لخّصلي

باعي رغد بكل صراحة بعد ماكو لف و دوران و تلميح او اي شي اني حبيتج و اهتميت بيج اهتمام اني ممنطي بحياتي لانسان اهتميت بكل تفصيلة بيج و بحياتج و بكل كلامج و سوالفج و هذا الشي جان مبين و انتي تعرفين. جنت اعيشج وياية بكل تفاصيل حياتي جنت دائما احاول اقربج الية بس انتي مجنتي تريدين ودائما جنتي تحاولين تبتعدين اكثر، جنت اريدج تكونين على علم بكلشي اني اسوي حتى من جان بينة ستريك اني جنت اصور من اطلع علمود انتي تعرفين ممكن هاي مو مهمة عندج بس اني مهمة عندي انو البنية الي احبهة تعرف كل تفاصيل حياتي و تكون وياية بكل خطوة بحياتي صغيرة او جبيرة. انتي جنتي اول انسان اني اصبح علية من اكعد من النوم و اخر انسان احجي ويا قبل لا انام و مرات انتي تكونين نايمة اني اكتبلج احلام سعيدة و انام و مرات ميكون بينة حجي و اني اريد انام اجي اكلج تصبحين على خير يلا انام هاي اشياء ممكن تكون تافهة او مو مهمة بالنسبة ألج بس كلشش مهمة عندي. جانت فترة جميلة بحياتي و طلعاتنة جانت احلى و كلشش جنت استمتع بوقتي وياج ومجنت اريدهة تخلص بس خلصت و راحت و بقت ذكرى ما اتوقع هاي الذكرى مهمة عندج بس اني مهمة عندي اني قدمت كلشي اكدر اقدمة و لو جنت اكدر اقدم اكثر مجان قصرت وياج و لو يرجع بية الزمن اسوي نفس الشي و الحمدالله اني مو من النوع الي يستغل بنية او يغلط وياها ولامرة حسستج بعدم الارتياح او ضوجتج بشي من تكونين وياية.اني حاولت ابتعد و حاولت ادوس على نفسي بس ماكدرت و من شفتج جاي تحاولين وياية كلت هية مادام متمسكة اني هم راح ارجع اتمسك بيهة بكل قوتي بس الظاهر انتي متريدين هيج و هذا من حقج و هاي حياتج و انتي الي تختارين منو يكون بيهة و منو لا. اني غلطت بتقديري و الصراحة ضجت لمن شفت الانسان الي اني واكف ويا و حاولت بكلشي علمودة يستغني عني بكل سهولة ولا عبالك يعرفني، الانسان اهم شي عندة كرامتة و نفسة و الصراحة اني بفترة فضلتج على نفسي بس من شفتج استغنيتي عن هذا الشي كلت اني هم راح استغني و اكمل الطريق الي ردتج تكونين رفيقتي بي لازم اكملة بدونج. كلشش مجنت اريد هيج ننتهي او بالأصح اني مجنت اريد ننتهي اصلا بس هاهية الحمدلله على كل حال الخيرة في ما اختارهة الله و دائما الي الله كاتبلنيا احسن من الي احنة نريدة. احنة بعد منرهم اصدقاء و مستحيلة بعد لان راح ينعاد كلشي و مراح يتغير شي اول اسبوع انتي تحجين و تسولفين طبيعي بعدين يبدي الاهمال و يقل الاهتمام بالتدريج الى ان ينتهي، كلشش مو سهلة لمن تودع الشخص الي تحبة متتوقعين شكد صعبة من تودعين شخص جنتي متعرفي بعدين عرفتي و وصلتي مرحلة متريدين غيرة، جنت أريد أبقة وياج لأخر دقيقة بحياتي بس مو دائما كلشي نريدة نحصلة. انتي مو اخر بنية بحياتي ولا اني اخر ولد بحياتج هية هاي الحياة نتعرف على اشخاص و نعوف اشخاص مرات بأرادتنة نعوفهم و مرات احنة منريد نعوفهم بس لازم. اشكرج على الوقت الحلو الي جان وياج و اشكرج على كل مرة كدرتي ترسمين ابتسامة على وجهي اشكرج على كل اللحظات الحلوة الي مشت كلشش بسرعة وياج في وقت من الاوقات انتي جنتي سبب سعادتي.ماتوقع راح انسى تاريخ عيد ميلادج ولا راح انسى اول مرة شفتج و اول مرة لزمت ايدج، اول مرة ضحكت وياج لو اول اغنية سمعناها سوة الكهوة الشربناها سوة لو وين كعدنة هاي كلهة مراح انساها راح تبقى ذكرى جميلة و ايام حلوة بحياتي رغم كلشي. مراح انسى اهتمامج لمن اتمرضت كلش اشكرج عليه ممكن بالنسبة الج مجان ذاك الشي بس اني كلش فرق وياية وجان حافز جبير بأنو اخذ الدوة و اسوي العملية جان ألج تأثير على قراراتي بوكتهة لان اني جنت مقرر ما اخذ دوة ولا اسوي عملية و اعوف كلشي وهية تلاص بس اكو شي بداخلي فضل كلامج على كلامي.بالأول و الاخير انتي طبيتيلي لسبب او علمود فدشي معين ما اعرف اذا حصلتي او لا اذا حصلتي عاشت ايدج و انتي سويتي الي تريدي و اذا ماحصلتي جنتي تكدرين تطلبين مني بكل بساطة.بالنهاية ماكو شي يدوم للأبد راح تنمسحين من ذاكرتي تدريجيا و ممكن لا و ممكن راح يجي الشخص الي يملي الفراغ الي جنتي ماليتة و تستمر الحياة.اني جنت نقطة بحياتي بس انتي جنتي اوراق بحياتي، النقطة تنمسح و مرات اصلا متنشاف بس الاوراق مهما مشة عليهة الوقت و تتعقج و تتكطع تبقة محافظة على الي مكتوب بيهة و انتي الي جنتي مكتوبة بأوراقي.طبعا عاشت ايدج استخدمتي وياية انكس اسلوب حتى نتهين كلشي حطيتيني بموقف لا اكدر اسأل ليش ولا اكدر افتهم شكو ولا اكدر اعاتبج، كلشي ماكدر اسوي لازم اشوفج تروحين و اني اضل ساكت و اباوع و مابيدي شي اسوي. اتمنالج كل الخير و الموفقية بحياتج و ان شاء الله يبعد عنج كل مكروه و يحفظج بكل خطوة بحياتج اتمنالج السعادة بكل قرار تاخذي و التوفيق الدائم.

