Lakhasly

السلام عليكم ورحمة الله انا رح احكي قصتي لعل وعسى يكون الي مخرج وتكون عبره للبنات وسامحوني اذا خانني التعبير انا ست متزوجه من ٢٧ سنه سكنت بالعائلة الام والاب والاخوات وسلفات زوجي انسان محترم ورضي والدين توفت حماتي وحماي الله يرحمهم ويسكنهم فسيح جناته ضلو البنتين وحده الله سهل عليها وتزوجت وضلت وحده كبيره بالعمر ساكنه معي والله عمري ما حسستها انه هي ممكن تكون عائق بحياتي اكل شرب طلعات وأشياء يجيبها زوجي الي يحسب حسابها عادي وكانت الأمور ماشيه حتى شغل بيت ما بخليها تصيب اشي معي كونها عمرها بالستين مع العلم صحتها ممتازه الحمد لله ما معها اي،

سؤال من عضوة ٣٨

السلام عليكم ورحمة الله انا رح احكي قصتي لعل وعسى يكون الي مخرج وتكون عبره للبنات وسامحوني اذا خانني التعبير
انا ست متزوجه من ٢٧ سنه سكنت بالعائلة الام والاب والاخوات وسلفات زوجي انسان محترم ورضي والدين توفت حماتي وحماي الله يرحمهم ويسكنهم فسيح جناته ضلو البنتين وحده الله سهل عليها وتزوجت وضلت وحده كبيره بالعمر ساكنه معي والله عمري ما حسستها انه هي ممكن تكون عائق بحياتي اكل شرب طلعات وأشياء يجيبها زوجي الي يحسب حسابها عادي وكانت الأمور ماشيه حتى شغل بيت ما بخليها تصيب اشي معي كونها عمرها بالستين مع العلم صحتها ممتازه الحمد لله ما معها اي،مرض انا كبرت وتعبت كل تعب العيله السنين وانا قايمه فيهم من مرض من طبيخ من ضيوف من كل شي وانا بابي ما يتسكر علي ما احس بطعم الراحه حتى بغرفتي كبرو ولادي وجوزت اثنين وبلشت صحتي تتعب اكتشفت مع التحاليل عندي ورم وبنت حماي البنت مو مقدره مرضي ولا سنين عمري اللي كنت اشيلهم شيل فيها ما بترفع كاسه بتدخل في كل صغيره وكبيره ما في خصوصيه ابدا وسلافي وسلفاتي رافعين ايديهم عنها ما حدا سأل عنها الا انا وزوجي واولادي بتروح احيانا عندهم بتوخدلهم هدايا وبتقوم وتشتغل ببيتهم والله وانا ما بتشيل كاسه بتعب ما بتسأل عني ولا بتعرف مالي زوجي حنون كتير واولادي حناين وزوجاتهم الله يرضى عليهم والله بعمري ما قصرت معهم سلفاتي رافعين أيديهم عنها وما بدهم اياها تيجي عليهم لأنها تحت مسمى عبئ وانا مجبوره فيها طول العمر انا بنت اصل ومربيه احسن تربايه من عائله فقيره ابوي كان معلمنا الأصول بس انا حاليا مريضه وضيوف بيجو ما بتقوم وبتضيف مثل الضيوف اذا بدي احكي معها بتزعل وبتعمل حالها داخت ومرضت وبضل اقوم فيها لأنها دايخه صابني سكر وضغط والان رحله علاج للورم كنايني حرام بنات عالم وناس بيجو علي بس بالاخر كل وحده بتروح بيتها مو الأولى انه بنت حماي تقوم بالبيت تخفف عني شوي بتعب كتير بدوخ برتفع ضغطي والسكر ما بتسأل عني بضلها يا نايمه او على التلفون او عند صاحباتها وبدها الاكل يجيها لعندها وهي مرتاحه تعبت من هالحياة اسفه على الاطاله وادعولي الله يصبرني ويشفيني وشكرا لاستماعكم