Lakhasly

على سيرة المناشف دامنا تكلمنا عنها أنا «ريفي» أذكر أول مرة قابلتك فيها كانت في معرض ما أذكر أيش كان، لكن كان فيه الجناح حقكم، مو بجناح، الكشك حقكم لكن كنتوا بالمدخل موجودين نعم هذا «زد إكس» نعم، «زد إكس» فيه «مازن الضراب» كان جاي يعرفني عليك وألقاك أنت حايس بالمناشف وتشيل وتحط تصدق أني ناسي هذه السالفة، اسلم حتى يوم قابلتك ثاني مرة، قبل أسبوعين تقريبًّا أو أسبوع ما عرفتك، يعني ما ربطت نفس الشخص اللي كان...
07:27
تمام جيت أنت بـ «زد إكس» نعم جيت «زد إكس» وجاء «مازن» عطاني نبذة كذا «ريفي» ومناشف، ووقتها قلت مناشف! يعطيكم العافية، فرحت بعدها يمكن اللي خلاني أنتبه أكثر لـ «ريفي» شفت الأرواب حقتكم، فيه حملة ما أدري كيف جاتني الأرواب اللي أيش تسمونها، اللي فيها... كابة اللي ما لها حبل نعم اللي فيها مو بقبعة، اللي فيها الهودي نسميها كابة نعم اللي على الرأس صراحة اختراع غيّر حياتي شريت يعني؟ أقنعناك؟ نعم اشتريته ممتاز، الحمد لله ما شاء الله، مو بيمتص المياه، يمتص روحك بعد شهادة نعتز فيها مو بطبيعي صراحةً فشفته وطبعًا كملت كعميل معكم
08:13
بالنسبة لي ما زال الموضوع حلو ومناشف لكن بعدين شفت كيف تطورون في المنتجات، وكيف قاعدين تعدلون بعدين سمعت عن تطوركم كمجموعة كيف أن صار فيه منتجات أكثر لكن شدني أكثر كيف تشتغلون على منتج بسيط مثل المناشف اللي أنا أول مرة استخدمته، لكن بعدين سمعت عن أرقامكم صراحة أداء مهول جدًّا فودي آخذ التجربة من البداية ليش مناشف أول شيء؟ فيه مناشف موجودة، ننشّف، مؤدية الغرض أيش اللي خلاك تقول فيه مشكلة هنا أبغى أشتغل عليها؟ طبعًا المنشفة وبدايتها لها قصة، لها احتياج كان بقول لك أيش هو الاحتياج لكن ترى المنشفة ما هي بأول مشروع، هي كانت متسلسلة
08:57
قبل المشروع كان في تجربة أو تجربتين قبل المنشفة أيش هي؟ وبعدين كملت المنشفة في الطريق اللي قبله أيش كان؟ مناديل؟ لا والله، كان إكسسوارات جوال، إكسسوارات حلى خليني أعطيك القصة، تعرف الواحد إذا أعرس وجاه مولود يبدأ يفكر ويهوجس، المستقبل، وكيف بشتري بيت؟ وتعرف احنا مهندسين، افتح صفحة إكسل واحسب بشتري بيت كم بيكلّف؟ طيب كم بوفر من راتبي؟ وكم يحتاجه عشان أدخر فجمعتها على بعضها كان وقتها راتبي 12 ألف وشوي قلت لو وفرت 5000 ريال شهريًّا بالسنة 60 ألف ، بالعشر سنين 600 ألف بالعشرين سنة 1.
