لخّصلي

آخر ضحايا الجهل هو عدو ضعيف الشخصية مليء بالعقد النفسية ويعتقد أنه يملأ فراغاتها ويستقوي بمحاولة اثبات ذاته على غيره وبدون اطالة آخر أعداءك هو وهادي لازم تكون على يقين بيها يعني واحد ميجي يقولك عندي ثقة في تحليلي وعلاش تطرقنا لهاد النقطة بذات لانه يوجد خط رفيع بين الثقة في النفس وخسارة الحساب في هذا المجال لازم قراراتك وصفقاتك تمشي حسب الخطة اللي وضعت وفقط ولا مكان للثقة بالنفس داخل كل هذا اي نفذ صفقتك حسب ما هو مخطط له وكل ماهو مخالف لذلك لا مكان له ولا وجود له. ركز على نفسك ونعيدهالك ركز على آداءك ولا تنجر في لعبة هاد النوع من الحثالة اي واحد يقولك نتحداك ابلوكيه المهم انك انت تعرف روحك واش تسوا والمهم انك تقدر تثبت نفسك لنفسك. كل نهاية اسبوع كل نهاية شهر كل نهاية ثلاثي وسداسي وسنة مع تدوين ملاحظات جانبية فيها اجابة على السؤال التالي ؟ هل استفدت من كل هذا لتطور آداءك ام انك تكرر نفس الأخطاء.

آخر ضحايا الجهل هو عدو ضعيف الشخصية مليء بالعقد النفسية ويعتقد أنه يملأ فراغاتها ويستقوي بمحاولة اثبات ذاته على غيره وبدون اطالة آخر أعداءك هو 👇🏼

⛔⚠️المنافس ⚠️⛔

⬅️ يتجلى في عدة صور ابرزها أنه يقدر يكون محلل فني غرق في خالوطة المدارس والتحليلات وتدور وتكور في اعادة تدوير علوم التحليل الفني هذا لما تجيك الشفقة به وتحاول تنصحه وتوجهه للدرب الصحيح باش يرجع تريدر بروفيتابل (لانه فشل فشل ذريع في التجارة) راح يشخصنلك الامور ويتحداك. شكون عندو تحليل يصيب 100% وبدقة عالية. وعايش في وهم لازم نفصلوهولك مليح بالرغم اننا حكينالك عليه من قبل.

⛔مكانش اي مصطلح يرتبط بنسبة 100% في مجال التجارة يعني مكانش حاجة اسمها تحليل يصيب وبدقة 100% او استراتيجية ناجحة 100% وغيرها من التراهات لانك تواجه الغيبيات وهادي امور علمها عند الله وحده. وهادي لازم تكون على يقين بيها يعني واحد ميجي يقولك عندي ثقة في تحليلي وعلاش تطرقنا لهاد النقطة بذات لانه يوجد خط رفيع بين الثقة في النفس وخسارة الحساب في هذا المجال لازم قراراتك وصفقاتك تمشي حسب الخطة اللي وضعت وفقط ولا مكان للثقة بالنفس داخل كل هذا اي نفذ صفقتك حسب ما هو مخطط له وكل ماهو مخالف لذلك لا مكان له ولا وجود له.

⛔تجنب انت بذاك هوس توقع محطات السعر يعني متركزش بزاف عند هاد لحوايح ولا تجعل منها هوس لانه في نهاية المطاف تذكر دائما ان البولاريتي رايحة تخدم خدمتها ولهذا عمرك تعطي لحاجة اكثر من حجمها الطبيعي خاصة ان التحليل الفني هو 5% من كل ما تحتاج باش تنجح كتاجر.

⬅️يتجلي كذلك عدوك المنافس في صورة المخلوع وهو نوع من المتداولين بدا يربح من السوق كي غير ومزال ماش مصدق الامر ومشوكي في روحو وهاد النوع لوكان تجي تصححلو اخطاء لا يختلف على النوع سابقه يدورهالك طول تحدي ووشكون يقدر يدخل دراهم من السوق كثر ونتانة الافكار السامة والبوزبلية اللي معندها وين تدي ومعندها وين توصل.

