Lakhasly

سلام عليكم ورحمة الله وبركاته

اليوم تعرفت على محمد اجمل صدفة شفته بحياتي وتعرفت عليه ولكن اقسم بالله قبل ما اتعرف عليه كنت اشوفه من بعيد اقول ياليت اتعرف عليه ونكون مع بعض قلت عندي احساس ان الحياة بترجع لي ومرت الايام الى ان جاء يوم اليوم اللي تعرفت عليه اللي هو اليوم من هذاك اليوم وانا لقيت الشخص اللي احتاجه بحياتي لقيت الشخص اللي اقدر اقول عنه اخوي اللي ماجبته امي لقيت الشخص اللي اعترفت له بأشياء كثيرة ماقدرت اقولها لاهلي !

اليوم الثاني
اليوم الاربعاء جيت اكمل اللي كتبته:

ميمو انسان من نظرته تحس فيه شعور الاخوة
انسان تقدر تقول عنه اخوك ميمو انسان لذاذات الحياة ،
ميمو مدري كيف خطيت خطوة اجتماعية عشان اتعرف عليه بينما انا انسان انطوائي ماحب اتعرف على ناس في حياتي كلها ماتعرفت الا على كم شخص وماقدرت اكمل معهم جتنى غدرة منهم والى الان مانسيتها ولكن بقيت مع اخواني ع م م ر الاربع الاحرف تبقى بقلبي واقسم بالله اني مراح انساها طيلت حياتي كلها باذن الله ، وبس اكمل بعد كم يوم !

والان بعد عدة اشهر
اليوم الجمعة اكمل ماكتبته قبل :

اليوم علمت ميمو عن اللي فيني واللي امر فيه حاليا باليوم هذا بينما مر على وفاة ابوي 11 سنة ماقدرت اروح لإي شخص ثاني غير ميمو كتبت اشياء كثيرة بقلبي ارتحت بعدما قلت له أنسان غير حياتي انسان ممكن نقول من اسباب رجعتي للحياة حرفيا انا كنت امر بفترة انطواء واكتئاب وحتى حتى بكتب شي ميمو مايدري عنه واللي هو انا الان مرت سنة على علاجي SSRIs واللي هو بالمعنى العام مضاد الاكتئاب اكله قبل ماروح المدرسة عشان اطلع الوجه الثاني مني بالابتسامة وبس نوقف لهنا ونكمل بعد كم يوم

سلام اسف سحبت عليك صح يلا رجعت اكمل لكم بعد مرور اسبوعين:

الكلام اللي بداخلي مقدر كيف اطلعه من داخلي لكن انا بكتب كلشي بخاطري ،
اولا اليوم الاحد الساعه 5:30

ميمو اخ اقدر اقول من اللحين انه شخص اقدر اسند ظهري عليه اقدر اقول هو اللي ممكن يطلعني من اللي عايشه من سنة عليه ، تخيلو عاد قبل فترة علمته عن L وكان هو اول شخص يدري انا عشت لاول مرا حياة جديدة

سلام رجعت لكم بعد اسبوع اليوم الخميس

ميمو ان شاء الله تكون طيب
بقولك شي
انا كذبت عليك الصراحة يوم قلت لك ان ابي اطلع معكم اليوم
ماكنت ابي تعرفون عن اللي فيني
الخميس كنت في المستشفى وطلع معي شي مقدر اقولك شي عنه عشان اهلي قالو لي لاتعلم احد لكن لكن من بعد ماسمعت وش اللي فيني بديت افكر باشياء كثيره
المهم تكفى ان شلت حاجه بخاطرك مني سامحني وانا اخوك بس

اليوم السبت اتصلت على ميمو طول صبحي معه:

