لخّصلي

انا هتكلم مع حضرتك كا اخت واعتبرني بره ال ستف
هكلمك عن الصيدليه و مشاكلها وبكل شفافيه وصدق
.ضروري نوحد أهدافها. ونمشي ع نظام للتعامل
زي اي مكان ليه vision and mission
ويكون في تحفيز للعمل حتي لو رمزي جدا و ابسط مايكون عشان نشجع الناس فالعموم
ممكن يبقي ترقيه . تكليف ب task اعلي . فلوس . هديه بسيطه عزومه علي event طبي . الحجات ال بتشجع الناس دي وبشكل رمزي عادي

معرفش ليه الناس مبتحبش بعض بشوف ان اطلس بيكره نور وان محدش بيفهم حاجه فالكون معرفش ليه . مفيش تعاون ف تحويل النواقص من نحيتنا.
مش شايفه تعاون عموما لا شايفه وحده بين الناس . شايفه تلاكيك وتهبيط ونقد بس

نجرد ونعمل اكسباير شهر وشهر و ن share الأصناف اول ب اول ونعمل relocation

الاصناف الي حركتها بطيئة نبدلها مع بعض و نزء الدنيا

لو انا جبت صنف جديد فعال وحلو . ممكن اعمل share مع زميلي ف صيدليه تانيه واعلمه يبيعه ازاي و اكلمه عن مميزات المنتج . لو جايلي ١٢ . اقسمهم بالتقدير واعمل awareness للناس و احفز ع البيع لو الصنف شغله كويس وسعره مناسب وهيكسبني المصلحه للجميع

مراجعة كريديت

مراجعة انستا وطلبات بشكل يومي
والاهتمام بالعروض شويه
الصنف ال مش متوفر نحاول نوفره وناخد بيانات العميل لو وقته يسمح

الحد من استقبال الادويه تحت التصريف خاصة الي ملهاش حركه

ولو بطلع براند مش عيب ابدا اني أضيف عليه نسبه وتكون بالاتفاق مع العميل وكدا كدا دي مصلحة المريض هو الي محتاجتني مش انا الي محتجاله

بمعني انه جاي عايز علبة nexium مش هقوله لا زي م

بيحصل ونشد مع الناس . لانه كدا كدا هياخدها وهيمشي كلامه عليا زي مابشوف . وهنفرهد ف بعض بس نقول والله دا براند مش عليه بونص فا نحسب عليه زياده حوالي ٣٠ او٤٠ % من تمن الصنف وتخصم عليه less . لو الفاتوره ب ١٠٠ هحسبها من رصيده مثلا ١٣٠ دا فقط للبراندات
لان بتحصل مهازل

اهتم باهتمامات الناس الكرديت دي عشان نخلص اول ب اول ومنراكمش فواتير .

هجيب شوية أصناف مثلا مش احسن حاجه عشان الكرديت. والواقع انهم مش بيبصو عليها اصلا . وقربت ع اكسباير. هم عايزين اعلي كواليتي.

.
المرضي بيجو يمشو كلامهم علينا عشان كدا انا سألت حضرتك قبل كدا
.
نعمل عروض ع الأصناف الي بتقرب ع الاكسباير نبدأ من اول ٣ شهور .

ع انستا وطلبات و نعلق لوجو ال offers

استلام ال اوردرات محتاج تنظيم ضروري . بمعني ان الاوردر ييجي .
يتفتح ويترص ويتنظم . شخص واحد بس يكون مسؤل عن ال entery. ع قدر المستطاع .
عشان نقلل أخطاء السستم .
الباركود يتطبع و حد يلزق وحد يرص .
النهارده خيري مرضاش يعمل معايا الاوردر ويقولي انا مليش دعوه بالأدوية انا واحد اتقالي انت بتاع دليفري ونضافه. و رفض تماما .
فصل معايا تحويلات جولدن و حبشان بس فقط لاغير الباقي كله تلقيح كلام ورفض و أفأفة وكلام ملوش لزمه نهائي . شوف حضرتك تحب تنظمها ازاي

هنعيد تنظيم الصيدليه بس محتاجه توجيه من حضرتك لأني مقدرش اتخطي حد حاليا . بالفعل انا لما بغير حاجه . بيدايقو
ممكن نغير مقبض باب الصيدليه الخاص بالخروج لانه مصدي جدا