الميكانزم الدفاعي الاخير يستوجب منك كل التركيز والاهتمام لانه من السهل أن يخرجك كليا عن مسارك واهدافك التي تسعى اليها كتاجر. واسهل من ذلك بكثير ترجع نتا بذاتك من هاد الاصناف تاع "المنافس" اللي رانا نحكو عليها. ولهذا حذاري وعس روحك على قد ما تقدر وخاصة خاصة تجنب الغرور او انك تعتقد بلي راك قرمة وزبلة كبيرة وعندك اهداف يصيبها السعر لانه مهما مشات معاك الأمور يجيك بيريودة تبقا غير تخسر والسوق راح يعرفك قدرك .... So calm down!!!

انت كتاجر هدفك الاول تحقيق الارباح من السوق ولاجل نيل هذا الهدف سوف تسعى للتعلم الصحيح ومنه اكتساب الخبرة التي تضمن فعالية الآداء يجب التركيز مع نفسك ومع آداءك ولا تنجر خلف التحديات التي لا تسمن ولا تعني من جوع مع اشخاص تافهين الاول لا زال يتخبط مع اعادة التدوير والثاني مزال مخلوع في نفسه كي راه قدر يرجع يربح من السوق.

ركز على نفسك ونعيدهالك ركز على آداءك ولا تنجر في لعبة هاد النوع من الحثالة اي واحد يقولك نتحداك ابلوكيه المهم انك انت تعرف روحك واش تسوا والمهم انك تقدر تثبت نفسك لنفسك. وراح بزاف تتعرض لبعض المرخس اللي كي تبلوكيه يروح يهزها كابتير ويرجعوك محتال وبلوكيتو على خاطر خفت منو وبلا بلا بلا لكن خلى مخك اكبر من كل هذا والوقت والجهد اللي تبذلهم باش بغل يقنع بيك بلي تعرف تخدم روح استغلهم في امور تساهم في تطويرك وتطوير افكارك عوض عن ذلك.

التجارة ميدان مبني على النتائج يا راك بروفيتابل يا لا

يا راك تحقق في نتائج يا لا

والارقام لا تكذب والارقام جديرة تصدمك بالواقع وتقولك اي نوع من الشخصيات انت ضمن كل هذا هل انت محلل فاشل داخل عليها توقعات لا تسمن ولا تغني من جوع ومعندها وين تديك ومعندك مدير بيها سواءا اصابت او اخفقت لانك في هاد الحالة تنقصك كل الصفات التي تحدثنا عنها في تخمام التاجر.

هدفك في نهاية السنة شحال حققت من ربح وبس واي حاجة تشتتك عن هذا احرقها من ذهنك ومحيطك ودربك.

وبذل عن ذلك اجعل كل اهتمامك في سبل تطوير آداءك وهذا اساس الدرس تاع اليوم 👇🏼

✅تبداها بالجورنالينڤ (journaling )مهما كنت جديد ومبتدأ ومتعرفش: ضروري اي صفقة تفتحها لازم تسجلها في دفتر سواء كان الكتروني او فيزيائي مع سبب دخولك ومع حالتك النفسية وواش كنت تحس وكل الملاحظات اللازمة ترفقها وخلي دائما خانة فارغة تجيب فيها عن سؤال هل دخلت الصفقة لانك احترمت خطة التداول تاعك ام لا وضروري تجاوب بصراحة.

✅نفس الشي ينطبق على الخروج من الصفقات.

✅راجع بصفة دورية تدوينك للصفقات. كل نهاية اسبوع كل نهاية شهر كل نهاية ثلاثي وسداسي وسنة مع تدوين ملاحظات جانبية فيها اجابة على السؤال التالي ؟ هل استفدت من كل هذا لتطور آداءك ام انك تكرر نفس الأخطاء.