09:51
2 مليون طيب يلا بشتري بيت، كم أسعار البيت ذلك الوقت؟ كانت 1.5 مليون تقريبًّا معناه بقعد عشرين أو خمس وعشرين سنة لا، ما هي مخارجه بقعد أوفّر عشرين سنة وأصك على روحي طيب لو أبي سيارة؟ طيب عيالي كبروا يبون سيارات؟ فوقتها قلت لا، لا يبغى لي غير الوظيفة أنا كنت مهندس، وأول ما بديت في «أرامكو» لا، قضية أني أستمر موظف ما تصلح يا أما يكون فيه دخل ثاني وظيفة أخرى يا أما أني أنتقل وأشوف أيش الحلول لازم أحل الموضوع فبديت أهوجس بالتجارة ذاك الوقت لكن أنا من عائلة ما فيها تجار، كلهم موظفين والوالد، الله يغفر له، أيضًا كان موظف وحتى قضى أربعين سنة في الوظيفة
10:40
لكن الوالد كان حركي، الله يغفر له بعد الدوام يجرب، مرة يفتح له مصنع، مرة يفتح له مطبعة، يعني يحاول كان تقدر تسميه تاجر هاوي إلى أن، الله يغفر له، ما تقاعد بعد التقاعد تفرغ للتجارة وعمره فوق الستين، وبدأ يجمّع فيها فجأنا قال يا عيالي أنتم، الحمد لله، أموركم طيبة وكلكم ماسكين وظائف ممتازة لكن أنا أنصحكم، الوظيفة ما هي هي الغاية هي تغنيك عن الفقر، لكن ما هي اللي توسّع عليكم شوفوا أنا تفرّغت غريب! الناس العكس، الآباء عادةً لا، لأنه قضى أربعين سنة قال بختصر لكم تجربتي، أربعين سنة وأنا في الوظيفة الآن أقول لكم، شوف بعد التقاعد وعمره فوق الستين
11:29
تفرغت للتجارة وطلّعت أكثر مما كنت بطلعه في الوظيفة فأنتم شباب نشيطين متعلمين أحسن منا، غامروا، جربوا هذه كانت دافع، حافز لكن ما في بالعائلة من أتعلم منه التجارة طيب أيش الطريقة؟ قلت ما في إلا ماجستير إدارة أعمال ذاك الوقت تذكر البعثات وكذا؟ أخذت بعثة ورحت ماجستير إدارة أعمال ودورت جامعة برنامجها شوي طويل لأني كنت ما أبغى آخذها بسرعة، كنت أبغى أخذها بمخمخة يعني أتعلم في الجامعة وخارج الجامعة وأخذت برنامج طويل في البعثة ودرست وفعلًا كنت أقرأ مقالات وأتعلم وأترجم وكان يلفت انتباهي اللي نجح، الحين كيف نجح؟ كيف اختار منتجه؟
12:16
أصعب عملية هذه، أصعب مرحلة نعم. كيف تطلّع المنتج؟ لأني كنت أدرس أشياء حالية موجودة تباع الآن بالسوق، في ذاك الوقت وتعرف في كندا وأمريكا سوق واحد فأناظر اللي نجحوا في أمريكا وكندا وأشوف كيف نجح؟ أيش اختار منتجه؟ كيف اختاره؟ كيف طلعه؟ كيف سوّقه وما معه فلوس؟ كيف قدر أن يسوقه؟ فبديت أستمتع بالقصص هذه وكنت أركز كثير على «هارفرد بيزنس ريفيو» اللي هي الحالات الدراسية حق «هارفرد» أيش تفيدك؟ كنت أقرأ قصص الشركات وأبدأ أترجمها وكتبتها حتى في مدونة عشان أيضًا يتوفر المحتوى باللغة العربية أيش اسم المدونة؟ موجودة إلى الحين؟
12:52
موجودة المدونة، لكن هاجرها من 2012 موجودة الظاهر إلى الآن أيش اسمها؟ اسمها مدونة «عِقد» «عِقد»؟ نعم، حطيتها لإدارة الأعمال، للتجارة للي يبي... فيها يمكن الحين ثلاثين أو أربعين قصة لكن تاركها، يمكن الحين لو تدخل فز الخادم ما يدري من زمان ما أحد دخل أحد عليه لذلك، إن شاء الله، نطلّع المحتوى فيه ثلاثين أو أربعين قصة جديدة، ما أحد ترجمها أنا اللي بترجمها وكذا القصص هذه حفزتني على البداية هذا الكلام ما بين 2008 - 2012 وقتها كانت أحد القارئات في المدونة ترسل لي وتسألني كثير وكانت، ما شاء الله عليها، تفتح متاجر إنستقرام
13:37
تذكر ذاك الفترة؟ هذا كان كم؟ 2012، وترسل لي وتسألني وتستفسر وأنا أجاوبها بعدين كم مرة ترجع لي وتستفسر قلت لها تبين شريك؟ قالت ما عندي مشكلة كم رأس المال؟ قالت 4000، منك 2000 ومني 2000 قلت سهل 2000 وأنا كنت على نهاية البعثة برجع فعطيتها 2000 طلبت منتجات، كانت قمصان رياضة نسائية طلبتها من كوريا وبتبيعها على إنستقرام أول ما رجعت، بشّري كيف الأمور؟ قالت يا أخي كل شيء كويس إلا المناديب المناديب بهدلونا المناديب شغلي، أنا رجال وأعرف الأمور أيش يبي له المندوب؟ أناظر كم يوصل المندوب؟ قالت يوصل بخمسين ريال ستين أو أربعين، ما يقل عن الأربعين
14:22
فافتح صفحة إكسل مرة ثانية يا أخي لو بوصّل الطلب بأربعين ريال وبوصّل باليوم كم طلب، كم بطلّع قيمة الـ «اكسنت» وكم بطلّع راتب جمّعت، إلا والله موضوع مربح واطلّع لك «اكسنت» وأجيب لك مندوب عربي نقلته على كفالتي وخليته يوصّل متجرنا هذا ولمتاجر أخرى بدينا نرسل لتاجرات في إنستقرام عندنا مندوب وحطيناه بخمسة وثلاثين كسرنا سعر السوق، لأنه كان بأربعين طيب اشحنوا برى الرياض في ذاك الوقت كان ما فيه شركات مو مثل الآن، اليوم فيه شركات كثيرة وشباب الأعمال اللي طوروا أنشطتهم أول نجيب واسطة عشان نجيب أسعار شحن زينة مع أحد الشركات
14:59
بالضبط. وأصلًا كان من الشركات الموجودة فقط الشركات الكبيرة عندك «أرامكس» و«سمسا فيديكس» ما كانت «سمسا» و«فيديكس» لحالها، كان شركة وحدة وإذا بغى الواحد يشحن معهم خارج الرياض لازم يأخذه ويروح لمحلهم ويعطيهم وكان سعرهم تقريبًّا 160 ريال إذا معك سجل تجاري بثمانية وستين ريال، كأنك تشترك قلت هذه شغلتنا الرجال، ما عندك مشكلة وأمر على كل الشركات هذه، أبغى سعر كويس وأنا أبغى أفتح شركة قالوا لي ممكن نعطيك...
