقارنه باللي شفناه في قضايا ثانيه

فما ادري شو ملابسات وتفاصيل الحكم هذا

اكيد ان كون العمليات هذه غير مسلحه وغير

خطيره او عنيفه ساهم في ان الحكم يكون اقل

بحثت عن موريسيو على النت وحصلت له هذه

الصفحه على موقع لينكد ان وكاتب في وصفه

المهني انه رئيس عمليات بخبره كبيره في

مجال السيارات وعنده مهارات عاليه في

الاداره والمبيعات اعتقد بعد ما شفنا قصته

كل نقدر نكون شاهدين على هالشي ولهن نكون

وصلنا لنهايه قصتنا اذا عجبتكم لا تنسوا

اللايك واشتركوا في القناه وفعلوا زر

الجرس واذا فاضين هذه مقاطع رهيبه ثانيه

تقدرون تشوفونها وبس والله نشوفكم في

الفيديو الجاي ومع السلامه