لخّصلي

ليه المغنيين بيتجهوا للتمثيل ليه المغنيين بيتجهوا للتمثيل المثل بيقولك واحنا هنا عندنا الي من غير داره يروح يمثل علطول. كلنا بنفكر في وقت من الأوقات اننا نعمل كارير شيفت، من هندسة بقى للبرمجة، من موظف لفريلانسر في مجال اتعملته وهكذا. وانك تتجه للتمثيل ده حاجة تانية خالص، اهلك بس واصحابك هيقعدوا يندبوك، لكن انت لو اتجهت للتمثيل وفشلت، فانت اتسجلت في التاريخ قدام الكل، الناس كلها هتتفرج عليك وانت بتفشل كده، يعني حاجة ربنا ما يكتبها عليك ومع ذلك فيه ناس بتطلع وفعلاً بتبقى موهوبة وبتقدم كتتييير للفن. فيه حاجات تانية اكيد زي لاعيبة الكورة، مشاهير السوشيال ميديا، المذيعين، ومحمود التيك توكر اللي بيعمل تيك توك ع اول الشارع، بعد 10 سنين تقريباً مش هتلاقي ناس في السينما، الشعب كله هتلاقيه في مهرجان الجونة، كله هيمثل. وهنا سؤال مهم اشمعنا يعني الغناء؟ انت بتغني أيه اللي جابك للتمثيل؟ والله هو الموضوع مهم دي سلسلة حلقات هنتكلم فيها عن المغنيين اللي دخلوا مجال التمثيل ونمسك اهم المغنيين اللي عملوا كارير شيفت في السينما. والحلقة دي البداية عن الموضوع بشكل عام اعتقد ان الإجابة متوقعة والكل تقريباً عارفها، الغناء هو من أوائل الفنون عموماً في تاريخ الانسان. ولو عملت سيرش بسيط هنلاقي مثلا ان اقدم اغنية ممكن البني ادم يكون يعرفها هي من 3400 سنة وكانت في سوريا وطبيعي انت هتترجم ان الاغنية كانت بتتكلم على ايه الموضوع طلع قديم جداً ان مع بداية السينما المصرية في التلاتينات، قرن من الزمن. لما بدأت السينما كمجال جديد، فهتلاقي مثلا اللي حصل ان مغنيين دخلوا المجال حزلقوم مش يمكن بطلع اعرف ) زي مثلا ام كلثوم اللي شاركت في أفلام زي فاطمة، سلامة، نشيد الأمل، وداد، عايدة. وبعد كده شوفنا باقي عمالقة الغنا زي عبد الحليم حافظ، محمد عبد الوهاب، شادية ومحمد فوزي والكل كان داخل يجرب، بس اللي كان غالب زي ما انت شايف كانوا عمالقة في الغناء، وكان التمثيل على الجنب كده معاهم. وكان بردو معظم الأفلام اللي كانوا بيشاركوا فيها، وبيبقى دور المغني اللي راح للتمثيل، فبيطلع صوته حلو، وبيغني والفيلم بيبقى فيه اكتر من اغنية. اللي كانت عبارة عن قصة حب بين شاب اسمه باهر وبنت اسمها وداد اللي هي ام كلثوم، واللي كان صوتها جميل جداً بيجذب باهر ليها وبيحصل صعوبات وتحديات وتنتهي في الاخر كعادة أي عمل مصري في الوقت ده وفي الوقت الحالي وحياتك انهم يتجوزوا ويعيشوا مع بعض في تبات ونبات. بس هل الموضوع بس عشان كنا بنجرب وخلاص ومش عارفين مين يمثل ومين لأ؟ فكان من افضل الطرق اللي تجيب مع الناس، اللي هو بدل ما اجيب ممثل لسه صاعد حتى ولو كان موهوب، فانا الاسهل ليا اني اجيب واحد مشهور جاهز وعنده شعبية واي حاجة هو هيعملها الناس هتتابعها. وفي الفترة دي كانوا المغنيين الأكثر شعبية عموماً، وابرز مثال على ده فيلم الوسادة الخالية لعبد الحليم حافظ، واللي ساعتها حقق إيرادات كبيرة جداً وفضل في السينما لمدة طويلة مقارنة بباقي الأفلام. انك بدل ما تستنى انك تصنع نجم ف انت تجيب نجم جاهز، حتى لو كان اداؤه قدام الشاشة حاجة زي عبد الحيلم حافظ، طبعاً محدش يقدر يختلف على عبد الحليم كمغني، هو فوق المقارنة أصلا اداؤه التمثيلي ممكن يسببلك ضغط عصبي، وبدل ما كنا بنشوف كام مغني، بقى عندنا أجيال بتسلم بعضها في الموضوع، احنا داخلين في حتة خطر. دوس بس لايك وسبسكرايب واقولك انا عايز أقول ايه عشان يحقق نجاحات وايرادات عالية، بما ان الشهرة بقت العامل الأساسي للاختيار، بقينا بنلاقي عادي لاعيبة كورة بدأت تمثل، زي صالح سليم، احمد صلاح حسني، خالد الغندور com/watch?v=Z2z-NCVM7-I وفعلاً هي ظاطت، ياريتها جت ع الاعيبة والمغنيين بس، دخلنا في الملاكمة ولاقينا الشحات مبروك في تحفة فنية اسمها علقة موت، حاجة في منتهى. في منتهى. والله ما عارف أقول في منتهى ايه، بس انت عارف احنا وصلنا لفين https://www. facebook. com/watch/?ref=search&v=1449926751722758&external_log_id=00078808-a8fd-424e-95c4-57a46d9e5c8e&q=%D9%85%D8%B4%D9%87%D8%AF%20%D9%85%D9%86%20%D9%81%D9%8A%D9%84%D9%85%20%D8%B9%D9%84%D9%82%D8%A9%20%D9%85%D9%88%D8%AA الفيلم جمع افضل الطرق انك تطلع اسوء فيلم في التاريخ في فيلم واحد، اللي هو من ناحية متعملش كده تاني ها. وكان ساعتها مع الشحات مبروك كان معاه ممدوح فرج وغسان مطر، الفيلم من اخراج نومة العصاري، اللي هو صاحي انت مش فاهم مين فين. هل بعد كل ده بقي نتهد ونسكت وخلاص نختار بعناية مين يمثل ومين لأ؟ بس ازاي؟ نجيب طارق علام، اللي هو اعلامي ومقدم برامج، تعالى اعمل فيلم اسمه مهمة صعبة، والصراحة الفيلم كان مهمة صعبة جداً انك تتفرج عليه وتكمله. وهوب مرة واحدة دخلنا في الراقصات ثم الرابرز واخيراً التيك توكرز وهنا السؤال