قبل ماتصل عليه انا كنت ماخذ حبه من SSRIs المضاد المهم عشان ماطلع حزني له ابغى اسعده لكن انا ماحبيت ارده يوم يسئلني عن اللي فيني ماحبيت ارده وقلت له كم اخذت حبه والخ… المهم يوم قاعد يسئلني بديت اهلوس براسي لان راح مفعولها ماحبيت ابدا اني اعلمه وصراحة كان كل مايسئل اسلك له لكن كنت اعلمه بالصدق بعدها رحت اخذت حبه ثانية ورجعت لوضعي اللي قبل لكن بعد ماكلته تقريبا بنص ساعة بديت افكر بكلشي قدامي يسولف حرفيا وكنت اهلوس بشخصية طبيب نفسي اللي هو انا قاعد اهلوس بشخصيتي ويسئلني لكن كلمته ماكان يكمله عشان كان يختفي صوته كان يقول متى بتنت… ويختفي صوته ويتكلم شخص ثاني كان عزام كان يقولي والله ياويلك تسويها ياويلك تسويها ياويلك تتركنا ان رحت والله مسامحك وبعدها اختفى عزام وانا اتكلم ابي ارد عليه لكن صوتي ماسمعه ليييههه . لكن اتوقع كنت اكلم محمد عشان كذا مايطلع صوتي او شي لكن والله مدري وش قلت له لالا استغفرالله تذكرت قلت اني تغديت لكن انا ماتغديت رحت اهوجس مع شخص ثالث بعدها رديت عليه قلت له ان اهلي تغدو رز ودجاج وقلت له انا تغديت تونة حرفيا مدري كيف قلت له اكلت تونه .. بعده استوعبت اني معه بمكالمة ومارجعت حالتي النفسية وقلت له مقدر اكمل مكالمتي معك .، وبسس سلاااام

اليوم خميس
حبيت اكتب بعض الاشياء

كتمت داخلي وكتمت بقلبي
حتى صعبة الحياة علي
لكن عندي شي اقول له ما اريد
لكن..
اخاف ان اتكلم فيحزن معي
لا أريد الأنفجار لكن للأسف
أنفجرت كثيراً "مع ذاتي'
كان هاذا كله في الماضي والان

.

رحل من كنتُ أحبه 𝙱𝙰𝙱𝙰𝙼
وأصبح نجمة من نجوم السماء
وبعد رحيله..
أصبحث انتظر رحيلي معه لكي أُصبح نجمة معه
ونلهو في السماء الكبيرة معاً.
رحمه الله

اليوم الخميس بعد يومين من العملية:

جيت بفضفض لك كل اللي فيني طالما ماعندي احد غيرك المهم طبعا قاعد اكتب وانا اصيح من الالم ومدري اصيح من الالم ولا المراكمة في الدراسة ولا عن العملية تحديد استئصال القولون عشان عندي التهابات شديدة ولا من ايييششش يعني ، اخخخ تعبت من اشياء تصير في حياتي مابيها يعني حتى اشتقت لناس افتقدهم ادري ان هذا قضاء وقدر لكن بعض الاحيان احس احتاج بابا مرااا اليومين هذي احتااااااجه مرا ، تخيلي لدرجة في العملية مسكت يد الدكتور ولا فكيته كامل مدة العملية قريب ساعتين حسيت بشعور الابوة لو ابو كم ساعه بس

معليش يمكن خليتك تحزنين ولو شوي معي بس قلت ارسلك واطلع كل اللي بداخلي ابي ارتاح 😩🤍

سحبت عليكم فترة صح عادي رجعت اليوم بحلم اعوذ بالله من الحلم

الحلم حقي :