و في ف الباكيات ال otc دواير فاضيه لل spots ممكن نضيف فيهم سبوت هادي للاضاءه بليل ع أصناف معينه
بالمناسبه بردو يدا يظهر لي مديكال ريب منتجاتهم عندنا وبيقولولي ان لو بيعت ليا انتنسيف من الشركه واجبلهم فاتوره وهم يجبولي الفلوس . الموقف دا ظروفه ايه ؟

مينفعش ونا بتكلم مع العميل . خيري ينط ف الكلام ويجيب الكلام لنفسه من العملا . مينفعش يزعق ل اطفال صغيره مع اهاليها عشان محدش يلمس حاجه . بيزعل فالعيال جامد. مينفعش اكون بكلم عميل وييجي يخش ورايا عن الكمبيوتر يقولي وسعي عشان اكنس والعميل واقف .
عميل موجود يبقي عيب اصلا نكنس والناس وقفه . لا و ايه . وسعي عشان اكنس.

الصيدليه محتاجه قوانين والتزام . ومتابعه .
بالنسبه للحضور والانصراف حضرتك تعملنا نموذج وامضاء يوميا مفيش مشكله. وزي اي قانون عمل في

بيكون ربع ساعه مسموح بيها . بعد الربع ساعه خصم

خيري دا واحد مش كويس ولا يؤتمن.
مواقف كتير لو حابب تسمعها قولي ونا احكيلك بره كل الي هكتبه دلوقتى لحضرتك. بس بالمختصر المفيد كدا وال انا متاكدا منه ان هو الي هيخرب اي مكان يشتغل فيه مع حضرتك لأنك مكبره ومديله وضع اكبر بكتير من الطبيعي وبتثق فيه ثقه مش ف محلها اصلا وسبب تجرأه علي الكل بالشكل دا هو انه واثق ان حضرتك مش هتعمله حاجه من الاخر كدا دكتور عماد ف جيبي ونا مبخافش من حد
انا معايا ١٥ فيزا للدكتور انا لو عايز اعمل معرفش ايه
هعمل
انا واخد تصريح اتعامل ب اي فلوس.
دا واحد حاقد ع كل الناس في عنده نقص شديد جواه بيطلعه ع الخلق . كل الناس وحشه وهو الي حلو كل الناس حراميه وهو الي شريف كل الناس فاشله وهو الي عالم ذره . مستفز . ينطبق عليه حديث آيات

المنافق ثلاث.
هو يبان خايف عالمكان و الفلوس من باب انه يعمل ريس علينا ويذل ف الي قاعد عشان يخاف منو ويعمله حساب ع اساس اننا جبناء زيه .مش لاقي دور ليه لازمه يعمله فا عايز يستعبد اي بني ادم وخلاص. انسان سليط اللسان بيصدر منه ألفاظ قميئة وسب الدين جوه الصيدليه وفي حضوري انا وهو.
التظاهر ب خوفه ع حضرتك من باب الاستحواز والطمع والسيطره وان محدش يقرب عليك غيره ولا حد يكسب ثقتك غيره ولا يشاركه فالاستفاده منك .
مفهمني ان هو مسيطر عليك و ع افكارك من الاخر كده كلامه بيحسسني ان كلنا بما فينا حضرتك شغالين عنده.
يقولي دكتور عماد ظروفه متسمحش ان يعيش ولاده هنا معاه والظروف صعبه والمدارس معرفش ايه .
طب انا مالي ظروف حضرتك تسمح ولا لا ؟ انا مطلبتش اعرف عن حضرتك اي حاجه
انسان بشع . انا انخدعت فيه للاسف بكل ماتحمله الكلمه من معني اكيد مش معقول ان يكون كل الناس غلط وهو الي صح!! .
وبحذر حضرتك منو يا دكتور.

