لخّصلي

في مسلسل ألماني إسمه دارك المسلسل بيتكلم عن الشاب يوناس أو يونس واللي والده بينتـ، حار والده هو نقطة مفصلية في أحداث المسلسل ولكن بتكتشف أن المسلسل بيدور حول شخص غامض يدعى آدم يسعى إلى تدمير العالم أو على الأقل أن يترك الأمور تسير في مسارها رغم علمه بموعد التد مير وهنا بيسعى الشاب يوناس صاحب ال ١٧ عام إلى منع ادم "الشخص المشو ه شابا وعجوزا" من مخططه بمساعدة رجل اربعيني غامض لكن بعد فترة بيكتشف يوناس أنه هو الرجل الاربعيني وأنه هو ادم في مرحلة متأخرة من عمره وبينكر الحقيقة ديه ولكن بعد فترة بيكتشف أن كل خطوة كان بيخطوها للابتعاد عن الحقيقة ديه هى نفسها اللي كانت بتقربه منها. طب إيه علاقة الكلام ده بأحمد الفيشاوي ومنى هلا ؟. المهم محمود سعد كان محاور ثعلب وبيسأل اسئلة في الصميم فسأل الفيشاوي وقاله إيه رأيك في البوس في الافلام فقاله مبحبش البوس في الافلام قاله غريبة ده ابوك بيموت في البوس ، طب ايه رأيك في حجاب الست فقاله الافضل أنها تتحجب لو هي عايزة ده فسأله لو لك اخت ترضى أنها تمثل فقاله وايه يعني فمحمود سعد قاله بالحجاب ولا من غير فقاله بالحجاب. إذاً فإحنا كنا أمام ممثل ماشي في نفس سكة حسين صدقي الله يرحمه واللي هو شوية وهيعتزل لكن فجأة قضية زواج ونسب عليه وفجأة بيتصدر الشاشات والإذاعات والأخبار في الصحف وكأن الإعلام ما صدق إن الراجل اللي بيقول كذا كذا سقط من برجه وهوب هوب هوب. ده مش عارف ايه وكل ده في ظرف عشرين سنة من لقائه مع محمود سعد . لو كنت سألت احمد الفيشاوي نفسه عن كل اللي حصل ده في حياته أو جبت له "فرضا" عراف بيشوف المستقبل"لا يعلم الغيب الا الله" وقاله أنت هيحصل معاك كذا كذا كذا فعمره في حياته ما كان هيصدق الكلام ده وهيقول لا يمكن أعمل كده. منى هلا كانت زميلة لأختي في الكلية بس اكبر منها بس وعلى حد وصف اختي لها انها بنت بملامح هادئة وصارمة وكلامها مكنش كتير ولا غاوية شعبية. اهي البنت ديه وهي عندها ١٦ راحت لمديرة إحدى القنوات وقالت لها أنا عندي فكرة برنامج للاطفال إسمه "يلا بينا" ، منى هلا فيما بعد بقت رمز لفكرة الافلام المستقلة الجريئة واللي بيطلق عليها "أفلام حرية الجسد" وفيما بعد تركت مصر واتكلمت عن فكرة المساكنة والزواج المدني مؤخراً. أنا وأنت والقاريء تفتكر كنا بنفس المباديء بنفس الأفكار بنفس طريقة التفكير ولا الوقت قدر يغيرنا سواء للاسوء أو للأحسن بس كل اللي نقدر أقوله يا رب نتغير للأحسن.

في مسلسل ألماني إسمه دارك المسلسل بيتكلم عن الشاب يوناس أو يونس واللي والده بينتـ،،حر وبتتشقلب حياته من بعدها رأساً على عقب ، في البداية بتظن أن حادث انتـ،،حار والده هو نقطة مفصلية في أحداث المسلسل ولكن بتكتشف أن المسلسل بيدور حول شخص غامض يدعى آدم يسعى إلى تدمير العالم أو على الأقل أن يترك الأمور تسير في مسارها رغم علمه بموعد التد مير وهنا بيسعى الشاب يوناس صاحب ال ١٧ عام إلى منع ادم "الشخص المشو ه شابا وعجوزا" من مخططه بمساعدة رجل اربعيني غامض لكن بعد فترة بيكتشف يوناس أنه هو الرجل الاربعيني وأنه هو ادم في مرحلة متأخرة من عمره وبينكر الحقيقة ديه ولكن بعد فترة بيكتشف أن كل خطوة كان بيخطوها للابتعاد عن الحقيقة ديه هى نفسها اللي كانت بتقربه منها.

طب إيه علاقة الكلام ده بأحمد الفيشاوي ومنى هلا ؟.