باعي رغد بكل صراحة بعد ماكو لف و دوران و تلميح او اي شي اني حبيتج و اهتميت بيج اهتمام اني ممنطي بحياتي لانسان اهتميت بكل تفصيلة بيج و بحياتج و بكل كلامج و سوالفج و هذا الشي جان مبين و انتي تعرفين.

جنت اعيشج وياية بكل تفاصيل حياتي جنت دائما احاول اقربج الية بس انتي مجنتي تريدين ودائما جنتي تحاولين تبتعدين اكثر، جنت اريدج تكونين على علم بكلشي اني اسوي حتى من جان بينة ستريك اني جنت اصور من اطلع علمود انتي تعرفين ممكن هاي مو مهمة عندج بس اني مهمة عندي انو البنية الي احبهة تعرف كل تفاصيل حياتي و تكون وياية بكل خطوة بحياتي صغيرة او جبيرة.

انتي جنتي اول انسان اني اصبح علية من اكعد من النوم و اخر انسان احجي ويا قبل لا انام و مرات انتي تكونين نايمة اني اكتبلج احلام سعيدة و انام و مرات ميكون بينة حجي و اني اريد انام اجي اكلج تصبحين على خير يلا انام هاي اشياء ممكن تكون تافهة او مو مهمة بالنسبة ألج بس كلشش مهمة عندي.

جانت فترة جميلة بحياتي و طلعاتنة جانت احلى و كلشش جنت استمتع بوقتي وياج ومجنت اريدهة تخلص بس خلصت و راحت و بقت ذكرى ما اتوقع هاي الذكرى مهمة عندج بس اني مهمة عندي اني قدمت كلشي اكدر اقدمة و لو جنت اكدر اقدم اكثر مجان قصرت وياج و لو يرجع بية الزمن اسوي نفس الشي و الحمدالله اني مو من النوع الي يستغل بنية او يغلط وياها ولامرة حسستج بعدم الارتياح او ضوجتج بشي من تكونين وياية.

اني حاولت ابتعد و حاولت ادوس على نفسي بس ماكدرت و من شفتج جاي تحاولين وياية كلت هية مادام متمسكة اني هم راح ارجع اتمسك بيهة بكل قوتي بس الظاهر انتي متريدين هيج و هذا من حقج و هاي حياتج و انتي الي تختارين منو يكون بيهة و منو لا.

