Lakhasly

كل مره اسمع مثال مؤذي سواء مثال او موقف شبيه حقيقي او لا كنت بحس بذنب كبير بس انا اخترت اني افضل ساكته و مخبيه اي حاجه جوايا علشان خايفه من حاجات كتير منها حاجات قديمه عندي و منها حاجات جديده خلتني افكر غلط و اغلط في حقك. انا من صغري متعوده افكر لنفسي و مبقتش بعرف اطلب اي حاجه او مساعده من حد يمكن ده "الغموض" اللي ممكن اللي قدامي يشوفه مني بس هي مش كده خالص لكن انا كنت بحاول اكسر ده و احنا سوا و عمري ما خبيت عليك حاجه تخص حياتي او ظروفي او اي حاجه بتحصل معايا بأي شكل و ده انا كنت قلته قبل كده لما كنا سوا. لما بيجي حد يعوضك عن حاجات عمرك ما حستها و فقدتها بتبدأ تتعلق من غير خوف و بتختار تديله نفسك و هو كمان اكيد بيديك حب و اداك نفسه و كل حاجه حلوه مكنتش لقيها و تعيش مبسوط معاه هو مطمنك و انت مسلمله كل حاجه تخصك حتي نفسي اخترت ادهالك مش خدعاك ١٠٠% و لا ١% حتي و ربنا يشهد عليا. و بعدين اوقات تانيه وقت الخلافات اللي ممكن تكون بسبب الطرفين مش بسبب الطرف الاخر بس (الي هو انا برضه) تحس ان اللي قدامك بيقولك انك ممكن متكونش موجود في حياة بعض و ان علاقتنا مش اكيده علشان ممكن تكونوا مختلفين عن بعض و مش متفاهمين و الاختلاف ده مش مناسب للطرف التاني و انت معملتش حاجه بس انت كل اللي مريت بيه قبل كده مطلعك بشكل مش مريح او مطلعك انت مش بتcommunicate الدنيا صح. و في نفس الوقت فيه mixed signals كتير و مش عارف تتعامل و حاسس ان الشخص مخبيك عن كل حاجه و كل الناس بس هو مفهمك العكس و انت كنت بتعذره زي ما هو كان بيستحملك برضه ما انا مش ملاك انا مفشوخه في دماغي من صغري و بطلعه اوقات علي اللي قدامي وبرضه الطرف التاني متنيل بنيله و عنده عقد زيك زيه. مع الوقت حسيت ان وجودي بدل ما يخفف بقي يضغط اكتر الكلام بيقل و المشاعر بتقل و الاهتمام بيقل من ناحيه اللي قدامي و يمكن احساسي غلط بس ده اللي كنت حاسه بيه اوقات فبتفقد الأمان و تبدأ تخاف بس مش عايز تزعل البني ادم اللي قدامك و بعدين في وسط كل ده تيجي لحظه حلوه اكيد فاهم قصدي هي دي بتبقي احلي وقت و باحس انك محبوب من اللي قدامك و مبسوط و بسطه. ساعتها ببقي زعلانه ان اوقات ممكن الشخص يختفي باليوم و ساعات اكتر و الموضوع يبقي اسوأ بس كل حاجه بتتبدل فاللحظه اللي انا وانت عارفنها. كل ده و ربنا يعلم فيه صدق و مفيش اي حاجه انا غلطت فيها كل االي انا كنت فيه اني خايفه و دماغي تعباني. فبتقعد ساكت خايف و قلقان و عارف ان خلاص مفيش حاجه في ايدك تعملها و الطرف التاني هو اللي في ايده القرار و الاختيار لان هو مش متأكد من وجودك وانت مسلمله نفسك علشان بتحبه فبتتصرف غلط علي امل ان الوجع يقل شويه لما تفكر انك مفضلتش تدي حاجه مش قليله زي دي لشخص كده كده بيقولك انك ممكن تتساب و هو اللي قرر ده. وبتختار تطول مده وجوده جنبك لحد ما يجي الوقت اللي يقولك خلاص مش هقدر اكمل و تفضل دافن اللي جواك و حاسس ان مش هيبقي ليه لازمه انك تقوله لان كده كده الشخص اللي قدامك واخد قراره. فأنا مغلطتش الغلط ده من الاول لحد ما الموضوع بينا بدأ يسوء و بدأت اخاف و افكر غلط و دماغي متلخبطه و ساعات كنت باجي اتكلم انا اغلب الوقت كنت مش بعرف متكلمش علشان بس اللي قدامي يسمعني ان اللي في دماغي ده غلط و اني مش بفكر صح و يطمني او علي الاقل يتكلم معايا. ربنا يشهد عليا اي حاجه كانت مني ليك بحب و صدق في كل حاجه حتي الحاجه دي. هي غلطه زي عشره مفيش فرق ف هي مش ١٠٠% و لا ٩٠% و لا كل ده. بس انا معزتش حاجه بتاعتي و فيا ليك. و ده ميمنعش ان غلطه زي ١٠. حقك عليا علي اذي سببتهولك وقتها بس اتا مكتبتش في كلامي حتي بعد ما سبنا بعض الكلام اللي بقوله لما بنتكلم فهو صادق و من قلبي.