ليه المغنيين بيتجهوا للتمثيل

ليه المغنيين بيتجهوا للتمثيل
المثل بيقولك
من غير داره ينقل مقداره

واحنا هنا عندنا الي من غير داره يروح يمثل علطول..
كلنا بنفكر في وقت من الأوقات اننا نعمل كارير شيفت، من هندسة بقى للبرمجة، من موظف لفريلانسر في مجال اتعملته وهكذا..
بس انك تعمل كارير شيفت في أي مجال ده حاجة، وانك تتجه للتمثيل ده حاجة تانية خالص،
اصل لو انت سبت الهندسة وروحت للبرمجة وفشلت، فمحدش هياخد باله، اهلك بس واصحابك هيقعدوا يندبوك، وفي الاخر الموضوع هيعدي..
لكن انت لو اتجهت للتمثيل وفشلت، فانت اتسجلت في التاريخ قدام الكل، الناس كلها هتتفرج عليك وانت بتفشل كده، يعني حاجة ربنا ما يكتبها عليك
ومع ذلك فيه ناس بتطلع وفعلاً بتبقى موهوبة وبتقدم كتتييير للفن..

ولو اتكلمنا على الناس اللي اتجهت للتمثيل ك كارير شيفت، فانت هتلاقي المغنيين من اكتر الناس اللي اتجهت للتمثيل.. فيه حاجات تانية اكيد زي لاعيبة الكورة، مشاهير السوشيال ميديا، ستاند اب كوميديان، المذيعين، ومحمود التيك توكر اللي بيعمل تيك توك ع اول الشارع، وخلاص يعني دلوقتي الحمدلله وصلنا لمرحلة كويسة جدا، كله بقى بيمثل، بعد 10 سنين تقريباً مش هتلاقي ناس في السينما، الشعب كله هتلاقيه في مهرجان الجونة، كله هيمثل..

وهنا سؤال مهم
اشمعنا يعني الغناء؟
انت بتغني أيه اللي جابك للتمثيل؟
والله هو الموضوع مهم
بس الأهم من ده انك تدوس لايك يا صديقي وبالمرة اعمل سبسكرايب عشان تكون معايا في الصورة..

دي سلسلة حلقات هنتكلم فيها عن المغنيين اللي دخلوا مجال التمثيل ونمسك اهم المغنيين اللي عملوا كارير شيفت في السينما..
والحلقة دي البداية عن الموضوع بشكل عام

الأول خلينا نشوف مين الاقدام
الغنا ولا التمثيل؟
اعتقد ان الإجابة متوقعة والكل تقريباً عارفها، الغناء هو من أوائل الفنون عموماً في تاريخ الانسان..

ولو عملت سيرش بسيط هنلاقي مثلا ان اقدم اغنية ممكن البني ادم يكون يعرفها هي من 3400 سنة وكانت في سوريا
وطبيعي انت هتترجم ان الاغنية كانت بتتكلم على ايه
الاغنية كانت بتمجد الالهة نيكال اللي كانوا بيعتبروها بتحرس الحدايق والبساتين..

الموضوع طلع قديم جداً
اومال انت فاكر ايه

بعد كده جه بعدها مجال التمثيل اللي بداً في بدايات القرن التاسع عشر ومن هنا المجالين انطلقوا وبقوا ملازمينا طول اليوم، بقوا شيء أساسي في حياتنا ومتقدرتش تعدي يوم من عير م تتتعرض لحاجة فيهم...

المهم نكمل

اللي حصل وان ده من تحليلنا الخاص
ان مع بداية السينما المصرية في التلاتينات، يعني داخلين ع الـ 100 سنة، قرن من الزمن..
لما بدأت السينما كمجال جديد، فـ أحنا منعرفش مين ممثل جيد ولا ممثل نص نص، مكنش فيه زي دلوقتي، وكطبيعة مجال جديد واحنا لسه بنبدأ فاحنا بنجرب، فهتلاقي مثلا اللي حصل ان مغنيين دخلوا المجال
من باب ادينا بنجرب..
( حزلقوم مش يمكن بطلع اعرف )
زي مثلا ام كلثوم اللي شاركت في أفلام زي فاطمة، ودنانير، سلامة، نشيد الأمل، وداد، عايدة..

وبعد كده شوفنا باقي عمالقة الغنا
زي عبد الحليم حافظ، محمد عبد الوهاب، شادية ومحمد فوزي والكل كان داخل يجرب، بس اللي كان غالب زي ما انت شايف كانوا عمالقة في الغناء، وكان التمثيل على الجنب كده معاهم..

وكان بردو معظم الأفلام اللي كانوا بيشاركوا فيها، كان الغنا هو العنصر الغالب فيها، وبيبقى دور المغني اللي راح للتمثيل، بيبقى دوره بيتمحور حوالين الأغاني بردو، فبيطلع صوته حلو، وبيغني والفيلم بيبقى فيه اكتر من اغنية..

زي اللي حصل في في فيلم وداد لأم كلثوم اللي كان في سنة 1935، اللي كانت عبارة عن قصة حب بين شاب اسمه باهر وبنت اسمها وداد اللي هي ام كلثوم، واللي كان صوتها جميل جداً بيجذب باهر ليها وبيحصل صعوبات وتحديات وتنتهي في الاخر كعادة أي عمل مصري في الوقت ده وفي الوقت الحالي وحياتك
انهم يتجوزوا ويعيشوا مع بعض في تبات ونبات...

وكررها طبعاً عبد الحليم في أفلام كتير زي الوسادة الخالية وابي فوق الشجرة وفتى احلامي وافلام كتييرة جداً..