15:27
الحين بيسمعون النساء يقولون أيش قصدك شغلتنا الرجال؟ أقصد الفكرة أن أنا ما أعرف متاجر الإنستقرام، هذه شغلة حريم أما الخدمات اللوجستية عندنا، أعرف توصيل وعمال هذه شغلتنا، احنا نفهم بها فمريت الشركات كلها، وأخذت بوالص شحن بخمسة وعشرين ريال تدفعها مقدمًا، لكن يعطونك ألف بوليصة، يعني بـ 25 ألف قلت هذه 25 ألف وعطوني 1000 بوليصة بخمسة وعشرين ريال رحت للمندوب قلت له تبيع البوليصة بأربعين يعني احنا ربحنا بخمسة عشر يبيعها لمن؟ للتاجرة اللي تبي تشحن برى الرياض لأن من أول تاجرة الإنستقرام إذا جات تشحن للعميلة بجدة تراها تروح إلى الفرع حق «أرامكس» ولّا «سمسا»
16:15
فأنت استمريت توصل لهم سواءً من داخل الرياض أو برى من خلال... برى ما في أحد كان يقدم الخدمة هذه، ما كان إلا احنا أو أن التاجرة تشيل بنفسها طلباتها وتروح إلى أحد الفروع لا أنا بمرك من البيت وآخذها واشحنها لك برى، وهذه خدمة إضافية وأنتِ إذا رحتي للفرع ترى بيكلفك ثمانية وستين أقل شيء أنا ببيعها لك بأربعين، فهي كسبانة من كل الجهات هذه من الماجستير استفدت الحركات ذي؟ الشكوى لله عاد، والعرق القصيمي يطلع هو الأساس، ثم الماجستير الشاهد، لكن ما يسوى أن المندوب يروح لبيت وحدة عشان يأخذ خمسة عشر ريال فكنا نقول أقل شيء ثلاث بوالص
16:56
إذا عندك ثلاث شحنات نرسل لك المندوب فصار فيه إقبال كبير على هذه الخاصية ما أحد يوفرها إلا احنا قلت طيب احنا نبي ندعم مناديبنا اللي في الرياض فقلت اللي يبي يتعامل معنا خارج الرياض لازم يكون من اللي يتعاملون معنا في الرياض نأخذ لك شحناتك خارج الرياض وشحناتك داخل الرياض وإلا ما نتعامل معك فحولوا التاجرات معنا جبت سيارة ثانية ومندوب ثاني، ثم جبت مندوب ثالث صار التوصيل هو المشروع حقنا فكنا نطلع صافي ربح شهريًّا من 10 - 15 ألف من التوصيل فقط فممتاز كويس مشى، لكن ما زال بخاطر ودي أفتح متجر فتحت أنا وزوجتي متجر، أنا وزوجتي فاشلين بجمع المتابعين
17:42
فتحنا وأضافونا، وصلنا أقصى شيء 150 أهلي وأهلها والأصدقاء نبي نزيد ما في، ما نعرف هل أقدر أطلب منتجات بحكم البعثة والابتعاث، تعرف الواحد صار يطلب هذا وأنت في أمريكا يعني ولّا؟ لا، بعد ما جيت، لكن بحكم الابتعاث قدرت أطلب من مواقع كثيرة وتعرف أكثر من غيرك فأبغى أستغل هذه الخاصية وأجيب منتجات وأبيعها لكن منصة التسويق ما عندي فسبحان الله، مرة قابلت واحد من الزملاء عزمني رحت لعنده، لقيت عنده زميل مشترك، ما أعرفه ذاك الوقت أنت كنت بتسوي حركة «نايس ون» لكن ما ضبطت معك كيف؟ «نايس ون» كذا كان مبتعث في أمريكا يعطي المنتجات لخواته الظاهر
18:20