اني غلطت بتقديري و الصراحة ضجت لمن شفت الانسان الي اني واكف ويا و حاولت بكلشي علمودة يستغني عني بكل سهولة ولا عبالك يعرفني، الانسان اهم شي عندة كرامتة و نفسة و الصراحة اني بفترة فضلتج على نفسي بس من شفتج استغنيتي عن هذا الشي كلت اني هم راح استغني و اكمل الطريق الي ردتج تكونين رفيقتي بي لازم اكملة بدونج.

كلشش مجنت اريد هيج ننتهي او بالأصح اني مجنت اريد ننتهي اصلا بس هاهية الحمدلله على كل حال الخيرة في ما اختارهة الله و دائما الي الله كاتبلنيا احسن من الي احنة نريدة.

احنة بعد منرهم اصدقاء و مستحيلة بعد لان راح ينعاد كلشي و مراح يتغير شي اول اسبوع انتي تحجين و تسولفين طبيعي بعدين يبدي الاهمال و يقل الاهتمام بالتدريج الى ان ينتهي، هذا السيناريو هواي انعاد و دائما راح ينعاد.

كلشش مو سهلة لمن تودع الشخص الي تحبة متتوقعين شكد صعبة من تودعين شخص جنتي متعرفي بعدين عرفتي و وصلتي مرحلة متريدين غيرة، جنت أريد أبقة وياج لأخر دقيقة بحياتي بس مو دائما كلشي نريدة نحصلة.

انتي مو اخر بنية بحياتي ولا اني اخر ولد بحياتج هية هاي الحياة نتعرف على اشخاص و نعوف اشخاص مرات بأرادتنة نعوفهم و مرات احنة منريد نعوفهم بس لازم.

اشكرج على الوقت الحلو الي جان وياج و اشكرج على كل مرة كدرتي ترسمين ابتسامة على وجهي اشكرج على كل اللحظات الحلوة الي مشت كلشش بسرعة وياج في وقت من الاوقات انتي جنتي سبب سعادتي.

ماتوقع راح انسى تاريخ عيد ميلادج ولا راح انسى اول مرة شفتج و اول مرة لزمت ايدج، اول مرة ضحكت وياج لو اول اغنية سمعناها سوة الكهوة الشربناها سوة لو وين كعدنة هاي كلهة مراح انساها راح تبقى ذكرى جميلة و ايام حلوة بحياتي رغم كلشي.

مراح انسى اهتمامج لمن اتمرضت كلش اشكرج عليه ممكن بالنسبة الج مجان ذاك الشي بس اني كلش فرق وياية وجان حافز جبير بأنو اخذ الدوة و اسوي العملية جان ألج تأثير على قراراتي بوكتهة لان اني جنت مقرر ما اخذ دوة ولا اسوي عملية و اعوف كلشي وهية تلاص بس اكو شي بداخلي فضل كلامج على كلامي.

بالأول و الاخير انتي طبيتيلي لسبب او علمود فدشي معين ما اعرف اذا حصلتي او لا اذا حصلتي عاشت ايدج و انتي سويتي الي تريدي و اذا ماحصلتي جنتي تكدرين تطلبين مني بكل بساطة.

بالنهاية ماكو شي يدوم للأبد راح تنمسحين من ذاكرتي تدريجيا و ممكن لا و ممكن راح يجي الشخص الي يملي الفراغ الي جنتي ماليتة و تستمر الحياة.

اني جنت نقطة بحياتي بس انتي جنتي اوراق بحياتي، النقطة تنمسح و مرات اصلا متنشاف بس الاوراق مهما مشة عليهة الوقت و تتعقج و تتكطع تبقة محافظة على الي مكتوب بيهة و انتي الي جنتي مكتوبة بأوراقي.

طبعا عاشت ايدج استخدمتي وياية انكس اسلوب حتى نتهين كلشي حطيتيني بموقف لا اكدر اسأل ليش ولا اكدر افتهم شكو ولا اكدر اعاتبج، كلشي ماكدر اسوي لازم اشوفج تروحين و اني اضل ساكت و اباوع و مابيدي شي اسوي.

اتمنالج كل الخير و الموفقية بحياتج و ان شاء الله يبعد عنج كل مكروه و يحفظج بكل خطوة بحياتج اتمنالج السعادة بكل قرار تاخذي و التوفيق الدائم...أستودعتك الله الذي لاتضيع ودائعه