دا كذاب وبيحور الكلام ويلبس اي حد تهمه . لو فضلت

تاخد ع كلامه مش هتلاقي حد من ال staff بتاعك انا شخصيا لو فيوم قررت امشي هيكون بسبب الإنسان دا لو متحطلوش control.
متصدقش كل كلامه عشان متظلمش نفسك اولا ولا
تظلم الناس . حضرتك فالشغل قوي بال staff بتاعك ال هو راس مالك اصلا . وحضرتك كدا لو مختش معاه موقف يفوقه ويعرفه خدوده هتكون شريك في الخراب والخساره ال بتحصل ببطء.
في أخطاء ف الشغل اااااه فييييييييي و كتيييييييير
ومفيش متابعه والناس وخده راحتها عالآخر .
بس نقدر نحل دا بشكل بروفيشنال
نقدر نجيب hr محترف ينظم الدنيا دي كلها . لو هتخسر ميزانيه معينه بس صدقني هتترحم من خساره تانيه كبيره . ودوشه وصداع وشغل الحضانه ال احنا فيها دي . ازاي كل موقف تافه كدا اكلم دكتور عماد ؟
حضرتك ازاي بتقدر تتحمل الأوضاع دي بجد سعات بعد اتخيلك كدا قصاد كل الظروف دي ازاي بتستحملها ؟
الي بيغلط ف الشغل يتعلم . والي مش عارف يحترم زمايله يتربي . هيرتبي لما يتعور ف فلوسه وينزله جزا مستحيل يكررها ومش اكتر من كدا .
حضرتك عايز تعرف تفاصيل الصيدليه . اعرفها من حد

عاقل و سوي . مش من خيري خالص .
خيري لو متلجمش الصيدليه دي هتخرب وهيطفش لك اي حد اصلا . هو عايز يبقي هو ال فحياتك انت بس .
الحقيقه ان مفيش اصلا حد خايف علي دكتور عماد .
الحكايه حاجه والحقيقه حاجه تانيه تماما
انا بنقلك صوره كا اخت لحضرتك شايفه أوضاع غلط . واسفه لو كلامي حاد شوية بس دا واقع و مؤسف.
مش عشان البس خيري او غير خيري .
خد حذرك من خيري قبل فوات الأوان.
و راجع وراه تصرفاته وقلل صلاحياته فتره كدا ومش
هتندم

انا واضحه ومليش فالحوارات
حتي مره خيري بعتب عليه فحاجه عملها مع أسماء. قالي طب لو د عماد سألك متقوليش ليه حاجه وهعزمك ع الغدا بكره !!!!!

بالنسبة للجزء الشخصي .عفوا هو مشيلني جمايل كتير جدا جدا ومفهمني ان هو الي شارلي البطانيه وان هو

الي دافع تمن الاكل ال جبهولي يوم م جيت من الجمعيه وان هو ال شاريلي كل حاجه واني لازم اديه هديه كبيره لما اقبض.
وان هو الي دفع لي عربون السكن بتاعي . وبالفعل اديته فلوسه جه قالي انا دفعتلك كذا قلتله اتفضل.

مفهمني ان عليا غرامات فالاقامه بتعتي . قولتله انا معتش دافعه اي فلوس . مش معايا فلوس ادفع اي حاجه ولا هقدر اتحمل اي أقساط تانيه .
يكلمني ع ان الاقامه دي حاجه تفضل من حضرتك ومنه عليا اصلا . لدرجة اني مره قلتله انت عايز تفهمني ان باقي الناس دفعت ف اقاماتها ؟! راح اتخض وقالي لا لا مفيش حاجه هتدفعيها تاني .
حاولت افهم منه كتير تفاصيل . مش بيريحني. خت بعضي و رحت مكتب طباعه اسأل عليا غرامات ؟ لاقيت ان مش عليا اي غرامات نهائيا مع العلم انه جه قالي عليا غرامه ١٦٠ درهم . وهو كذاب .
استأذنك تتحقق لي من فواتير اقامتي وكل حساباتي
من يوم م جيت وما فيهم كشف الطبي وعربون السكن وكل ال مخصوم عليا .
.