ويبيعونها؟ نعم لا، احنا كنا بعد البعثة فتحنا المشروع بعد البعثة و ليس قبل البعثة، يوم جينا يوم جلست مع الزميل، سبحان الله، مصادفةً جاي واحد وأسولف أنا وإياه قالي أبشرك احنا الحين عندنا مصنع، بنفتح مصنع ثاني يشتغلون على الكب كيك والحلويات طيب، كم عندك فرع؟ قال عندي الحين تقريبًّا، يا قال فرعين أو ثلاثة ما شاء الله تبارك الله، كيف بديتوا؟ قال من متجر إنستقرام قلت يا أخي أنا فتحت متجر إنستقرام وما عرفت أجيب المتابعين قال أنا مثلك طيب كيف؟ قال رحت اشتريت متجر إنستقرام من وحدة شيء جاهز يعني شيء جاهز رحت لها واشتريته بكم اشتريته؟
19:02
قال بخمسين ألف كم فيه متابع؟ قال 3000 قلت بـ 50 ألف! وقتها عاد 3000 كان... ولو، بعت بـ 50 ألف! ترى حساب إنستقرام، يعني أيش! قال نعم والله، وأبشرك عين الخيرة ترى هذا هو اللي فتح لنا المصنع، ثم المحل الأول والثاني والثالث قلت يا أخي ما جات ببالي، أنا أوصّل وأعرف المتاجر وأعرف هذه متجرها يطلّع كم طلب في اليوم وهذه كم طلب في اليوم والله أنك فتّحت بالي، رجعت وجلسة مع «أم سعد» هذه ترى نقطة مهمة، لكن قبلما ننتقل للنقطة الثانية أن الأغلبية دائمًا يفكرون أنك لازم تبدأ من الصفر ما يفكرون أن فيه واحد بدأ بشيء صغير جاهز
19:43
فيه قاعدة عملاء صغيرة تقدر تشتريهم وتبدأ منهم، سواءً كان صفحة إنستقرام، سواءً كان... حتى فيه مشاريع رقمية تكون برمجيات حتى فيه منصات أجنبية الحين، ناسي اسمها الظاهر اسمها «مايكرو إكواير» إذا ماني غلطان فيها مجموعة مشاريع صغيرة أصحابها يبغون يبيعونها تروح تشتري واحد بـ 10 آلاف، تشتري واحد بـ 20 ألف يقولك هذا فيه اشتراكات كذا تجيب لك 1000 ريال شهريًّا فتقدر تبدأ، ما يحتاج تبدأ من الصفر حتى لو أنت...
20:09
صح، ومو كل شيء تقدر تسويه أنت وكل إنسان فيه نقطة ضعف وأنا نقطة ضعفي أنا وزوجتي ما نقدر نجمع متابعين صراحة وعندي نقطة ضعف ثانية بقولها بعد شوي احنا أول ما بدينا المشروع لكن اللي صحاني الزميل هذا سبحان الله، كانت مقابلته صدفةً فقلت فعلًا يا أخي، أنا أوصّل للمتاجر هذول وأعرف كل وحدة كم تطلع طلب في اليوم ما دام متجرها ومتابعينها حقيقيين فـ«أم سعد» هي اللي تتفاهم مع المتاجر وتنسق أنا أسوي النظام، وهي، ما شاء الله، مديرة العمليات هي اللي تتواصل مع المناديب وتعطيهم الطلبات وتتواصل مع التاجرات قلت لها من أحسن متجر؟ قالت هذا وهذا ثاني متجر
20:48
رحت للأولى، حياءً صراحة ما كلمتها برقمي رحت كلمتها من رقمي الثاني، وقلت السلام عليكم كأني جايها من الإنستقرام ليش ما كلمتها من رقمك؟ استحيت أني أنا اللي أوصّل لها وأنا اللي... أها عرفت، غيّرت صوتك ولّا؟ لا والله، بالواتساب دخلت لها من رقم ثاني حياءً منها ولّا ما في شيء من هذا فقلت لها تبيعين متجرك؟ قالت لا، أنا فاتحته يوسع صدري يا بنت الحلال بـ 5000 قالت لا قلت 8000، 12000؟ لا 15000، لا.
