Lakhasly

إِنَّهُمْ يَرَوْنَهُ بَعِيدًا وَنَرَاهُ قَرِيبًا ]
لايك قبل م تقرين 🤍
Part : 2 }
امر فهد تركي أن يطلع هو بيكمل التحقيق
فهد جلس بـ الكرسي المقابل لـ سلطان قال بسخريه : لا والله واضح تربيه أبوك م فادت فيك

[ إِنَّهُمْ يَرَوْنَهُ بَعِيدًا وَنَرَاهُ قَرِيبًا ]
لايك قبل م تقرين 🤍
{ Part : 2 }

امر فهد تركي أن يطلع هو بيكمل التحقيق
فهد جلس بـ الكرسي المقابل لـ سلطان قال بسخريه : لا والله واضح تربيه أبوك م فادت فيك
سلطان ناظره بصدمه ضحك بـ أستهزاء : لا يكون واحد من اعداء أبوي أنت
فهد رافع حاجبه : تقدر تقول إن ألد اعدائي ، مسك فهد ببرود الملف للي فيه قضيه سلطان وفتحته وبدأ يقرأ بصوت عالي : سلطان بن سعود بن فهد متهم بحياز سلاح غير مرخص وبمكان عام سكر الملف بقوه وضرب الطاوله : سود الله وجهك وش هالتهمه للي جاي فيها للمركز تدري إنك احتمال تنسجن سنه هالتهمه ؟
سلطان : هذا سلاح عويد ومرخص وخذ السلاح منهم وتأكد هم م كلفو ع انفسهم يتأكدون فتحو وشافو أن م في سلاح مرخص بـ اسمي ولا سألوني ولا شيء
فهد ضرب الطاوله بقوه : ونت من سمح لك تأخذ سلاح مو لك
سلطان بغضب : ونت وش دخلك عشان تجي تحاسبني اصلا قضيتي مو أنت للي ماسك التحقيق فيها
فهد ضحك : معك الفريق فهد اي قضيه تجي لهالقسم يحق لي أحقق فيها ومنصبي هو للي يسمح لي أحقق مع مين ابغى لا تحسب نفسك إنك بتطلع من القضيه إذا قلت السلاح لعويد ومرخص القانون م يسمح لك تحمل سلاح مو ملكك وتتمشى هو بسيارتك
سلطان ناظره بغضب ويحاول يمسك لسانه عن هـ المستفز للي قدامه
فهد ناظره ببرود : يـ تركي
دخل تركي ناظره فهد : خذه للتوقيف لين نخلص تحقيق ولف ع سلطان وبـ ابتسامه ساخره : إذا طلعت من هنا فكر المره الجايه مليون مره قبل م تخلي معك سلاح مو لك
طلع فهد وتركي خذا سلطان للتوقيف

" الديره "
« بيت أبو محمد »
أم محمد : يـ كيان اخلصي أبوك بيجي ونتي باقي م خلصتي
كيان : يـ يمه وبعدين مع هالحاله ذيك أربع وعشرين ساعه بغرفتها وحنا نكرف ونطبخ وكإنها عايشه معنا بـ البيت ! شلون بلحق كل ذا أنا لحالي
أم محمد : وبعدين مع هالسالفه يـ كيان خلاص اسكتي ولا تكثرين هرج الحين يجيك أبوك ويلعن خيرك أن سمع حسك
كيان نظفت الحوش وهي تتأفف من عبير للي مالها شغل بـ شيء وشايله يدها من شغل البيت وتاركه كل الكرف ع كيان ، واول م إنتهت من فرش الجلسه وتوها بتحط الصينيه للي فيها الفناجيل ودلة القهوه انفتح باب الشارع ولفت بـ ابتسامه اول م دخل أبوها وأخوه
أبو محمد بـ ابتسامه : السلام عليكم
كيان : وعليكم السلام ، مشت لعنده وباست أبوها
حط يده أبو محمد ع كتفها ومشى معاها للجلسه وهو يسألها عن حالها
محمد ع طول توجه إلى غرفته

" حايل "
« شقه عيال أبو محمد »
دخل فارس الشقه واتجه الصاله رمى نفسه ع الكنب
غمض عيونه وأخذ نفس طويل بعد يوم متعب
انفتح باب غرفه حاتم وطلع هو يتثاوب توه صاحي
فارس يمثل الحسد : ناس تنام وتتهنى وناس تشتغل وتكرف
حاتم ضحك : يـ الحسود هي آخر سنه لي وعقب بنتكب زيك
فارس : احسن تستاهل
حاتم : ياخي جايع م في اكل؟
إنتهى 💫