تمر ايام وتمر الشهور الى ان وصلنا
يوم ٢٠٢٣/١٢/٤ ، المهم قمت النوم رحت اتفرج اشياء في جواله قلت بتصل عليك بسولف معك دقيت عليك ماترد دقيت اتصال ماترد كمان قلت اكيد محمد صار له شي واروح لبيتك الاقي فيه عزاء المشكلة انا كنت جاي بيجامة البيت المهم اشوف اخوك احمد يبكي اقوله وش فيك يقول محمد مح… ويصيح اقوله وش فيه محمد ولا يجيني واحد يقولي محمد توفي اليوم هنا انا طبعاً ماقدرت اصبر ورحت لاخر مكان يمكن اروح له قعدت اصايح لحالي لمدة ساعات بعده اناظر جوالي اللي اشوف امي متصلة علي اكثر من ٣٣ مرة ودقيت واشوف امي تصيح انا قلت فيه شي والمشكلة انا قاعد اصيح والا هي تقولي اخوانك فقدناهم انا هنا مادري شسوي اصيح على مين على محمد ولا اخواني بعده بربع ساعه اغمى علي قعدت مغمى علي فترة طويلة مرا فجاءه اقوم الدكتور سوى احتفال عشاني قمت المهم انا نسيت كلشي يوم سئلت الدكتور قلت له انا من متى مغمي علي وهو يقولي من ٦ سنوات مغمى علي انا هنا انفجرت جتني صدمة قويية وش ٦ سنوات راحت من حياتي هييههه وش فيه بعدين سئلته قلت وين اهلي وهو يصدمني يقولي الله يرحمهم انا هنا دخلت حالة ثانية المهم وتمر الايام والشهور المهم بعدين اشوف رايز طبعا رايز كبير يوم شفته اقول الانسان ذا اعرفه انا واروح اكلمه واقوله انت رايز وهو يقولي ايه بعدين اقوله عرفتني وهو يقولي والله اني مشبه عليك بواحد اتوقع انه توفى مع عائلته انا هنا جتنى بكية الارض واقوله انا فيصل خويك وهو يصيح بعدين سئلته عنك اقوله محمد وينه (طبعاً انا نسيت وش صار فيك) عاد هو يقولي محمد قبل ٦ سنوات اعطاك عمره انا هنا جاني فلاش باك للماضي واتذكر اخوك احمد يوم اسئله المهم بعدين قلت لرايز اهله باقي موجدين فبيتهم وهو يقولي ايه وانا ماصدقت خبر واخذه معي ونروح لبيتكم المهم انا ادق الباب بعدين يطلع لي واحد يرحب فيني يقولي خال فيصل خال فيصل وانا اقول مين انت فجأة يطلع احمد اخوك متزوج اختي الصغيرة انا هنا جتنى صدمة وش الزواج ذا ومدري ايش ومين انت واروح ادرعم للبيت واشوف اختي كبيرة وأقوله انتي اختي وهي تصيح تقول ايه انت وينك من سنين وانا واحمد ندور عليك انا طبعا للحين الصدمة باقي موجوده المهم قلت لاختي من باقي حي وهي تقولي فيصل انت كبيرنا الباقي وانا اقوله كلهم راحو كل عيال ملفي الا انا وهي تقول ايه انا هنا دخلت في صدمة كبييررره طبعا اخذت احمد واختي لبيتنا
اما اروح لبيتنا اناظر في بنت مع اولاده عند بيتنا انا قلت هذي اكيد اختي الكبيره واروح اكلمها وهي تقولي خال فيصل اخيرا شفتك تطلع بنت اختي فتفوت هيييههه وش فيييههه وش صاير طبعا بعد الصدمة هذي كلها تجيني اقوى صدمة في الحياة يوم احمد يكلمني يقول فيصل في رساله محمد قبل مايموت كتبها وقال هذي لفيصل اخوي الكبير محد يفتحها غيره المهم جيت فتحتها بقراها والا فجاءة اصحي من النوم وانا ابكي من الحلم اللي صار لي

رد ميمو:

اعوذ بالله الله يكفيك شر هالحلم . وباذن الله ماهو صاير شي . الي الي كاتبه ربي بيصير . صح اني خفت شوي بس ماهو صاير شي ان شاء الله . انت لاتشيل هم معليك . لهدرجه تحبني حتى اطلع لك بالحلم ههههههه . والله توقعت اني احتياط عادي يعني ماني مهم . فا لاتشيل هم ان يصير هذا شي باذن الله ماهو صاير . وفنهايه هذا حلم . لكن سويت غلط انك فسرته . مفروض اذا حلمت حلم مزعج ولا هو زين قول اعوذ بالله اللهم اكفني شر هالحلم . وبس والله معليك انا معك باذن الله الين اروح قبري . ناشب ناشب . المهم محد دمع . عدي اصيح يوم قلت اخوي فيصل الكبير عندي رساله محد يفتحها : واعيد واكرر لاتشيل هم انا معك الين القبر ونكمل بالجنه ان شاء الله . شقصدك وش جاب اخوي احمد اها يعني ماتبيه هههههههههههههههههههههههههههههههههههههههههههههههههههه . نوم العوافي جنم احبك بكل حالاتك عادي مدري اذا تبادلني الشعور ولا لا . المهم معليك ياقطعه من روحي . وترا بنهايه حلم . واذا مت هذا مقدر ومكتوب .