21:23
18000 قالت لا قلت لك ماني بايعته ليش كانت تبيع أصلًا؟ ألعاب أطفال وكذا قالت أنا أصلًا جايبته وساعة صدر لي المهم، قلت الشكوى لله، هذه مصرّة ما هي ببايعته روح للخيار الثاني الثاني قالت لي «أم سعد» تراها توها مبلغتنا أنها على وشك ولادة
22:51
وأنها بتوقف أربعة أشهر عشان ما بعد الولادة فممكن هذه هي، احتمالية أنها تبيع المتجر مالّةٍ منه وترى هي عندنا عميلة وأختها عميلة عندنا عميلة عندكم وين؟ بالتوصيل أها في التوصيل؟ نعم في التوصيل، هذول تاجرات إنستقرام، كل وحدة وكلهم نفس البضاعة تقريبًّا، فتقدر تعطي بضاعتها لأختها وتبيعها لها فاحتمالية أنها تبيع، حامل وبالشهر التاسع وبتوقف دخلت عليها السلام عليكم، وعليكم السلام قلت تبيع متجرك؟ سكتت أيش كانت تبيع هي؟ أغراض حق منزل، منشر غسيل قلت بـ 15000، ما قلت لها بـ 5000 مثل ذيك قلت أفاجئها برقم كذا 15000، قالت موافقة
23:39
على طول سلك الموضوع قلت على بركة الله سوينا المبايعة، أخذت الإنستقرام غيّرنا اسمه، وسميته متجر «عجيب» ليش «عجيب»؟ عشان ما أدري أيش ببيع فيه ممكن أتوقع أي شيء، متجر على أي شيء إلى الآن المنتج ما تحدد شفت تحديد المنتج؟ متجر «عجيب» فعلًا دخلت «علي إكسبرس» وبديت أطلب إكسسوارات جوال، إكسسوارات آيباد كان ذاك الوقت يمكن أنا أول واحد...
24:13
سنة كم هذه؟ 2013 هذا كل أحد كان يبيع إكسسوارات الظاهر وقتها لا، لكن كنا احنا سابقين السوق مثلًا الإكسسوار اللي تحطه في السرير ويمسك لك الآيباد عشان تتفرج هذا ما أحد جايبه في السعودية كنا احنا نتابع «كيك ستارتر» و«أمازون» و«إي باي» و«علي إكسبرس» وأي شيء يطلع نجيبه بسرعة وكنا نبيع إكسسوارات جوال وإكسسوارات حلى، ليش؟ ما أدري إلى الحين اسمه «عجيب» ما تحدد الموضوع إكسسوارات حلى قلت؟ إكسسوارات حلى، يعني مثلًا المنقاش اللي يحطونه في التمرية أ
24:46
يش دخلها في...؟ اسمه «عجيب» فجينا وعرضناها في المتجر، كانت تباع يعني باليوم نطلّع طلبين، ثلاثة وكانت الأمور ماشية، الحمد لله، زينة والتوصيل شغال وأنا على رأس وظيفة و«أم سعد» مشغلها كل الأمور ممتازة بعدين أخذت عيالي إجازة، وطلعت أنا وزوجتي وعيالي لدبي ورحنا أول مرة نزور «القرية العالمية» وكان هذا 2013 ديسمبر أو آخر 2013 الشتاء أنا أحتري المناشف متى تجي نعم، هنا بتكلم عن المناشف أخذت العيال كالعادة أروح ألعبهم و«أم سعد» تتقضى راحت دخلت القرية الصينية، دقت علي قالت تعال لي في القرية الصينية رحت وألقاها واقفة عند محل مناشف ليش واقفة عند محل مناشف؟
25:43
ورتني منشفة قالت أيش رأيك فيها؟ قلت والله منشفة، وألوانها فاقعة وما فيها شيء يعني قالت ما هي المنشفة اللي أنت تدور عليها؟ لحظة، أيش المنشفة اللي أدور عليها؟ أنا ناسي السالفة كلها في زواجنا، تعرف يجيبون طقم المعاريس اللي أرواب ومناشف احنا يالرجال نستخدم المناشف الأرواب ممكن أول كم يوم، وبعض المناسبات الخاصة، والباقي...