بس هل الموضوع بس عشان كنا بنجرب وخلاص ومش عارفين مين يمثل ومين لأ؟
اللي حصل ان الإنتاج دخل ، والإنتاج دايماً واكيد هو عايز فلوس
فكان من افضل الطرق اللي تجيب مع الناس، اللي هو بدل ما اجيب ممثل لسه صاعد حتى ولو كان موهوب، فانا الاسهل ليا اني اجيب واحد مشهور جاهز وعنده شعبية واي حاجة هو هيعملها الناس هتتابعها..
وفي الفترة دي كانوا المغنيين الأكثر شعبية عموماً، فكانت فرص نجاحهم عالية جداً وبتجيب مع الناس، وابرز مثال على ده فيلم الوسادة الخالية لعبد الحليم حافظ، واللي ساعتها حقق إيرادات كبيرة جداً وفضل في السينما لمدة طويلة مقارنة بباقي الأفلام...

وده كان الاتجاه بتاع الإنتاج، انك بدل ما تستنى انك تصنع نجم ف انت تجيب نجم جاهز، حتى لو كان اداؤه قدام الشاشة حاجة زي عبد الحيلم حافظ، طبعاً محدش يقدر يختلف على عبد الحليم كمغني، هو فوق المقارنة أصلا
بس لما بييجي في التمثيل، ساعتها انت مش بتعرف تفرق هل هو بيغني ولا بيمثل، طب هيغني أصلا وسط المشهد ده ولا هيعمل ايه، اداؤه التمثيلي ممكن يسببلك ضغط عصبي، متعرفش تفهم ايه اللي بيحصل بالظبط..
وبعد ما كنا فاكرين ان الموضوع هيقعد فترة وهيختفي، ف لأ الموضوع م اختفاش، بل اتضاعف، وبدل ما كنا بنشوف كام مغني، بقى عندنا أجيال بتسلم بعضها في الموضوع، شوفنا محمد فؤاد وعامر منيب ومصطفى قمر وخالد سليم وحمادة هلال وليلة سعادتك..

بس اقولك على حاجة ممكن تفاجئك
احنا داخلين في حتة خطر...

دوس بس لايك وسبسكرايب واقولك انا عايز أقول ايه

الخطر هنا يا صديقي وهو الإنتاج..
الإنتاج اللي استغل نجاح المغنيين خارج السينما وبدأ انه يستقطبهم، عشان يحقق نجاحات وايرادات عالية، وهو غاضض النظر تماماً عن فكرة الموهبة اللي المفروض تكون العامل الأساسي لاختيار ممثل وتفضل ممثل عن التاني..

الإنتاج اللي ماشي بالعقلية دي وصل بينا لحالة صعبة جداً، بما ان الشهرة بقت العامل الأساسي للاختيار، بقينا بنلاقي عادي لاعيبة كورة بدأت تمثل، زي صالح سليم، ميدو، اكرامي، احمد صلاح حسني، خالد الغندور
https://www.youtube.com/watch?v=Z2z-NCVM7-I

وفعلاً هي ظاطت، ياريتها جت ع الاعيبة والمغنيين بس، دخلنا في الملاكمة ولاقينا الشحات مبروك في تحفة فنية اسمها علقة موت، حاجة في منتهى...، في منتهى...، والله ما عارف أقول في منتهى ايه، بس انت عارف احنا وصلنا لفين

https://www.facebook.com/watch/?ref=search&v=1449926751722758&external_log_id=00078808-a8fd-424e-95c4-57a46d9e5c8e&q=%D9%85%D8%B4%D9%87%D8%AF%20%D9%85%D9%86%20%D9%81%D9%8A%D9%84%D9%85%20%D8%B9%D9%84%D9%82%D8%A9%20%D9%85%D9%88%D8%AA

الفيلم جمع افضل الطرق انك تطلع اسوء فيلم في التاريخ في فيلم واحد، فالفيلم رغم كل اللي فيه لكنه علامة في السينما المصرية، اللي هو من ناحية متعملش كده تاني ها..