✅اجعل هدفك الاسبوعي تغيير العادات التي تؤثر على سلوكياتك يعني ضرورة تفهم وين راهم المشاكل اللي تأثر على آدائك وماهي الحلول والميكانيزمات اللي لازمك طبق باش تغير من هاد العادات.

يعني اختصارا وباش نرجعو لما سبق عوض تدخل في متاهات التحدي مع اناس نكرة لا قيمة من وجودها في الحياة لازم تكون مستوعب انك حاجة متحتم عليك تثبت روحك لحتى واحد من غيرك. ركز وحافظ على مسارك واهدافك والتحدي الوحيد اللي مسموحلك بيه كيفاش طور روحك باش تطحن السوق وتحقق اكبر قدر ممكن من الارباح وترجع آلة طبع دولار.

ركز على نتائجك لان المشتتات كثيرة ويسهل جدا الخروج عن مسارك السليم ولهذا انتبه جيدا تقدر في اي لحظة في طريقك ترجع نتا هو البوكي او الكعبة او المحلل الفاشل او المخلوع والخط رفيع جدا صدقني.

هوية التاجر باش تحميها تطلب منك قوة نفسية كبيرة وهاد القوة النفسية اللي خلاتنا نركزو مع دراسة المحيط ومع البوكيات ومع الكعب الكافية ومع المتنافسين المتمخرڨين لان هادي كامل ناس تولد السلبية ولازمك تفهم بلي هاد الشي كون متكونش تعرف تحمي منو روحك راح يخلقلك ازمات نفسية

لما تتعلم استراتيجية اضرب الكلب يعرف مضربو تتحصل على قوة عقلية كبيرة جدا خالية من كل سلبية وترجع حرفيا لا تقهر ولكن هاد الشي لازم تستعملو بطريقة صحيحة ومترجعش آڤريسيف لدرجة متتقبلش النقاش وتتعصب في الافكار ضنا منك انك طبق في واش حكينا الفوق

علاش نقولو بلي النفسية مهمة بزاف في هاد المجال 🤔

ملي بدينا هاد البرنامج وحنا مركزين عندنا اكثر من 10 ايام مع العقلية لأن طريقة تفكيرك تجي من محيطك وهو اللي يؤثر عليها وافكارك هي اللي تخلق الحالات النفسية اللي راح تكون تمر بيها وعلاش كل هاد المفاهيم مهمة بزاف لانه حالتك النفسية تلعب دور في تطبيق دستور التاجر وفي اكتساب هوية التاجر كذلك واذا قلنا على التحليل يمثل 5% فان النفسية هي 90% باش تدرك انها Something really really serious

وهكذا نكونو كملنا مع أهم المحاور اللي مراح تلقاها في حتى برنامج آخر واللي اذا محسيتش بروحك بلي تغيرت بعدما اطلعت عليها نقولك للأسف You failed ومكانك ليس بيننا.

والافكار هادي اللي اطلعت عليها حاول تخصصلها ولو مرة كل شهر عاود اطلع عليها وادا دير planning اكتب في اهدافك من العادات اللي حاب تنحيها او تكتسبها وكل نهاية اسبوع تبع التقدم تاعك ومن ضمن هاد العادات تلك اللي حكينا عليها في هوية التاجر. دير ابحاثك على كيفاش تقد تكتسب هاد الصفات وواش طرق التدرب واساليبه اللي رايحة تعاونك.

التغيير ميكونش بين عشية وضحاها وميكفيش تقرا محاضرات وتبحث على مصطلحات باش تتغير اذا مكانتش عندك نية للتغير واذا مكنتش فعليا مدرك علاش لازم تتغير واذا مكنتش عندك roadmap يحولك هاد الافكار من محاضرات الى اهداف واخيرا اذا مكنتش بين الفترة والاخرى تراجع التقدم تاعك بالنسبة لهاد الخارطة تاع الطريق نحو التغيير.