26:10
كان القطعة منها، من كل هذا الطقم يجي اثنا عشر قطعة كان قطعة منها يسمونها منشفة شعر رقيقة، تطويها تطلع صغيرة، تأخذها بالسفر أنا من زمان ما ألبس شماغ فإذا مشطت شعري ما توبّر كان تضايقني المناشف اللي توبّر في الشعر فكان عجبتني هذه ما توبّر ولا شيء، خامتها مختلفة عن البقية ما توبّر كيف؟ ما توبّر اللي هو تترك وبر في الشعر، اللي هو الأبيض، القطن الأبيض هذه من المنشفة؟ من المنشفة، طبيعة الأقطان ما تشوف الحين إذا نشفت جسمك يطلع مثل الشعر البسيط أو بشعرك تمشّط شعرك تلقى فيه أقطان، هذه يسمونها التوبير ما قد مريت في التجربة ذي
26:50
لا، كويس عشانك مستخدم «ريفي» فقط قاعد تسوّق نفسك هذه كانت بالنسبة لي مشكلة وأيضًا صفطتها وصغيرة لأني كثير السفر فاحتاج أني آخذها معي تلفت هذه، أبي منها «أم سعد» أيش هذه؟ قالت هذه يسمونها منشفة شعر وين نلقاها؟ قالت والله ما أدري، خل نروح ورحنا أنا كنت شاريها من «نعومي» البراند الجميل اللي أحبه رحت لهم، قالوا ما نعرفها وما عندنا، هذه مناشفنا اللي عندنا مريت الفرع الثاني لـ «نعومي» ما عرفوها مريت فرع ثالث، قال لي أنت قد أخذتها مع طقم قبل سنتين؟ قلت نعم، قال جات معنا بالطقم ولا قد جبنا منها مريت غير «نعومي» رحت لكل أحد في السعودية يبيع مناشف، ما لقيتها
27:33
حتى أذكر أني أخذت أحد الزملاء قال وين بنروح؟ قلت ندور منشفة وندخل «دبنهامز» وغيرها ما حصلتها وقت البعثة «أم سعيد»... هذه عام كم؟ هذه، سلمك الله، ما بين 2006 و 2008 احنا كنا في عام 2013 نعم، أنا رجعت لك الحين بالمنشفة اللي أنا أحبها خلال البعثة كنت مع «أم سعد» كلما مرينا محل مناشف في كندا ولّا أرواب دخلناه وندورها أنا نسيتها بطبيعتي والحرمة أفضل، ما شاء الله تبارك الله فيوم جاء «القرية العالمية» لقت المنشفة، وأنا ناسيها تمامًا فنادتني قالت ما هو بهذه المنشفة؟ حطيت موية بيدي ونشفتها إلا تنشفيها ممتاز لكن الشكل يختلف شوي، قلت كأنه هو، ما أدري يمكن هي ويمكن مو هي
28:19
تدرين هات أربع حبات أخذت منشفة لي ومنشفة للمدام وقلت منشفة لوالدتي، الله يحفظها، ومنشفة لأم زوجتي رجعنا من دبي، منشفة الوالدة كانت ما هي بكبيرة بحجم الشعر لونها حمراء فاقع لونها لأن الصينية ما كانت تبيع إلا ألوان فاقعة فأخذت حق الوالدة حمراء، وكنت شاري للوالدة سلسة ذهب ولفيت المنشفة كذا وسقطتها بالكيس وعطيتها الوالدة نزلت من المطار على طول للوالدة سلمت عليها وعطيتها الهدية وكنت دايخ ورحت نمت الساعة 8:00 الصبح إلا الوالدة تتصل طبعًا الوالدة، الله يحفظها، عندها قاعدة لا تفجعوني تبي تسلّم دق من بعد 11:00 لو تدق بدري، يا ولادة يا حادث
29:08
فيه شيء طارئ فلا تفجعوني، اللي بيسلّم يدق علي متأخر حد يدق علي 8:00 يقول بسلّم! أنا الحين الوالدة هي دقت علي، والوالدة الساعة 8:00 أنا وقتها نايم، ما رحت الدوام فرديت مفجوع، سمّي، سلمت هي سلام عليكم، في الدوام؟ قلت لي نعم، خفت أني أقطع سالفتها لو قلت لها لا نايم، بتقول أتصل عليك بعدين وأنا ما ودي تعبان قلت نعم في الدوام، أنا والله في سريري مو في الدوام قالت أيش المنشفة اللي جايبها لي؟ هنا جات لحظة صمت، لأني ما أدري هو السؤال إيجابي وأعجبتها؟ ولّا داقة تنقد عليك ولا ما أعجبتها، وأنا نسيت أقول للوالدة لأن اللون فاقع وخفت أنها تنزّل لون
29:55
نسيت اقول للوالدة اغسليها قبل الاستخدام وخفت أنها استخدمتها ونزل لون على شعر الوالدة ويلا أحمر تطلع الوالدة أوربية وأفكر منين بلقى كوافيرا تعرف بالأصباغ كلها عرفت المعالجة ومنتظر الوالدة تعلّق، عشان ما أدري أمدح ولّا... أبي أعرف الانطباع إيجابي ولّا قلت عسى ما شر يمّة؟ قالت تروشت الفجر وجففت فيها شعري، ممتازة أنا مستغربة أنك أصلًا جايب لي هدية منشفة، أيش له؟ قلت بردها الله بالعافية، الله يبشرك بالخير أنا كذا ارتحت، أول شيء الوالدة الشيء الثاني، أنا ما جربت المنشفة شناطي على صكتها قلت لا الحين يلزمنا استحمام الحين
30:48