دا حتي يوم م حضرتك بعتتلي ال الفين درهم . باخدهم منه بقوله شكرا . قالي بكل وقاحه شكرا ايه ماحنا هنخصمهم عليكي في ايه هو انا بشحت منك ولا بهبش من حقوقك؟؟

الحل

يتلجم . وييجي الصيدليه يتعامل باحترام وممنوع رمي اي كلام وممنوع الأفأفه وممنوع ضحكته الي زي ضحكة الحريم دي . وممنوع السخريه والسخافه ال بيعملها. في نقاش اهلا وسهلا وباحترام مفيش نقاش يبعد عننا ب سوء تصرفاته وسوء اخلاقياته وشتايمه الغير محترمه
ولو هو مستكبر عالنضافه يبعد عننا ونجيب حد ينضف كل يوم مكانه . هو اصلا مبيعملش حاجه فنضافة الصيدليه بل بالعكس اي منظر ف الفاضي انما الصيدليه مش نضيفه اصلا وريحتها مكمكمه. وكلها تراب
انا ف مره بقوله الارفف كلها طين قالي نضفو معايا انا مقدرش اعمل الكلام دا لوحدي
هو شتطر بس يمسك الريشه ويعفر الحته.
فمره لاقا ورقة شاي عالارض حلف انه مش هيشيلها وان دي من معتز ولما معتز ييجي يبقي يشيل رغم ان

الحقيقه ان معتز مؤكد مؤكد رماها ف الباسكت بس وارد جدا جدا انها تكون طارت ف مدخلتش جواه عمل مشكله وسابها اسبوع لحد م معتز جه عشان يخليه يشيلها .!!!!
ايه قمة ال *** دا ؟؟؟؟
مش عايز ينضف حاجه وعايز تنضيف الحمام يتقسم علينا احنا ال ٤ فالصيدليه لانه الحمام اصلا علي طول مش نضيف ونا مره قلتله هو ليه الحمام علي طول بالمنظر دا . قعد يشتم ع كل الناس ويعيب عليهم واحد واحد وهو ملاك مش بيوسخ حاجه !
افضل عقاب ليه انك يبدل الشغل مع حد تاني فتره كدا وشوف السلوك بتاعه . والي خيري بيعمله لحضرتك هنا كلف بيه حد تاني من الناس المحترمه هايقوم بيه اكيد .
شد ودن كدا وعايزاك بس تتفرج ع السلوك لما يتنفي ويتجرد بقي من ميدالية المفاتيح ومن د عماد ال حاطه ف جيبه ومن الباس وردات الي محدش يعرفها فالكون غيره . ويتجرد من الفيز بتاعتك .
دا قاعد ينخور ويدعبس ويبحث فيما وراء الأحداث عشان يتصيد أخطاء للناس عايز يكرهك ف كل الناس .
لما يروح ل باون كل يوم يخليه يفتح له الكاميرا عشان يشوف دا جه الساعه كام ودا بيعمل ايه ف الشفت هل

دا قانوني ؟؟
انا كا موظفه ف المكان احس بالثقه والامان والخصوصية . ؟؟؟!!!!
مؤكد لااااااءءءءءءءء
.
الكاميرا دي يفتحها واحد مؤهل لذلك.
دا غير انه بيسجلنا يا دكتور من جوه الصيدليه
دا لا عايزنا نشرب ميه ولا نحط مناديل . ناقص يشيل الأكسجين من حوالينا ويقول انا الأحق بيه مش انتو !!
يخش الصبح يشتم أقذر الشتايم قدامي ع اسماء ومحمود ويدعي عليهم بشكل يفوق الخيال . اقوله حرام عليك انت عندك بنات . يشتم اكتر ويقولي انا
محدش زي بناتي
تعرف يا دكتور انا ابصم بك بالعشره اني فيوم هكون عدوه لخيري زي زي اسماء

دا واحد ملوش عزيز ومايتعاشرش .

من رحمة ربنا ب مراته و عياله انه بعيد عنهم حقيقي
صدقني يا دكتور مش دا الي ياخد القيمه دي كلها نهائيا دا أخطر من وباءات العصور السابقه والحاضره

.
الحل ف ايد حضرتك والمسؤوليه بالكامل علي حضرتك فقط لاغير

الصيدليه

بيئة العمل لا تُحتمل أبدا
لازم حضرتك تاخد موقف وتلحق البزنس الخاص بيك. بالوضع دا الدنيا هتخرب وبنلف ف ودايره مفرغه. كل مره ياخد تحذير بيرجع بوقاحه وبجاحه اكتر م الأول
اسفه عالاطاله
ولو قررت ترحلني بعد كلامي دا يادكتور قولي اجهز شنطتي بلدنا في القلوب متشاله 😂