احمد الفيشاوي له لقاء مشهور اوي مع محمود سعد رغم أن الفيشاوي عمل لقاءات لا حصر لها لكن دائما وأبدا لقائاته مع محمود سعد كانت فيها لغط والأعلى مشاهدة ومنهم لقاء اتشال فيه محمود سعد من برنامج البيت بيتك ورجع بأمر جمهوري بس ديه قصة تانية المهم اللقاء ده كان في برنامج إسمه حلو وكداب وساعتها الفيشاوي الصغير كان بيقدم برنامج توعوي مع احمد الشقيري إسمه يلا شباب ، البرنامج كان الهدف الأساسي منه أنه يعلم الشباب الصغير الدين بس بلغة عصرية ، المهم محمود سعد كان محاور ثعلب وبيسأل اسئلة في الصميم فسأل الفيشاوي وقاله إيه رأيك في البوس في الافلام فقاله مبحبش البوس في الافلام قاله غريبة ده ابوك بيموت في البوس ، طب ايه رأيك في حجاب الست فقاله الافضل أنها تتحجب لو هي عايزة ده فسأله لو لك اخت ترضى أنها تمثل فقاله وايه يعني فمحمود سعد قاله بالحجاب ولا من غير فقاله بالحجاب.. سؤال تاني سأله محمود سعد عن الفنانات اللي بيحبهم الفيشاوي فقاله بحب كذا وكذا وكذا فقاله طب وهند رستم فقاله مش بحب أدوارها عشان جريئة.. الى اخر الحوار.. إذاً فإحنا كنا أمام ممثل ماشي في نفس سكة حسين صدقي الله يرحمه واللي هو شوية وهيعتزل لكن فجأة قضية زواج ونسب عليه وفجأة بيتصدر الشاشات والإذاعات والأخبار في الصحف وكأن الإعلام ما صدق إن الراجل اللي بيقول كذا كذا سقط من برجه وهوب هوب هوب.. احمد الفيشاوي بيضرب تاتو.. احمد الفيشاوي بيشرب كذا .. ده متصور سكران .. ده مش عارف ايه وكل ده في ظرف عشرين سنة من لقائه مع محمود سعد .. لو كنت سألت احمد الفيشاوي نفسه عن كل اللي حصل ده في حياته أو جبت له "فرضا" عراف بيشوف المستقبل"لا يعلم الغيب الا الله" وقاله أنت هيحصل معاك كذا كذا كذا فعمره في حياته ما كان هيصدق الكلام ده وهيقول لا يمكن أعمل كده.

منى هلا كانت زميلة لأختي في الكلية بس اكبر منها بس وعلى حد وصف اختي لها انها بنت بملامح هادئة وصارمة وكلامها مكنش كتير ولا غاوية شعبية.. اهي البنت ديه وهي عندها ١٦ راحت لمديرة إحدى القنوات وقالت لها أنا عندي فكرة برنامج للاطفال إسمه "يلا بينا" ، البرنامج كان النسخة الحديثة لبرامج الأطفال بتاعه ماما نجوى وماما سامية شرابي واي برامج للأطفال بس مضروبة في بعض وبتعمل ٣ فقرات وانا كنت بحب اتفرج عليها وانا طفل في ال ١٥ من عمري واللي هو تقريبا من دور منى بس العفوية اللي كانت بتقدمه بيها منى يخليك أو يجبرك تقعد تشوف البنت ام عيون ملونة بتقول إيه ؟.

بعدها منى عملت افلام زي الباشا التلميذ مثلاً ومسلسلات خفيفة والدنيا حلوة زي اي بنت في سنها لكن فجأة بتقرر تعمل أفلام بميزانيات متوسطة وتعمل فيها دور البنت الجريئة زي بالالوان الطبيعيه وفيلم تاني ليلي علوي وفاروق الفيشاوي وحتى اول فيلم عملته عالمياً كان اسمه Cairo Time وكانت طالعة شابة حامل بدون زواج وبتقابل بطلتنا في القاهرة وبتساعدها تهرب تقريباً.. منى هلا فيما بعد بقت رمز لفكرة الافلام المستقلة الجريئة واللي بيطلق عليها "أفلام حرية الجسد" وفيما بعد تركت مصر واتكلمت عن فكرة المساكنة والزواج المدني مؤخراً.

إيه اللي حصل للشابة منى هلا بعد عشرين سنة .. إزاي البنت اللي بدأت حياتها ببرامج للأطفال اخدت قرار مع نفسها انها لا تصلح للأمومة ولغت الفكرة من دماغها.. طب بلاش الفيشاوي ومنى .. أنا وأنت والقاريء تفتكر كنا بنفس المباديء بنفس الأفكار بنفس طريقة التفكير ولا الوقت قدر يغيرنا سواء للاسوء أو للأحسن بس كل اللي نقدر أقوله يا رب نتغير للأحسن.