وأقوم أستحم واستخدمها، إلا والله المنشفة اللي أبيها قلت الآن منشفة، ومنشفة أدورها لي كم سنة والحين 2013، نهاية السنة لقيتها الحين تقدمت في الزمن، للوقت اللي تقول لك هذه منشفة اللي كنت تدورها راوي والله، طبعًا مع «الحزيمي» هذا ولّا مسوي شغل، شكلي بشترك معه في الدورة طلعت للمدام، وقلت لها، ما شاء الله، منشفة ممتازة قالت ليش ما نجيبها لمتجرنا نحن بادين نبيع لنا سنة، لكن أيش نبيع؟ إكسسوارات جوال وحلى قالت ليش ما نجيبها لمتجرنا؟ قلت ما أخذت رقم الصينية، الصينية الحين في دبي، واحنا في الرياض لا أخذت رقمها ولا بريدها الإلكتروني ولا أي وسيلة تواصل
31:35
العرق القصيمي ما اشتغل، اشتغل متأخرًا قالت نعم والله صدق، يلا خيرة شايل هم أني أروح لدبي مرة ثانية على صلاة العصر يدق علي زميلي، وهو شريك السكن في الجامعة وشريك السكن في البترول، اللي هو ساكن معي في نفس الجامعة دق علي، ألو أبو سعد كيف حالك؟ تبي شيء من دبي؟ تقريبًّا خمسين دقيقة عشان تقول أنك طالب بترول هذا رقم قياسي زين، عرفت أوصّل لك؟ نعم فقال لي تبي شيء؟ قلت نعم والله قال بروح دبي تبي شيء؟ أنت دائم تروح دبي، ما عمرك قلت لي أيش المناسبة؟ إلا والله، ما ساقك إلا رب العالمين نعم، أبي شيء. معك شيء؟ متى بترجع؟ قال بكرة
32:20
معك عفش؟ قال أبدًا قلت، الله لا يهينك، «القرية العالمية» القرية الصينية فيها مناشف، أبيك تجيب لي 100 حبة، وتجيب لي رقم الصينية قال لي خلاص، راح وجاب لي 100 حبة أرسلها حتى ما قدر يشيلها، طلعت كبيرة يوم جهزوها، ووصلتني الحين المنشفة عجبتني، عجبت زوجتي، عجبت أمي لكن ما أدري عن الناس، تعجبهم ولّا لا فقلت بجرب على إخواني «الأقربون أولى بالمعروف» لازم أجرب عليهم فأخذت خمسة وعشرين حبة، لفيتها على شكل رول وحطيت ربطة فيونكة من حق التخفيضات وجبت كيس هدايا، وحطيت في كل كيس حبة احنا نجتمع عند الوالدة خميس وجمعة فرحت وحطيتها في السيب على المدخل، وجلست مع إخواني
33:06
بعد العشاء قلت يا إخواني وأخواتي تراي جايب لكم هدايا اللي يطلع يلقى أكياس هدية فيها مناشف يأخذ منها كل واحد يأخذ حبة، اللي تعجبه؛ تراي أبيع منها كل واحد طلع أخذ له حبة قعدت أربعة أو خمسة أيام، إلا أول واتساب أختي سلام عليكم، أحمد المناشف اللي تبيعها أبي منها خمس حبات لعيالي ألوان مختلفة شوي الثانية قالت أبي ست حبات شوي أخوي قال أبي أربع، شوي قال أبي خمس سويت سويت نفس الحركة بأهل زوجتي خلصت الـ 100 حبة وأنا ما لبيت متطلبات العائلة والحين معي رقمها، دقيت عليها 700 حبة هذه نقطة مهمة هنا، ودي تركز عليها مسألة أنك قبلما تبيع أي شيء تختبره مع الناس اللي حولك
33:51
تعطيهم إياه وتأخذ الملاحظات أما أن يكون شيء مهمل ويسحبون عليه ولا يستفيدون منه وقتها خلاص خسارتك تكون فيهم فقط صح أو أنك تأخذ ملاحظاتهم وتطور المنتج وتبيعه في السوق هي أتوقع الفزّة هذه، أبي خمس مناشف زيادة، أبي كذا اللي يجيك فعلًا تحس أنه لقى حاجته في الشيء ذا وهي اللي تولع لمبة برأسك وهي الميزة فيها أنهم ما طلبوا على طول، ما جاملوني ما عطيته، وقال أبي أربعة أو خمس قعد له أربعة، خمسة أيام تأكدت أنه استخدمها وجازت له ورجع يطلب وهذه أثبتنا الحالة أن المنشفة ممتازة لمن يجربها فطلبت 700 حبة، بدأ الآن التدرج أنا ما معي فلوس، ولا ريال دفعناه في التسويق
34:37
كل اللي دفعته 15 ألف لما اشتريت المتجر حق حساب الإنستقرام وقيمة المناشف وقيمة المناشف، لكن التسويق ما فيه ذاك الوقت ما فيه الثقافة حقيقة عندي أخواتي مدرسات الثنتين، فقلت لهم بعطيكم عينات خذوها للمدرسة ووروها للمعلمات المعلمة اللي تحسين أنها تلمسها وكأنها جازت لها، ولها خاطر أعطيها حبة هدية المعلمة اللطيفة اللي تجامل أعطيها حبة تمام؟ قالوا خلاص أخذوا مني وبدأوا يوزعون قعدنا لنا أسبوع كذا إلا هذه تطلب عشر حبات هذه اثنا عشر، هذه خمس، هذه ست راحت الـ 700 حبة أنا ما بديت أبيع الحين للمتاجر على إنستقرام أبدًا أها، كلها هذه...