وكان ساعتها مع الشحات مبروك كان معاه ممدوح فرج وغسان مطر، وحاجة في منتهى الـ inception
الفيلم من اخراج نومة العصاري، اللي هو صاحي انت مش فاهم مين فين..

هل بعد كل ده بقي نتهد ونسكت وخلاص نختار بعناية مين يمثل ومين لأ؟
بس ازاي؟

نجيب طارق علام، اللي هو اعلامي ومقدم برامج، تعالى اعمل فيلم اسمه مهمة صعبة، والصراحة الفيلم كان مهمة صعبة جداً انك تتفرج عليه وتكمله..

وهوب مرة واحدة دخلنا في الراقصات ثم الرابرز واخيراً التيك توكرز

وهنا السؤال
رايحة بينا على فين تاني يا مصر؟
https://www.facebook.com/taha.abosalah/videos/2456611031184008

وهنا احنا بندخل في تناقض كبير
كون ان احنا دلوقتي تحت سيطرة السينما التجارية
السينما التجارية
وهي المقصود بيها الأفلام اللي هدفها الأول والأخير هو الربح والعائد المادي، واللي بيتصرف عليها كتير جدا على الدعايا والاعلانات عشان يقدروا يوصلوا لاكبر عائد مادي ممكن، حتى لو ده هيأثر على الجودة ولا الفن ولا الاحترافية، كل ده مش مهم قصاد العائد المادي..

المشكلة هنا يصديقي ان ده بيرجعنا نسأل الأسئلة الكبيرة نرجع للموضوع من الأول
انت اسااسا بتعمل فيلم ليه؟ وانت بتتفرج ع فيلم ليه؟

احنا بنعمل أفلام عشان بيبقى فيه فكرة في دماغنا عايزين نوصلها، عندنا رسالة او هدف حاجة عايز تقولها والفيلم هو الوسيلة بتاعتك عشان تقول اللي في دماغك ده، زي ما كان بيحصل زمان، أفلام زي الحريف والهروب والكيت كات والبيضة والحجر، أفلام كتيير بتعبر عن شيء ما فكرة عايز توصلها، وكل ما كانت الفكرة دي قريبة للناس وتمس حياتهم كل ما كان الموضوع بيجيب مع الناس اكتر وبيعلق معاهم...

ده اللي بيخلي فيه أفلام معلقة معانا لحد دلوقتي رغم انه مر عليها سنين كتيير جداً ولسه بنتفرج عليها..

لكن مع دخول السينما التجارية والسيطرة التامة اللي حصلت، فمبقتش الفكرة تتعلق خالص انت عايز تقول ايه، ومبقاش مهم أصلا انت عايز تقول حاجة ولا لأ..

المهم الفيلم هيجيب كام، النوع ده من التفكير بيفقد الأشياء معناها، عارف لما تعمل حاجة بتحبها، وبعد كده تتحول لوظيفة فتبدأ انك تكررها كل يوم لحد م تكرهها..

ده اللي بيحصل في السينما في الوقت الحالي

السينما هي شغف، بتجمع فنون كتييرة مع بعضها، موسيقى وتمثيل وديكور ومكساج، كل واحد فن مختلف ليه عالم كبيير خاص بيه

فلما يحصل ان بعد كل ده متقولش حاجة في الاخر، عملت كل ده عشان تقولي ان البطل بيحب البطلة وفي الاخر هيتجوزوا
او ان البطل الشهم هينتصر على كل اعداؤه في الاخر

يعم عادي نعديها
لكن انك متقولش حاجة خالص او انك متحطش ده في الاعتبار أصلا والتفكير كله يكون لجل العائد المادي فهنا الخطر

هنا الخطر وهنا فيه معضلة..
وهي
انك عندك أفلام من غير فن ومع ذلك نجاح كبيير جداً على المستوى الجماهيري
وهنا تدخل في معضلة متعرفش حلها ايه؟
هل لازم تمشي ورا الجمهور حتى لو كان غير احترافي؟
ولا تعمل سينما بجد وتأثر فيهم وتغير منهم؟

الإجابة ليك
بس قبل ما تجاوب لايك وسبسكرايب
واستناني في باقي حلقات السلسلة ...
سلام