35:25
كلها هذه معارف علاقات قلت تمام ممتاز، أعطينا 1000 حبة، أرسلت 1000 حبة ترسل لك من دبي ولّا من الصين؟ ترسل لي من دبي مع البريد السعودي وآخذها قلت الحين أبغى أجرب اللي خارج الدائرة، هذه أبغى متجر إنستقرام طيب كيف؟ المنشفة الحين تأكدت أن إذا استخدمتها بتجوز لك لكن كيف أحطها بيدك عشان تجربها؟ أنا أقولك تعال اشتري المنشفة بتقول منشفة! مليان بيتي مناشف من جد لكن ودي أنك تمسكها فقط، ودي أقنعك أنك تمسكها أنا عارف أنك إذا مسكتها بتجوز لك فصرنا اللي يطلب إكسسوار جوال هذا قد يطلب استاند جوال، نحط له منشفة هدية الهدية أكبر من اللي...
36:13
أي واحد يطلب من عندي منتج؛ نحط له هدية ونحط له ولا نعلمه أننا حطينا هدية هذه فيها شوي فلسفة في علم النفس حلوة هذه اللي تطلب شيء يجيك شيء أكبر منه بالضبط. أبيه أولًا يصور ويقول يا أخي جاني طلب بالخطأ صح جاء منتجه، لكن جاه شيء بالغلط ،ويصوره ويرجع تقول جاني منتج بالخطأ، نجي نقول لا مو بالخطأ احنا حطينا لك هدية من متجرنا أول شيء هنا أنه امتنان الشيء الثاني، فرصة أني أقول له أيش مواصفات المنشفة لأن الحين هو فتح باب معي محادثة بالواتساب وأقول له المنشفة اللي حطيناها لك هذه من الألياف، امتصاصها قوي، ما توبّر عندنا منها أحجام وألوان، وإذا تبي جربها
36:58
وإذا جازت لك؛ فتحت بيني وبينك خط مو فقط شفتها بالمتجر فالحين صار الموضوع أقرب، يعني يمكن يشتري عشان يستحي منا فأخذوا لهم كم يوم كذا، بعدين بدت الطلبات تجي كل من أخذ أعاد الطلب، يعيد الطلب مرتين، ثلاث فبدينا، ما شاء الله، كل شوي نسوي إعادة طلب فيه قصة لطيفة، أنا معي «تاهو» وقلت ذاك اليوم بروح أعبي «التاهو» من دبي وأجي كل مرة بريد سعودي، هذه المرة...
37:31
وأخذت السيارة ورحت دبي، وأقابل الصينية الصينية كان عمرها صغير اثنين وعشرين سنة فواعدتها توقّف، إلا، ما شاء الله، معها «بورش» جيب كحلي محدود موديل السنة وتوقّف تفتح شنطة وتنزل لي منها مناشف قلت لها هذه سيارتك؟ قالت نعم ما شاء الله، كم لك سنة في المشروع؟ قالت خمس سنوات أبيع مناشف. قلت لها كويس عمرها اثنين وعشرين تقول؟ عمرها اثنين وعشرين ما شاء الله قلت لها كويس، خمس سنوات وأشتري «بورش» ما هي من بعيدة وتنزل لي مناشف من الـ«بورش» طبعًا أنا قلت لها أبي مناشف كثيرة، أنا جاي أعبي السيارة فدقت على زوجها وجاء جاب سيارة ثانية وعبينا المناشف
38:19
الحين كل ذا بدون ما تأخذ المبلغ اللي استثمرته في المناشف الإضافية كله من المبالغ اللي كانت تجيك من العملاء ولّا...؟ كلها تدوير ولّا أخذت قرض ولّا؟ ولا أخذت القرض إلى اليوم القرض بيجي لاحقًّا هذه كانت من راتبي وكذا توفير كنت مستمر موظف؟ مستمر نعم ما تركت الوظيفة إلى أن، سلمك الله، 2016 منتصف السنة احنا يعتبر 2014 بدينا، فسنتين ونص نبيع مناشف جات أخت زوجتي تدرس إدارة أعمال قالت أبغى أسوي عرض تقديمي عن متجركم «عجيب» هذا فيه عندهم مطلوب مشروع فبديت أحسب لها الأرقام لقيت أننا بايعين في سنة من المناشف فقط 120 ألف قلت لحظة، ما شاء الله